رواية مكتملة بقلم ليندا

الشهر العقارى وأتاكدت أن الورق سليم وأنى ليا ورث معرفش عنه حاجه !!
قطعتين أرض مساحتهم كبيره فى قريه أسمها دلوقتى قرية النيارين نجع الشرفاء سابقا !!!
كلمتهم فى الشغل وقولتلهم أنى عندى حالة وفاه وهاخد أجازه وقفلت التليفون بتاع الشغل
روحت على البيت وحضرت شنطتى وطلعت على الموقف وركبت الميكروباص
تليفونى التانى رن ولقيت أسم نيللى على الشاشه كنسلت عليها 

معرفش ليه مواجهتش نيللى بالحقيقه !! وقلتلها على اللى سمعته وخيانتها ليا!!!
يمكن لسه بحب نيللى !!
أيوه لسه بحب نيللى وهروح أبيع الاراضى وأرجع من قرية النيارين مليونير وساعتها هندمها على كل اللى قالته 
هثبتلها أنى مش فاشل وأنى مش هفضل مندوب مبيعات 
ياااه أحلامى كلها بتحقق فى يومين بس !!!
الف شكر وحمد ليك يا رب 
نيللى رنت عليا تانى فكنسلت عليها برده
حطيت السماعات فى ودنى وشغلت أغنيه لمطربى المفضل محمد فؤاد
و غمضت عينى و دندت الاغنيه وانا بسمعها 
ټجرح قلبى أنا ليه !
تقسى عليا أناا ده أنا هنفخك !!
قلبت الاغنيه وجبت أغنيه تانيه لفؤاد وغمضت عينى برده ورددتها بصوت 
ولا يهمك تارارر
لاقيت ترياقى من سمك وخلاص أرتحت من همك
ولا يهمك تارارا
راميتك زى ما لاقيتك فتات مكسور ووردة حب دبلانة فى ضلة سور
عاندتينى و بعتينى 
عشان آخرتها تلاقينى لا أنا عاشق و لا مشتااااااااااااق 
فوجئت بواحد بيهزنى جامد شيلت السماعات من ودنى وفتحت عينى لقيت كل الناس اللى راكبه في الميكرباص بيبصولى حتى السواق بيبص عليا من المرايه !!
واللى قاعد جمبى قال 
فيه أييييييييييييييييه ياعم أنت !!! أنت هتسمعنا الالبوم كله مش عارفين ننام لحد مانزفت نوصل 
وسمعت واحد فى الميكروباص رمى قلشه وقال 
أرحمنا ياعم المجروح !!!
كل اللى فى الميكروباص ضحكوا عليا !
وصلت المحافظه وسألت على قرية النيارين فقالولى هاخد ميكروباس تاني للمركز ومن المركز هاخد مواصله تالته لقرية النيارين !! 
أيه السحوله دى !!!
وصلت الموقف بتاع المركز على الساعه تلاته الفجر 
دورت على مواصله للقريه و للأسف مالقتش عربيات رايحه ناحية القريه خالص 
Lina Basyouni
فضلت مستنى أى عربيه تكون معديه على طريق القريه
حطيت شنطتى على الارض جمب الطريق وقعدت عليها لحد
الدنيا مطرت فجأه !!
ومعرفتش أروح فين !! هدومى كلها بقت ميه و طين 
شوفت كشاف نور عربيه جاى من بعيد وبيقرب عليا 
لما قرب عليا بان أنه ميكروباص واللى كان متوسخ طين من المطر 
شاورتله علشان
يقف !
فوقف وفتح باب الميكروباص بصيت على السواق لقيته راجل كبير فى السن 
قالى 
تعالى يابنى أركب
ركبت الميكروباص فالسواق قالى 
رايح فين يابنى !!
قولتله 
قرية النيارين تعرفها !
قالى 
أها أعرفها القريه اللى جمب قريتى بس ده طريق تانى غير طريقى !
قولتله 
عادى انا ممكن ادفع أجرة الميكروباص كله بس توصلنى أرجوك أنت شايف الدنيا بايظه ازاى 
قالى 
أنت مش من هنا !! صح 
قولتله 
أها
قالى 
هاخد فى المشوار ده 500جنيه أنا والله كنت مروح البيت بس علشان الوضع اللى أحنا فيه ده فهاخد منك 500 جنيه بس وأوصلك
قولت فى بالى 
أه يابن اللذينه علشان كده سألتنى أنا من هنا ولا لآ 
بتستغلنى !!! ماشى !!
قولتله 
موافق ياحاج منك لله وربنا يجعله فى ميزان سيئاتك
طلع بالميكروباص ناحية القريه كان كل شويه يبصلى ويكلم نفسه 
فقولتله 
فيه حاجه !!
قالى 
أنا متأكد أنى شوفتك قبل كده بس مش فاكر فين بالضبط !!
قولتله 
ما أظنش انا أول مره أنزل المحافظه كلها أصلا 
قالى وهو بيبحلق فيا 
قسما بالله وحياة عيالى أنا شوفتك قبل كده بس مش فاكر فين هتجنن ياناس !!
قولتله 
ركز ياسطى فى الطريق وبطل تبصلى علشان مانلبسش فى عمود ولا شجره !!
مردتش عليا وفضل يبصلى بأندهاش
قولتله بنفاذ صبر 
بقولك أيه أنا بدأت أشك فيك
وزعقت فيه وقولتله 
حاسب فيه مطب !!
أكلنا المطب والى نطر العربيه ونطرنا معاها لفوق وراسى وراسه خبطت فى سقف الميكروباص !!
فقولته بعصبيه 
ركز فى الطريق ياعم أنت هتموتنا !!
بص قدامه وهو بيضرب راسه بأيده علشان يفتكر شافنى فين برده !!
وصلنا القريه ساعتها الشمس كانت بتشرق والمطر خف شويه
نزلت من الميكروباص بهدومى المطينه نزلت شنطتى ووقفت أحاسب السواق أديتله ال جنيه وأنا مضايق
الصراحه
علشان أستغلنى وعشان معييش غيرهم فضل يعد فيهم علشان اديتهمله عشرات وخمسات وجنيهات !!
بصيت على القريه والغيطان الخضرا اللى فيها على مايخلص السواق عد فلوسه 
عدى علينا واحد راكب على حمار وفى أيده حبل بيشد بيه جاموسه ورايح على غيطه
قولتله وانا مبتسم 
صباح الخي 
فوجئت بيه نط من فوق الحمار وفضل يبحلق فى وشى وهو مندهش وقال 
ناير !!!
قولته 
أها ناير يبقى 
مكملتش جملتى ولقيت الفلاح ساب الحمار والجاموسه وجرى فى القريه وهو بيقول 
ناير رجع ياناس ياهووه ناير رجع !!!!!
السواق خبط على راسه وقال 
أخخخ أفتكرت الشيخ نايرالساحر
أدانى الفلوس وهو بيترجانى أسامحه !!!!
وخد الميكروباص وجرى !!!
شوية وفوجئت بناس كتيره تقريبا سكان القريه كلهم بيجروا ناحيتى !!!
خۏفت وطلعت اجرى بعيد عنهم وأنا مش فاهم حاجه !!
فضلوا يجروا ورايا لحد ما أستخبيت فى حقل ذره
أزاى الناس هنا عارفه جدى !!! ولو انا حتى شبهه !! أزاى أصلا هما عارفين شكله ده انا حفيده عمرى ماشوفت صوره واحده ليه !!!
فيه حاجه غريبه فى القريه دى ولازم أهرب منها حالا
طلعت راسى بره حقل الذره وبصيت يمينى وشمالى مالقتش حد خرجت بره الحقل ولسه هجرى بعيد عن القريه 
فوجئت بحد نط فوقيا ووقعنى على الارض !!!
قومت من على الارض بسرعه وبصيت لقيتها بنت تقريبا فى سنى أو أصغر منى بس شكلها هبلة !!
قولتلها 
فيه أيه !! أنتى مين والناس دى بتجرى ورايا ليه !!!
قالتى وهى بتبحلق فيا 
الساحر ناير رجع !! والله ياسيدى أحنا كلنا هنا فى القريه بنحبك وبنتبارك بيك !!!
قولتلها بأندهاش
بتتباركوا بيا أزاى لامؤاخذه!!
شاورتلى أمشى معاها
مفكرتش ولقتنى لا أراديا بمشى معاها ناحية القريه
دخلت جوه القريه وفوجئت بالناس بتتجمهر عليا وبيقولوا 
الله أكبر الله أكبر حى مدد ياسيدى ناير مدد!!
فضلت ماشى جمب البنت والناس ماشيين ورايا 
لحد ماوصلنا عند ساحه كبيره فى القريه ولمحت منصه عاليه من بعيد قربت من المنصه 
واندهشت من اللى شوفته فوق المنصه !!!
يتبع 
سكريبت_ميراث_نور
فضلت ماشى جمب البنت والناس ماشيين ورايا
لحد ماوصلنا عند ساحه كبيره فى القريه ولمحت منصه عاليه
قربت من المنصه
واندهشت من اللى شوفته فوق المنصه !!!!
تمثال كبير لجدى ناير واللى شبهى بالظبط !!!
التمثال عباره عن واحد على كتفه غراب وفى أيده عصايا زى عصاية السحره !!!
جمب التمثال فيه مقام متغطى بكسوه خضرا مطرزه
ومتعلق عليها صوره مرسومه لراجل شبهى بالضبط !!
كنت مندهش جدا وقولت للبنت اللى معايا 
أيه ده !!!
قالتلى 
ده مقامك ياسيدى ناير والنهارده بالليل معاد المولد بتاعك !!
قولتلها 
مولد !
قالتلى 
مولد سيدى ناير حى الله أكبر
وناس بتفرك فى عينيها ومش مصدقين أنهم شايفنى !!
كانوا عاملين دايره حواليا أنا والبنت اللى جمبى 
و كلهم بيقولوا فى صوت واحد
حى الله حى مدد ياسيدى ناير مدد
أهل القريه دول شكلهم هوبا خالص ومجانين على الاخر !!
الدنيا كانت بتتزحم أكتر وناس تانيه بتيجى جرى على المنصه 
قولت للبنت اللى جمبى 
هو جدى ناير ليه أراضى هنا !!
قالتلى 
البلد كلها ملكك ياسيدى ناير حى 
الله أكبر 
قولتلها 
يابنت الحلال أفهمينى أنا مش ناير أنا حفيده وياريت تفهمى الناس دى برده أصلهم مفكرن 
قطعت كلامى وقالت 
نسخت روحك يا سيدى ناير صح !!! 
مهما قولت ياسيدى ناير أنت سيدى ناير وكلنا خدامينك ياحامينا وياللى موسع رزقنا كفايه أن الدنيا مطرت يوم حضورك ويوم ميلادك مع أننا فى عز الصيف !!!
حى الله أكبر مدد ياسيدى ناير مدد
خدتها على أد عقلها علشان الناس نفخنونى 
قولتلها 
بصى يا هو أنتى أسمك أيه !!
قالتى 
خدامتك سندس ياسيدى ناير !
قولتلها 
فرصه سعيد ه ياسندس ركزى معايا أرجوكى فيه هنا قطعتين أرض واحده بأسم دياب الضباعى والتانيه بأسم ناير الضباعى ممكن تورهملى بعد أذنك !
قالتلى 
أنت تؤمرنى أمر ياسيدى ناير وهوريك الكهف بتاعك كمان !!
قولتلها 
الكهف !!
قالتلى 
بيتك ياسيدى ناير ما أنت بيتك فى الكهف !
قولتلها 
أها ماشى أبقى ورينى الكهف كمان ممكن يكون بيتباع برده ونطلع بمصلحه تالته 
مشيت جمبها ولقيت الناس بتمشى ورايا برده فوقفت وقولت بصوت عالى للناس 
محدش يجى ورايا بعد أذنكم أنا وسندس رايحين مشوار وهنيجى تانى متنسوش بقى تظبطوا حفلة المولد على ما نيجى قشطه !!
هزوا راسهم فى طاعه وهما بيقولوا 
الله أكبر حى مدد ياسيدى ناير مدد 
بصيت على البت سندس لقيتها بتبكى جامد !!
قولتها 
فيه حاجه يا أنسه !
قالتلى وهو بټعيط 
أنا مش مصدقه نفسى سيدى ناير أصطفانى دون عن كل ناس القريه مدد ياسيدى ناير مدد
وقولتها 
أرحمى أمى هو فيه هبل كده !!ودينى على الارض علشان أخلص !!
مشيت قدامى وهى فرحانه أوى!!!
وورتنى ارض دياب الضباعى واللى كانت صغيره
وقالتلى أنه كان عمى !!! قصدها يعنى عم جدى ناير وقالتلى أنه كان ساحر زيي وانه هو اللى علمنى السحر جدى ناير يعنى 
وبعد كده ورتنى أرض واسعه جدا وقالتى 
دى أرضك ياسيدى واللى بنيت عليها بيت كامل بدورين ولوحدك زى ما نوح بنى سفينته
قولتها 
طيب وفين البيت !
قالتى 
أجداد أهل القريه حړقوه وقتلوا مراتك ليلى وهى حامل !!
قولت فى بالى 
نعم !!! لما أهل القريه قتلوا مراته وهى حامل أمال أنا حفيد مين !!!
ممكن يكون تشابه أسماء !!!
أزاى ياعم تشابه أسماء مانا شبهه فى الشكل خالص أهوه أنا دماغى بتسيح منى ومش فاهم حاجه !!
كلمت سندس على


أد عقلها وقولتها 
منين حرقوا بيتى و قتلوا مراتى الحامل ومنين عاملين ليا مقام !!
قالتى 
هحكيلك القصه وأحنا رايحين على بيتك ياسيدى الكهف المشوار طويل هنطلع على أطراف البلد
قولتلها 
ماشى أنا فعلا محتاج أريح شويه بعد العك ده يلاه بينا 
حكتلى عن البيت وقالتى 
أهل القريه حرقوا البيت لما فكروك لعنتهم بمرض بس الحقيقه أنك كنت برئ ولما قتلوا مراتك وحرقوا بيتك نفختهم ودوقتهم من العڈاب رقات رقات 
بعد ماطلعت ميتينهم!! عفوت عنهم وحذرتهم من انهم يقربوا من كهفك وبعدت عن أهل القريه خالص 
لحد ماجه ساحر تانى أفترى على الناس وأجبرهم يخرجوا چثث قريبهم من القپور وياكلوا لحمهما كان بيتقرب لجن كبير 
أهل القريه أستنجدوا بيك و بالرغم من انهم قتلوا مراتك ساندتهم وحميتهم وخلصتهم من الساحر خزاعى وعڈابه 
وبعد ماخلصتهم من شره الناس عرفت الحقيقه و أنهم قتلوا مراتك وأبنك بالظلم فحسوا بالذنب ناحيتك جم لعندك أكتر من مره يستسمحوك على اللى عملوه ويطلبوا العفو
بس أنت رفضت
وحذرتهم من ان أى حد هيقرب للكهف هتلعنه 
وبالرغم من كده كنت بتساعد أى حد محتاجلك برده!!
الخير عم بوجودك وسطنا والقريه اللى كان أسمها نجع الشرفا بقت ليها هيبه وسط القرى ومفيش ساحر كان بيجرئ بس يعدى من جمبها 
سيطك كان ذايع فى النجوع كلها وكل اللى كان ليه حاجه كان بيجى وينادى عليك من فوق التبه وكنت بتطلعله تقضى حاجته وترجع كهفك تانى 
ياما شفيت ناس بأعشابك وسحرك وياما فتحت المندل وكشفت عن الحراميه والقتالين 
وياما لقيت عيال تايهه ورجعتها لاهلها وباركتلنا الميه والزرع 
لحد ما أختفيت سنيين طويله ومابقتش