رواية مكتملة بقلم لولو محمد
المحتويات
اميره دى مش هتدخل بيتي طول ما انا عايشه و لو اتجوزتها انت كمان مش هتدخل بيتى لحد ما اموت
احمد يبص لامه و ساكت
منى دا انا ما شوفتش منها و من اهلها الا كل خير هبص فى وشهم ازاى دلوقت بعد اللى انت عملته ده ... دا لما ابوك ماټ كانوا واقفين اكتر من أهلك... دا حماتك جت قعدت معايا هنا اسبوع تهون عليا لحد ما انا اللى قولتلها تروح بيتها لجوزها ... يارب موقف وحش اقوله قدام الناس اللى هتيجي تاكل وشي على ربايتي السوده دى يا رب ... موقف واحد افتكره يا رب ... طب فكرنى انت يا ابنى ... تمام هى كانت قدامى حلوه و معاك انت الله اعلم .. دا انت عمرك ما غلطت فيها و لا قولت فيها عيب واحد ... قولى انك ابن أصول و كنت ساكت و انها اى حاجه ... قولى اى كلام اقوله لابوها اللى جاى فى السكه ده ... طب انت هتقوله ايه ... هتقوله ايه يا احمد ... هتقوله ايه ما ترد عليا
منى عشان مش عاوز تقل منها و لا عشان ما عندكش حاجه تقولها ... أصلها تفرق
احمد يبص فى الارض
منى انا مش هحضر القاعده ... أنت تشيل ليلتك لوحدك... و لو طلب حد من أهلك اتصل بعمامك و عرى نفسك قدامهم هم كمان بس انا بقي مش هدخلك فى حاجه و الرخيصه اللى انت بعت بنت الأصول عشانها برده ابقي شوف مين فى عمامك هيقبل يدخلك و انت رايح ليها و لاهلها اللى رفضوك ... اقولك ايه بس رفعت ضغطى رفعت ضغطى يا ابنى ... انا داخله اخد الحبايه قبل ما اتجلط و اطب منك ساكته ... ربنا يهديك يا ابنى ربنا يهديك ضيعت نفسك و خربت بيتك ضيعت نفسك يا ابنى و خربت بيتك و اتبترت على النعمه ربنا يهديك يا ابنى
اميره انا اتكلمت مع ماما و قولتلها كل حاجه كلمت مامتك و لا لسه لما تخلص كلمني
احمد يتنهد و يرمى الموبايل على الترابيزه قدامه جرس الباب يضرب احمد يروح يفتح يلاقى على احمد يبص فى الارض و يتنهد و يشاور لعلى يتفضل
احمد اتفضل يا عمى
احمد تعبانه شويه جوه
على لا الف سلامه امال انا هقعد اتكلم مع مين
احمد انا فاهم ان حضرتك اكيد زعلان منى بس ... و اكيد كلمه اسف
على لا لا لا اسف دى تقولها لما تخبطنى فى كتفى ڠصب عنك و انت بتعدى فى الزحمه انما انا دلوقت عاوز اتكلم مع حد كبير و بصراحه يا احمد انا مش قادر اشوفك كبير دلوقت خالص ... بس عشان العشره و عشان انا من يوم ما دخلت بيتي ما شوفتش منك غير كل خير هديك فرصه تقولى بنت قصرت معاك فى ايه قول اى حاجه
على و البنت التانيه اللى هتكسر قلب بنتى دى بقي عامله ازاى يعني ... انا اللى اعرفه ان مروه صغيره و حلوه يا ترى التانيه دى بقي هتكون اصغر منها مثلا و لا عامله ازاى
احمد اكبر
على لا دى جديده و الله العظيم جديده
احمد كانت زميلتي فى الدفعه و اول حب فى حياتى
على اه ... و طبعا اهلها عرفوا بعلاقتكوا فمنعوكوا عن بعض و جوزوها ڠصب و دلوقت جوزها طلقها او ماټ فالطريق فضي صح
على امال ظروفها الماديه كانت اعلى منك و اهلها رفضوك وقتها و دلوقت الدنيا اتغيرت ما انا مش لاقى مبرر تانى
احمد يبص فى الارض على الحزن يملا وشه
على بالبساطه دى ... تمام ... مفيش مشكله ... ناوى على ايه بقي ... هنحلها ودى و لا اشوف محامى و لا ايه
احمد انا حقيقي اسف
على انجزنى مش قادر ابصلك دلوقت نهائى ... هتعمل ايه
على حقوق ايه !! حقوق ايه ما انا قولت اسهل الحلال لحد ما رخصتها فى عنيك حقوق ايه دا انا دافع نص اجره الماذون اللى كتب عليكوا
احمد باصص فى الارض
على حقوق ايه ... و انت جاى دلوقت تصون الحقوق ... يلا يلا انا اتعاملت مع ربنا .. انا اشتريتك زمان عشان كنت فاكر راجل و هتصون ... الحمد لله ... الحمد لله ... طلق و انا مش عاوز منك حاجه .. يا ابو حقوق ... قال حقوق قال
على يمشي و يرزع الباب وراه منى تفتح الباب و تبص على احمد يتنهد و يمشي
....................
فى شقه مروه بعد فتره
مروه بتلبس طرحتها و تخرج تروح لمامتها المطبخ
مروه انا نازله ادعيلي
إيناس انا مش موافقه على حكايه الشغل دى و اتكلمنا فيها يا بنتى انا خاېفه عليكي
مروه لما ابقي اتقبل نبقي نتكلم تانى عشان انا يا دوب اوصل بالله عليكي
إيناس فى فلوس فى الدرج خدى اللى انتى عوزاه
مروه بابا سايبلى الصبح تسلمى يلا سلام ... بالله عليكي تدعيلى اوعى تنسي
إيناس ربنا يبعد عنك ولاد الحړام
مروه تبتسم
مروه آمين
مروه تروح ناحيه باب الشقه و تنزل تيجي تخرج من باب العماره باباها يناديها
على مروه
مروه تبص و تستغرب
مروه بابا !! هو حضرتك ما روحتش الشغل النهرده
على روحت و عملت إذن و جيتلك عشان اوصلك
مروه و ليه تتعب نفسك بالشكل ده ما انا كنت هاخد تاكس
على ما انا هاخد معاكى نفس التاكسي امال احنا هناخدها كعابى اتحركى يا ست الكل اتفضلى
على يشاور لتاكس و يكلمه و بعدين يشاور لمروه تروحله يفتح لها الباب و هى بتضحك تركب يركب جنبها و يقفل الباب التاكسي يمشي
على عامله ايه
مروه الحمد لله متوتره شويه انا بجد بدات افقد الامل فى حوار الشغل ده
على لعله خير
مروه و نعم بالله بس لحد امتى انا ما سبتش باب انا بجد بدات افكر جديا لو الانترفيو ده ما جابش معايا انى احاول اشوف بيزنيس صغير على ادى و ابدء فيه انا ضيعت وقت كبير جدا
على انتى بس اللى مستعجله
مروه ممكن
على عدتك هتخلص بكره
مروه تفرق فى ايه
على ما تفرقش حماتك اتصلت بيا و قالت إنها عاوزه رقمك الجديد بس انا قولتلها انى هبلغك انها عاوزه تكلمك و انتى القرار قرارك
مروه هبقي اكلمها اسلم عليها
على يهز راسه
على الست بتكلم امك كل يوم و بتقول
مروه ماما بتقولى كل يوم و بقولها لا ... انا مش هساعدها تضغط عليه ما يتجوزهاش هو بيحبها و ما بيحبنيش فين كرامتى طيب ... مش هيقدر يسعدني لو هو مش سعيد معايا ... و انا خلاص ما عدتش عوزاه يا بابا اطلقنا و الموضوع انتهى مش عارفه اصلا ايه علاقه العده بالموضوع هتفرق فى ايه
على يمكن لسه عنده امل
مروه ما عندوش طنط اللى ضغطاه و انا مش هرجعله تسيبه يكمل حياته بقي ربنا يباركله مطرح ما هو
على ازاى قادره تعملى كدا
مروه عشان حضرتك ربتني على كدا انى غاليه و اللى ما يقدرنيش ما يستاهلنيش هو الخسران انا مش ندمانه عليه و فى نفس الوقت انا برده ما شوفتش منه غير كل خير كفايا معاملته الحلوه ليكوا طول الفتره اللى فاتت و لحد النهرده ... احمد انسان كويس .. بس مش ليا ... و اكيد ربنا شايلي الخير فى حاجه احسن
السواق لا مؤاخذه انا مش قاصد و الله ارمى ودنى بس انتى ربنا هيكرمك من وسع
على ربنا يبارك لك
السواق يا زين ما ربيت يا حج ... دا احنا فى الزمن اللى احنا فيه ده بيركب معانا اشكال و اللوان
على ربنا يهدى الجميع.. وصلنا اهو الحمد لله نزلنا بقي فى اى جنب هنا يا اسطى الله يبارك لك
على ينزل و يمسك الباب لمروه تنزل و يحاسب السواق مروه تشوف ميار صحبتها من دفعتها
مروه ميار اهى يا بابا انا هطلع معاها ما تعطلش انت نفسك
على قولتلك انى فاضي انا هروح اقعد على القهوه اللى هناك دى اشرب كبايه شاي و انتى خدى راحتك هترجعى تلاقيني مصاحب عليهم كلهم و مقطعهم فى الطاوله ما انتى عارفه ابوكى
مروه ههههههههههه ربنا يحبب فيك خلقه عن اذن حضرتك
مروه تروح ناحيه صحبتها يحضنوا بعض
ميار وحشتيني اوى عامله ايه
مروه الحمد لله تسلمى و الله انك قولتيلى على الإعلان ده انا كنت فقدت الأمل
ميار يااااااه دا انتى جبتيها بدرى اوى يا بنتى انتى فى مصر يعني ازمه البطاله من ايام الخمسينات تعالى تعالى دا انتى هتلاقى الدنيا ضړب ڼار فوق
مروه تضحك و يروحوا يلاقوا زحمه قدام الاسانسير يقفوا فى جنب ليالى وشوشه للروايات
ميار يا ما شاء الله .. انا بقول نمشي احسن
أمير شاب ثلاثيني لابس بدله و ماسك شنطه يدخل البوابه يقوم يحاول يوسعله السكه
البواب وسع يا ابنى وسع اتفضل يا أمير بيه اتفضل
أمير لا لا انا هستني دورى مفيش مشكله مش مستعجل ... مش هنصلح الاسانسير التانى ده بقي و نخلص من الحوار ده و لا ايه
البواب و الله قالوا هيجوا النهرده ادينا مستنين
أمير يهز راسه و يقف فى جنب
ميار شكله حاجه كبيره فى واحده من الشركات اللى فى البرج و ممكن يكون عميل مهم
مروه و احنا مالنا
ميار مفيش دبله فى ايده
مروه تضحك
ميار ايه احنا بقينا سناجل زى بعض و هو مش بطال يعني
مروه اتلمى لياخد باله
ميار ما لازم ياخد باله امال هيعرف انى عايشه على الكوكب و يجي يخطبني ازاى
مروه تضحك بصوت و تكتمها
ميار ايوه كدا اضحكى و فكيها ما حدش يستاهل و الله
مروه انا السكه دى عرفاها
ميار انا اصلا لسه قافله مع امك الست دى هتنقطنى
مروه اتلمى
ميار يا بنتى انا اصلا مش قادره افهم السلميه اللى الحوار ده خلص بيها بصراحه
مروه و المفروض تبقي حرب يعنى
الاسانسير يتفتح و ناس تطلع و ناس تركب و مروه و ميار و أمير يقربوا من الباب و من بعض
ميار يعني واحد ضيع سنتين و نص كاملين من عمرك و ۏجع قلبك بالشكل ده و يروح يكمل حياته و يتجوز عادى
مروه تسكت
ميار طب ماذا لو عاد معتزرا
مروه تضحك و تبص الناحيه التانيه
ميار يا بت بتكلم جد ... هتقبلى ترجعيله
مروه لا الموضوع انتهى
ميار بس ممكن يردك
مروه مش هيعمل كدا
ميار السنيورة مش هتسمحله
مروه هو مش هيرجع و ان حصل و ضغطوا عليه يرجع انا مش هوافق تمام
متابعة القراءة
