رواية مكتمله بقلم شيماء صبحي الجزء الثالث

الفصل_السابع
الكاتبة_شيماء_صبحي
قعدت داليدا بعدما مضت العقد وفضلت باصة علي عمار اللي اخد العقد وحطة في جيبه.
عمار بصلها وقال مش هتقومي تحضري الغداء لجوزك!! 
داليدا رفعت حاجبها پصدمة وهيا بتردد كلمة جوزك في دماغها وبعدها قالت لا جوزي لازم يمشي انا محتاجة ارتاح! 
عمار قرب منها وقعد جمبها وهو بيقول مفيش نوم هنا تاني انتي هتيجي معايا القصر بتاعي..! 
داليدا بصتله بتحدي وقالت برفض أنا مش هتحرك من شقتي واللي بيني وبينك عقد يا عمار باشا ولاكن متفكرش اننا متجوزين بجد!! 
عمار هز راسه ووقف وهو بيقول براحتك يا دكتورة بس متزعليش من اللي هعملة.

داليدا حست پخوف من كلامه فبصتله بإستغراب وقالت انت عاوز تعمل ايه
عمار ابتسم إبتسامة خفيفة وقال هعرف الجيران انك مراتي واشوف بق رأيهم ايه في الموضوع.
قال كلامة وهو بيتحرك عند الباب داليدا قامت بسرعه وقربت منه ومسكت إيديه وهيا بتقول إستني متعملش كده!!
عمار بص لايدها اللي ماسكه في دراعه وقال برفض لازم الجيران يقولولي الزوجه بتفضل في بيتها ولا في بيت جوزها
داليدا فتحت عينيها من الصدمة وقالت الزوجة بتروح بيت جوزها بس احنا جوازنا مختلف! 
عمار لف بجسمه وهو بيبص في عيونها اللي سحروه وقال مختلف ازاي مش فاهم
داليدا اخدت نفس طويل وهيا بتقول يعني إجباري دا اسمه جواز إجباري يعني انت غصبتني عليه 
عمار اتضايق من كلامها جدا فقرب من وشها وقال متقوليش الكلام دا تاني وبعدين انتي دلوقت بقيتي مراتي وانا حقي كزوج هوفرلك مكان كويس تعيشي فيه وبعدين انا مفيش واحده تقولي لأ انتي فاهمة!
داليدا بصت في عينه اللي بتحمر وهزت راسها وهو ابتسم ورجع قعد علي الكرسي وحط رجل علي رجل وقال بصوت عالي حضري لجوزك الأكل يا دكتورة!!!
داليدا ضغطت علي ايديها جامد وبصتله بغيظ وهزت راسها وهوا فرد بضهرة علي الكنبه وطلع تيلفونه وعمل مكالمه مع واحد من رجالته وقال طمني علي رشاد عامل ايه دلوقت !! 
الراجل بتاعه رد عليه بتوتر وقال رشاد بيه ..
عمار بقلق إنطق مالو رشاد !
الراجل بص علي دنيا اللي واقفه ټعيط جمبه وقال الممرضة الجديده بتاعة رشاد بيه ادتله حقنة غلط ورشاد بيه دخل في نوبة هلع والدكتور هشام حاليا عندة في الأوضة!!
عمار وقف پغضب وقال بصوت عالي وانت ازاي متبلعتيش بحاجة زي دي! 
الراجل اتوتر ولسا هيرد عليه لقي عمار قفل السكة في وشه فبص لدنيا وقال اتشاهدي علي روحك يا عسل..! 
دنيا بصتله پخوف أكتر وبدأت ايديها ترتعش وهيا بتبص علي رشاد اللي نايم والدكتور بيحاول يعالج الوضع !!
وعند عمار قفل تيلفونه پغضب وخرج من شقة داليدا وقفل الباب وراه بقوة.. 
داليدا كانت في المطبخ ولما انتبهت لصوت الباب خرجت بسرعه وهيا بتدور عليه ولما لقته مش موجود فرحت انه مشي ..!
عمار ركب عربيته اللي كانت مركونة قدام العمارة وقبل ما يتحرك لقي واحد واقف قدامه وكان ماسك في ايديه شاكوش وبيقول انت مين وكنت بتعمل ايه فوق!! 
عمار رفع حاجبه باستغراب وبص للشاب دا وقال پغضب وانت مالك انت ووسع كده من طريقي! 
سيد اتعصب من اسلوب الشاب الغني دا فقرب منه وقال بتحدي لا مش هوسع غير لما أعرف انت كنت عند مين فوق
عمار مكنش طايق نفسه فبصله پغضب ونزل من عربيته ومسك في هدومه وقال لو ممشتش من قدامي حالا هتندم! 
سيد ضحك بسخرية علي كلامه ولاكنه اتفاجئ بضړبة قويه من عمار.
سيد