انيسي شهد فرج 1

يمكن البعض يفكرني ب أفور بس انا حرفيا قلبي كان هيوقف من التوتر..
وقفت قدام باب الشقة فتحت شنطتي وبدأت ادور علي المفتاح ال ادتهولي خالتو من يومين عشان لو رجعت و محدش فيهم كان في البيت.
فتحت الباب ودخلت ب هدوء وانا بتحسب براحة عشان محدش يحس بيا..
لفت نظري صوت خناق عالي جاي من الصالون ولأن صوت كان عالي محدش فيهم حس بيا لما دخلت..
قربت اكتر من الصالون عشان الصوت يوضح اكتر كان صوت زياد عالي اوي وباين انه كان متعصب جدا
يا ماما دي واحدة امها طردتها من بيتها ويا عالم عاملة اي خلت امها تعاملها..
يابني حرام عليك دي يتيمة وطيبة والله لولا بس الزفت جوز امها هو ال لعب في دماغ ثريا مكنتش هتعمل كد في ضناها ثم ده مش موضوعنا دلوقتي المهم نطمن عليها والغايب حجته معاه..
ما السنيورة قافلة تليفونها و ياعالم بتتصرمح فسن دلوقتي و انت ضغطك علي من القلق عليها..
كنت واقفة وري الباب دموعي مغرقة وشي مش عارفه المفروض اعمل اي ادخل و اوجهه بس هقوله اي وهو كلامه اغلبه صح انا فعلا يتيمة وماما ال بقيالي من الدنيا اتخلت عني..
رفعت كفوفي ومسحت دموعي واتسحبت تاني علي طراطيف صوابعي فتحت الباب وقفلته تاني بس ب صوت عالي عشان يسمعوه وكأني لسه داخلة.
وبالفعل خطتي نجحت وما ان قفلت الباب حتي لقيتهم خارجين كلهم لسه هيتكلم زياد ب عصبية خالتو وقفته ب سرعة وهي بتضغط علي ايده ب ترجي ف سكت هو بقلة حيلة قدام مامته..
تجاهلته كليا وقربت من خالتو ب هدوء 
انا اسفة جدا يا خالتو الفون فصل شحن و اتأخرت في محضراتي النهاردة ف معرفتش اطمنك.. 
حضنتني واتكلمت 
قلقتيني اوي عليك يا كيان..
حسيت ب غصة مرة وحاول امنع نزول دموعي ف خرجت نبرة صوتي متقطعة 
انا.. انا اسفة يا خالتو مش هتتكرر ع... عن اذنكم هدخل ارتاح عشان تعبانة شوية..
دخلت بسرعة من غير ما اسمع كلام اي حد وانا جوايا ۏجع كبير ۏجع من كل الرفض ال بشوفه في حياتي و كأن الدنيا مستكترة عليا فرحتي ب الشغل ف ختمتها معايا وانا سامعة إهانة زياد ليا وشفقت خالتو عليا..
الحقي يا ماما دخلت انده كيان للفطار لقيتها لمت كل حاجتها وسايبة الورقة دي بتقول فيها.
صباح الخير يا خالتو انا اسفة للي حصل امبارح صدقيني كان ڠصب عني اني اتأخر او اقلقك عليا بالنسبة ل زياد ف انا مش دايرة علي حل شعري ولا حاجه انا بس كنت بشتغل عشان اصرف علي نفسي لانك زي مانت عارف انا يتيمة الاب وماما اتخلت عني من غير ما اعمل مصېبة ولا حاجة
وانا مايرضينيش انكم تتخانقوا بسبيي ف انا لمېت حاجتي وهروح اعيش مع واحدة صاحبتي وماتقلقوش عليا انا هكون كويسة ان شاءلله. 
انيسي
بقلمي_Shahd_Farrag
سيبتهم واقفين برة ودخلت بسرعة اوضتي قفلت الباب ورايا كويس بالمفتاح وبدأت احاول اسيطر علي نفسي وعلي دموعيغمضت عيني ب قوة وانا بتكلم ب إصرار  
ماتعيطيش يا كيان انت كنت مستنية منهم اي اصلا دول ناس غريبة عنك و يوم او اتنين وكانوا هيزهقوا منك زي امك.. خليك قوية زي ما بابا قال... 
اخدت نفس عميق في محاولة مني ل إخراج كل الطاقة السلبية ال جوايا واتجهت بسرعة
ل تحت السرير سحبت الشنطة بتاعتي وبدأت الم حاجتي ب هدوء عشان محدش يسمع حاجة ف يحاولوا