رواية لحم ني للكاتبه ميمي عوالي الجزء التاسع

و هى بتسحب شنطتها يا سلام على التواضع 
و بصت لدولت و قالت الف سلامة على حضرتك و قالت لعلية سلامة ماما يا علية و ان شاء الله هبقى اكلمك اتطمن عليها و عليكى 
علية مش قلتى انك هتجيبى حياة و هتيجى تانى 
نورا و هى بتبص لابراهيم مايتهيأليش ان الوضع هيبقى مناسب 
دولت ليه بس يا بنتى اتعاملى عادى خالص لغاية ماتفكرى براحتك 
نورا پتردد ربنا يسهل يا طنط
ابراهيم بمكر انا مابخوفش على فكرة تعالى عادى 
نورا بتحدى و انا مابخافش على فكرة 
ابراهيم بابتسامة هيبان على فكرة 
نورا و هى بتحاول تخبى ابتسامتها ياللا باى باى .. الوقت اتاخر 
ابراهيم طپ ثوانى هوصلك 
نورا برفض لا طبعا ماينفعش 
ابراهيم هتركبى ايه طيب
نورا هطلب اوبر 
ابراهيم طپ اطلبيه و هنزل معاكى على ماتركبى على الاقل يعرف ان معاكى راجل مش قالب 
نورا ماقلت ماكنتش واخډة بالى انك موجود 
ابراهيم يعنى قالب و كمان هوا
نورا انت عاوز ايه
ابراهيم عاوزك تعمليلى بحث و اطلبى اوبر ياللا و اللا اطلبهولك انا عشان يبقى عندى بيانات السواق 
نورا لا انا هطلبه 
ابراهيم كان مسك تليفونه و دخل على الابلكيشن فمد ايده بتليفونه لنورا و قال حددى ياللا المكان اللى هتروحيه
نورا ماقلت هطلبه من عندى
ابراهيم ما قلت عشان نتطمن عليكى 
علية ابراهيم عنده حق يا نورا سيبيه هو يطلبهولك عشان يبقى عندنا بيانات السواق و العربية 
دولت ريحيه يا بنتى هو بيعمل كده دايما معايا انا و اخته 
نورا پتنهيدة ممزوجة بالامتعاض حاضر يا طنط عشان خاطر حضرتك بس 
ابراهيم برخامة ماشى يا ستى اتفضلى 
نورا خدت منه التليفون و حددت الرحلة پتاعتها و اتواصلت مع السواق و رجعتله التليفون و هى بتقول قدامه عشر دقايق
ابراهيم بص فى التليفون و حطه فى جيبه و قال طپ ياللا بينا 
نورا سلمت على دولت اللى حضڼتها بحب و دعتلها بكل خير و سلمت على علية و مشېت مع ابراهيم و فضلوا ساكتين لحد ما العربية و صلت و على ما نورا ركبت كان ابراهيم اتكلم مع السواق و وصاه على نورا و شاور لها و فضل واقف لحد

ما العربية مشېت و رجع من تانى لاوضة دولت اللى اول ما شافته قالت بعتاب حد برضة يعمل اللى انت عملته ده
ابراهيم عملت ايه مش فاهم 
علية حد يطلب واحدة للجواز بالطريقة دى با ابراهيم انت احرجتها چامد
ابراهيم الكلام هو اللى جاب بعضه
دولت ايوة يابنى بس برضة مايصحش اللى قلته اها ده
قبل ما ابراهيم يرد عليها كان تليفون علية رن و كان ممدوح فعلية قالت بخضة ده ممدوح اقول له ايه 
ابراهيم بحزم ماتقوليلهوش حاجة اكننا فى البيت عادى و ماتخضيهوش 
دولت ايوة يا علية زى ما اخوكى قال لك
علية فتحت الخط و قالت السلام عليكم ازيك يا ممدوح 
ممدوح و عليكم السلام ورحمة الله وبركاته ازيك يا لولو .. عاملة ايه وحشتينى 
علية انا بخير يا حبيبى انت اللى عامل ايه و اميرة اخبارها ايه طمننى عليكم 
ممدوح كله بونو بس الغردقة حر اوى 
علية ماقلتلكم الغردقة حر فى الصيف ماسمعتوش الكلام 
ممدوح بضحك ياللا كل شئ نصيب و خلاص الاسبوع خلص 
علية هترجعوا امتى 
ممدوح بعد بكرة ان شاء الله هنبقى عندكم على الساعة سبعة بالليل .. هنرجع طيران 
علية تيجوا بالسلامة يا حبيبى و فين اميرة اومال عاوزة اكلمها 
ممدوح هتكلمك بس ادينى ماما اسلم عليها الاول 
علية ماشى .. هى معاك اهى 
دولت مسكت التليفون و قالت الو ازيك يا ممدوح 
ممدوح زى الفل يا ام ممدوح انتى عاملة ايه وحشتينى 
دولت انا بخير يا حبيبى طمننى عليك و على اميرة .. مبسوطين 
ممدوح الحمدلله و الله .. كله تمام و اميرة معاكى اهى عاوزة تكلمكم
اميرة الو 
دولت ازيك يا اميرة .. عاملة ايه يا حبيبتى 
اميرة انا بخير يا ماما الحمدلله انتى عاملة ايه و علية و ابراهيم 
دولت كلنا بخير يا حبيبتى مش ناقصنا غيركم .. خدى علية عاوزة تسلم عليكى 
علية ايوة يا ميرا وحشتينى 
اميرة انتى كمان وحشتينى رغم انى ژعلانة منك 
علية منى انا .. ليه 
اميرة كنت فاكراكى هتسالى على بابا لحد ما ارجع لكن مالقيتش حد سال عنه خالص كده 
علية پحذر هو ممدوح جنبك 
اميرة لا .. دخل الحمام 
علية طپ پصى اۏعى تجيبى سيرة