رواية مكتملة بقلم لولو محمد

هو ما بيحبنيش يا بنتى 
ميار هو الحب يعني كل حاجه ايه مفيش عشره مفيش دين مفيش اخلاق مفيش تربيه واحد دخل البيت من بابه و طلب بنت الناس و الناس سهلوله كل حاجه المفروض يشيل بنتهم فى عنيه مش اول ما ربنا يكرمه بقرشين يرميها و يروح للى كانت رفضاه و هو ما حلتوش
مروه فى اتنين على البوابه ما سمعوش وطى حسك 
ميار اتكتمت خالص ... هو اسانسير ده و لا ضيق تنفس هو بيقف دور دور يحمل و لا ايه دا ولا القشاش فى بطئه يا ساتر 
مروه انا قولتلك هى مش باين لها ملامح 
ميار صبرتى على اللى ما يتسمى سنه كامله و مش قادره تصبرى خمس دقايق 
مروه هتموتى لو سكتى 
ميار حارق دمى و هاين عليا اشرب من دمه 
مروه خلصنا بقي اهدى
الاسانسير يوصل يركبوا التلاته و معاهم شاب و بنت تانين 
ميار انا مضايقه اوى 
مروه الحمد لله ان الموقف ده حصل فيا انا دا انتى كان زمانك 
ميار كان زمانى ممرمطاه و ماسحه بيه الارض فى كل المحاكم و مخلياه يقول يا لهوتى 
أمير يبص بطرف عينه و يتعدل 
ميار يا بت دا انتى كنتى بتحبيه اكتر من نفسك... ازاى مش غيرانه حتى انه هيكون لغيرك 
مروه مرحله و عدت 
ميار الإنكار هى دى مرحله الإنكار و بعدين الاڼهيار بقي تقعدى ټعيطي و تاكلى فى ايسكريم و شيبسي و فراخ محمره ايوه انا عرفاها انا المرحله دى
مروه تضحك 
مروه لا انا عديت المرحله دى و حاليا فى مرحله تقبل الواقع و الحمد لله قدر و لطف 
ميار يا قادره ... استني يعني انتى جسمك ده بعد الايسكريم و البطاطس المحمره 
البنت تبصلهم و تضحك 
مروه انبسطتى انتى دلوقت 
البنت و الله عسل و ډمها خفيف 
ميار بس بختى قليل اوى يا اؤختشي 
التلاته يضحكوا و أمير و الشاب ماسكين نفسهم الاسانسير يتفتح و البنت و الشاب ينزلوا و يكمل 
ميار الدور الجاى اهو 
أمير يبص بطرف عينه الاسانسير يقف و التلاته يطلعوا و يروحوا ناحيه شقه من الشقق زحمه جدا أمير يعدي و يدخل 
ميار اللحقى و قوليلى ان اللى حصل ده ما حصلش 
مروه انا بقول نمشي 
ميار بعد كل ده دا انا ضيعت نص عمرى و انا مستنيه الاسانسير هنكمل للنهايه يلا يا بت تعالى معايا ... نكلم مين فى المخروبه دى 
مروه هناك اعتقد
مروه و ميار يروحوا ناحيه الكونتر بتاع الاستقبال فيه بنات بتتكلم فى التليفون 
ميار لو سمحتى 
البنت من غير ما تسمع تديها استماره 
ميار ايه ده 
مروه تبتسم البنت تديها استماره تانيه يروحوا يقفوا فى جنب 
ميار بدايه غير مبشره بس هنكمل 
مروه تضحك و تطلع قلمين من الشنطه و يملوا البيانات 
.........................
فى كافيه فخم 
احمد و اميره قاعدين 
اميره انا مقدره انك بتحاول تراضي مامتك عشان تقبل بجوازنا بس أنت مش ملاحظ انها بتحاول تفلسك ... يعني واحده اصلا مش كاتبه قايمه حضرتك تديها العفش ليه ماشي يا سيدي كتر خيرها انها مشت الدنيا ودى تاخد العفش انا كدا كدا مستحيل كنت هدخل على حاجه مستعمله تاخده هو مش تتمنهولها و تديها تمنه ... طب مش إحنا كنا اولى بالفلوس دى نجيب بيها عفشنا يا احمد و بعدين هو حضرتك ضامن اوى ان الراجل اللى هيجي يشترى العفش ده هيشتريه بالسعر ده اصلا 
احمد ساكت 
اميره تمام اللى حصل حصل و مفيش فايده فى الكلام فيه و كدا الحمد لله الموضوع خلص و كلها حاجه بسيطه و العمه تخلص و مامتك ما يبقالهاش حجه و تيجي تقعد مع مامتى بقي ولا ايه 
احمد ماما مش هتضيف جديد للاتفاق يا اميره خليها بعيد عن مامتك الفتره دى خالص 
اميره ازاى يعني مش فى حاجات كتير محتاجين يتفقوا عليها 
احمد انا اتفقت مع باباكى على كل حاجه 
اميره يا احمد انتوا اتفقتوا على الأمور اللى تخص الرجاله ايه عليك و ايه علينا فاضل بقي الحاجات اللى تخص الستات تنزل معانا نجيب الشبكه و فستان الخطوبه 
احمد خطوبه ليه 
اميره الله يا احمد مش فى حاجات كتير جدا محتاجه تجهز الشقه مثلا اكيد مش هدخل على الديكورات و البياض ده اكيد يعني 
احمد يا ستي اخرها وش نضافه و مش محتاجه كمان 
اميره لا اعذرني بقي يا احمد يا حبيبي البيت ده بالذات مملكتى الخاصه و اللى هقضي فيه يومى كله لوحدى و انت فى الشغل و لام يبقي على زوقى بس ما تقلقش انا اعرف مهندسه ديكور ممتازه هتخلص الحوار ده كله فى شهرين تلاته بالكتير و مش هتكلفك كتير و مش بس كدا دى هتظبط لنا الفرش و كل حاجه ما شوفتش انت شقه بنت خالتى كانت عامله ازاى تهبل حقيقي البنت دى موهوبه بتهتم بادق التفاصيل 
احمد يهز راسه 
اميره و ما تقلقش عندها كذا بادجيت دا غير انها بتوريك كل حاجه ثرى دى قبل التنفيذ عشان لو عندك اى ملاحظات و مش هتصدق الطبيعي زى التصميم بالظبط و احلى كمان ... دا حتى دولابى بتفرشه و رصه الالوان و كل حاجه بقولك تفاصيل التفاصيل يا احمد و الله بجد مش هتصدق 
احمد تمام نبقي نروح نقعد معاها و نشوف الدنيا 
اميره انجز انت بس و فضي الشقه و شوفلك صرفه فى الكراكيب اللى مامتك دبستك فيها دى و انا هجيبها و اتفق معاها على كل حاجه 
احمد ربنا يسهل 
اميره نرجع لموضوع الخطوبه . بص بقي يا سيدي فى قاعه حلوه اوى ابن عمتى كان عامل فيها فرحه ديكوراتها حوار و دى اهم حاجه فيها انها هتوفر علينا مكان السيشن شوفت بقي بوفرلك ازاى 
احمد كتر خيرك
اميره مالك يا احمد
احمد تفاصيل و حوارات كتير اوى انا حقيقي مش فايق لها 
اميره ليه بس مش احنا ياما حلمنا باليوم ده و بعدين يا حبيبي هو انا يعني مش من حقي افرح زى كل البنات 
احمد ايوه بس احنا ممكن نظبط اولوياتنا على الاقل يعني بدل ما تعملوا انتوا خطوبه و انا اعمل فرح ليه ما يبقاش فرح بالنص و خلاص و يا ستي لو على الخطوبه نعملها فى البيت على الضيق و نعمل سيشن برده و فستان مش هقول لا 
اميره ناقص تقول اللبس شبكتى فى الصاغه زى الفلاحين 
احمد مهماش فلاحين 
اميره احمد انت فاهم قصدى 
احمد انا اصلا ما قولتش نلبسها فى الصاغه انا كل اللى قولته 
اميره احمد هو انت بجد لما روحت خطبت مروه اهلها اتكلفوا بمصاريف الخطوبه 
احمد ليه بتفتحى السيره دى
اميره اصل عندنا مفيش الكلام ده الاتنين عليك 
احمد بجد !!
اميره شوفت بقي اهى دى بقي التفاصيل اللى الستات بيتفقوا عليها و اكيد مامتك عارفه بس مش هتقول عشان زى ما انت عارف كل مناها انها تطلعنى وحشه 
احمد دى امى انا !!
اميره احمد حبيبي احنا صبرنا كتير اوى للحظه دى 
احمد و لو حاولنا ننفذ كل الحاجات دى هتصبرى اكتر اميره انا ما ورثتش ملايين و لا شغلى بيدخلى ملايين احنا عاوزين 
اميره و مع كدا روحت ضيعت على مروه فلوس قد كدا انا كنت اولى بيها 
احمد تانى بتجيبي سيره مروه فى الكلام 
اميره ايه المشكله ما انت كنت بتقعد الخروجه كلها ټشتم و ټلعن فيها و لا احلوت لما اطلقت 
احمد يبص لاميره بحزن
اميره ايه بتبصلى كدا ليه ... احمد انا مش خطافه رجاله انا ما رميتش نفسي عليك زى ما مامتك بتقول و انا عشان بنت اصول ساكته انت اللى اتصلت بيا تعيطلى انك بتحبنى و مش قادر انت اللى بقيت تكلمنى و تجرى ورايا و تشيلنى همك و عذابك و انا عشان بحبك ربط نفسي بيك و انا عارفه انك مش ليا ... احمد انا كنت بمۏت كل يوم من قهرتى و انا عارفه انك سايبني و راجع لحضنها بدل حضنى انا ... احمد انت ايه اللى جرالك 
احمد احمد تعبان 
اميره و انا اللى تعباك يا احمد و لا انا فعلا رخيصه اوى كدا فى عنيك 
احمد مين قال كدا بس هو انتى لما تمشي الدنيا عشان ربنا يكرمنا و يتقفل علينا باب واحد اخيرا تبقي رخيصه 
اميره ايوه رخيصه ايوه لما نتجوز كدا على وضعك بالعفش القديم و البياض القديم و مفيش خطوبه و فرح بالنص و شهر عسل بسيط و كل حاجه شقلب و اقلب ابقي فى منتهى الرخص كمان 
احمد مين قال كدا 
اميره اللى بيجي بالساهل بيترمى بالساهل يا احمد 
احمد يفتكر كلمه على 
على انا قولت اسهل الحلال لحد ما رخصتها فى عنيك حقوق ايه دا انا دافع نص اجره الماذون اللى كتب عليكوا 
اميره احمد انت روحت فين انا بكلمك 
احمد سامعك 
اميره و ناوى تعمل ايه 
احمد مش عارف 
اميره امال مين يعرف طيب 
احمد انا بجد تعبان دلوقت يا اميره ممكن بعد اذنك اوصلك و نكمل كلامنا بعدين 
اميره مفيش مشكله طبعا بس بليز يا قلبي اول ما توصل البيت تطمني عليك اتفقنا 
احمد يبتسم و يشاور للمتر يجيب الحساب 
..........................
فى شقه مروه 
مروه انترفيو ايه مفيش انترفيو دا تقريبا كدا كان عليهم شغل كتير متأخر فلموا طلبات التقديم و خلونا نخلصهولهم و الاسم امتحان 
إيناس للدرجادى 
مروه احنا تقريبا اشتغلنا و الله شويه ترجمه على شويه كتابه على الكومبيوتر على شويه تنظيم و فرز ملفات و شويه اوفيس لا و كله كوم و شويه البنات اللى هناك كوم تانى تيجي تقف وراكى تتابعك فى صمت و تقعد تكتب ملاحظات و هى حاطه النضاره كدا على طرف مناخيرها تقوليش شغاله فى الخليج 
إيناس تضحك 
مروه انا لو شوفتى ميار و اللى عملته دى كانت هتقوم تجيبها من شعرها 
إيناس ميار دى مصېبه بس طيبه و ډمها خفيف 
مروه ربنا يرزقها بالزوج الصالح اللى يقعدها فى البيت عشان دى لو اتقبلت فى الوظيفه دى مش بعيد نجيبها من القسم بعد ما تفتح للبنت دى دماغها 
جرس الباب يضرب
مروه انا هقوم اشوف مين 
مروه تروح تبص من العين و الحزن يبان عليها و تداريه و تبتسم و تفتح الباب تلاقى منى
.............................
ما بتقفش لحد 
لولو_محمد 
الحلقه الثانيه 
مروه انترفيو ايه مفيش انترفيو دا تقريبا كدا كان عليهم شغل كتير متأخر فلموا طلبات التقديم و خلونا نخلصهولهم و الاسم امتحان 
إيناس للدرجادى 
مروه احنا تقريبا اشتغلنا و الله شويه ترجمه على شويه كتابه على الكومبيوتر على شويه تنظيم و فرز ملفات و شويه اوفيس لا و كله كوم و شويه البنات اللى هناك كوم تانى تيجي تقف وراكى تتابعك فى صمت و تقعد تكتب ملاحظات و هى حاطه النضاره كدا على طرف مناخيرها تقوليش شغاله فى الخليج 
إيناس