انيسي شهد فرج 3
المحتويات
بس ماتوقفيش حياتك علي حد يا كيان وربنا هيعوضك بالخير يابنتي..
مسحت دموعي وابتسمت لها
ان شاءلله يا ماما المهم دلوقتي روحي ل خالتو عشان ما تزعلش.
بس
حاولت تعترض ف قاطعتها بسرعة
يلا يا ثريا انا مش قادرة ادادي وبعدين ماتخفيش عليا انا هنام بجد عشان تعبانة وابقي سلميلي علي خالتو.
هزت راسها ب الموافقة باست راسي بعدين خرجت..
ابتسمت سارة
اتكلمي علي نفسك يا عسل انا بعد التخرج مستنيني بيبي عاوز يتولد.
بصيت لها ب صدمة وصوت ضحكتي مالت المكان ف حطيت ايدي علي فمي ب سرعة
انت حامل.. لا بجد انت فعلا ولا دي اشتغالة..
لا والله حامل بجد وفي التاني لسه عارفة امبارح وحبيت افرحك معايا..
مبارك ياحبيبي وربنا يجعله ذرية صالحة ليك يانن عيني..
بادلتني الحضن وبعدين رجعت قعدت مكاني ف بدأت تتكلم ب حماس
عارفة يا كيان انا هكون احلي مامي هدلع ابني او بنتي هحضنه كل خمس ثواني والله هديله كل الحنية ال في العالم انا متحمسة اوي و فرحانة اكتر..
ضحكت
فضل نص ساعة يحلفني اني مش بكذب وكل شوية يغيب و يرجع يقولي احلفي وإلا كان عايز نروح للدكتورة الساعه 3 الفجر عشان يتأكد بنفسه ده حتي كل ما انام يصحيني ويقولي انت بتتكلمي بجد لما ندمت اني قولتله والله واحد زي سليم كان المفروض اقوله يوم الولادة..
انا عارفة انك بتحبيه مهما حاولت تخبي عليا وعلي مامتك وحتي علي نفسك.
رفعت نظري ليها وانا بحاول اتمالك نفسي وما اعيطش ولكن خانتني دمعة وسقطت ف مسحتها بسرعة
وحشني اوي يا سارة بقالي شهرين ما شوفتوش وحتي ما سألش عليا حاسة نفسي مغفلة اوي عشان اعتبرت اهتمامه بيا لأني بنت خالته يبقي بيحبني..
دموعي نزلت ب ضعف
مش عاوزة احسن واحد في العالم انا كنت عاوزاه هو بس كنت عاوزة حاجة مش من حقي وعمرها ما هتكون ليا.
طيب انت ماتعرفيش اي حاجة عنه خالص او البنت ال بيقول خطيبته دي محدش جاب سيرتها خالص..
اخدت نفس وخرجت براحة
ماما مش بتجيب سيرته قدامي خالص عشان ما ازعلش وبقالي فترة مش بكلم مريم عشان اقدر أ on وحتي خالتو بقالي كتير ما كلمتهاش ولما بكلمه كلمتين بسرعة عشان ماتفتحش موضوع زياد خصوصا انها ماتعرفش حاجة ف اكيد هتتكلم عنه عادي.
هزيت راسي ب شرود
كنت مقدمة ال بتاعي في شركة في المانيا وهما ردوا عليا من يومين بالموافقة وهسافر خالص .
بصيت لي ب صدمة واتكلمت
كيان انت عبي..طة انا بقولك واجهي نفسك مش تهربي مننا كلنا وبعدين خالتو ثريا عارفة بالكلام ده..!!
هزيت راسي ب لا اخدت بوء مية واتكلمت ب شرود
هقنعها وان شاءلله هتوافق انا محتاجة فترة هدنة من حياتي هستجمع شتاتي وارجع ان شاءلله.
كيان ارجوك بلاش انت كد هتعيشي وحيدة في بلد لوحدك مافيش انا مافيش مريم وخالتو هتسيبي كل ال بيحبوك وتهربي زي الجبانة.
كلامها حقيقي ولكن انا مكنتش قادرة اواجه نفسي به ف محستش بنفسي غير وانا بزعق فيها
جبانة عشان عاوزة ارتاح جبانة عشان لاول مرة اختارت نفسي اختارت كيان ال ركنتها من فترة كبيرة انا لأول مرة ابقي قوية ومش جبانة يا سارة..
اخدت حجاتي وا ستأذنت منها ومشيت..
بتفوت الايام وجه اليوم المنتظر من اربع سنين يوم تخرجي كنت فرحانة قلبي بيرقص من الفرحة حسيت ب نغزة في قلبي لما شوفت اباء زمايلي ولكني حاولت اتغاضي وافرح
متابعة القراءة
