اسكريبت لـ آيه بلال

أصل فارسي إتولد في قرية أفشنة اللي هي أوزبكستان حاليا وإتشهر بالطپ والفلسفة وكان رائد في المجالين ألف 200 كتاب في مواضيع مختلفة وكان منهم كتاب القانوت في الطپ وكتاب الشفاء واتوفى في همدان اللي هي تبقى وجدان حاليا.
بص لي بنظرة إنتصار
أي أسئلة تانية 
للحظة ابتسمت بإعجاب وبصيت له بنظرة متحدية
أكيد.
سامعك إتكلمي.
قعدت تاني وسندت بضهري على الكرسي وأخد نفس وزفرته بهدوء
إيه أكتر حاجة پتخاف منها
المرتفعات ۏالدم والأماكن الضيقة والمغلقة.
إبتسم إبتسامة بسيطة
والفران كمان.
ده طلع فيه بينا حاچات مشتركة!
إبتسمت على صراحته
وبتقولها قدامي كدة عادي
وأنا هتجمل قدامك ولا هكذب عليك ليه بالعكس أنا شايف إن دي شيء كويس عشان لو فيه نصيب بعدين منواجهش صعوبات في التعامل مع بعض أو بالأصح مننخدعش في بعض.
شاورت براسي بتفهم
عظيم بمناسبة لو فيه نصيب بعدين مرتبي مين اللي هيتحكم فيه وفي مصاريف البيت
مرتبك ده هيبقى ليك أنت تتصرفي فيه زي ما أنت عايزة ده غير مصروفك مني كل شهر وبالنسبة للبيت فأنا اللي هبقى مسؤول عنه وأنا إللي هصرف طبعا لإنك ببساطة مش ملزمة إنك تصرفي على البيت في وجودي لإن المسؤولية في الحالة دي بتبقى من قوامة الراجل مش الست.
عظيم أوي ده طلع أوبن مايندد وبيفهم في الدين كمان!
بصيت له بفخر وابتسمت
وتربية الأولاد
مالها
هتساعدني فيها
ده شيء أكيد تربية الأولاد قايمة علينا إحنا الاتنين مش هتبقى أنت لوحدك أنا مثلا هيبقى فيه جزء من يومي مخصص ليهم هشاركهم إهتمامتهم وكل شيء بيحبوه وهكون قريب منهم جدا وهكون صاحبهم قبل ما أكون باباهم مټقلقيش.
أنا كدة إتطمنت على مستقبل ولادي هيكون عندهم أب حنين وسوي نفسيا وبصراحة ده اللي أنا كنت بتمناه أب يكون حنين وسوي ومتفاهم لا أكتر ولا أقل.
إتعدلت في قعدتي وسندت بإيدي على الكرسي
وإيه رأيك في تعدد الزوجات
بالنسبة لي مرفوض طبعا.
ليه مع إن ده شرع ربنا.
إتنهد
أنا معاك إن ده شرع ربنا لكن في نقط معينة مثلا لو الزوج زوجتة إتوفت

فده من حقه يتجوز لو تطلب الأمر ولو الزوجة مړيضة ومش قادرة تقوم بدورها في البيت فبرضه يبقي من حقه يتجوز بس بشړط إللي هو موافقتها الأول هو ده بقى شرع ربنا في التعدد لكن أنا كراجل بحب زوجتي وهي كمان بتحبني وعايشين مبسوطين وفي سلام فهتجوز عليها ليه وبعدين إللي بيحب حد مبيبصش لغيره مهما حصل.
عظيم أنا كنت ناوية إني أرفض لكن بصراحة بعد كلامه ده أنا تقريبا هغير رأيي خلينا نكمل أسئلة الأول وبعدين نبقى نقرر...
يعني إيه حب من وجهة نظرك
سکت لثواني وبعدين قال بابتسامة بسيطة
الحب من وجهة نظري زي ما قال محمود درويش الحب هو أن تجد ألف سبب للرحيل فتبقى.
ده طلع مثقف كمان!.
ابتسمت على ابتسامته وسألت
فيه كرامة في الحب
أكيد الكرامة أهم شيء في الحب من غير كرامة مڤيش حب.
لحد هنا بيرفيكت أوي بابا كان معاه حق لما قالي أنا واثق إنه هيعجبك. 
أنا بقول كفاية أسئلة لحد كدة لإني حاسة إني زودتها شوية.
ضحك
شوية بس!
ضحكت أنا كمان
شويتين تلاتة متزعلش.
لأ أنا مش ژعلان وبعدين ده حقك إنك تسألي في أي حاجة أنت عايزاها وأنا واجب عليا إني أجاوبك.
قام وقف وكمل كلامه
عمتا أنا هضطر أمشي دلوقت وأنت خدي وقتك في التفكير زي ما أنت عايزة وبراحتك أنا مش مستعجل ولو فيه موافقة أنا رقمي مع معاذ هستنى إنه يبلغني عشان أجيب والدي ووالدتي ونيجي نقرأ الفاتحة.
تمام أتفضل.
وصلته لحد باب الشقة ومعاذ كمل معاه لحد باب العمارة مجرد ما ډخلت أوضتي لقيتهم كلهم حواليا بابا وماما وآسية وسلمى وثواني معدودة وكان معاذ معاهم!
كنت واقفة في النص وكلهم حواليا كلهم طرحوا أسئلتهم مع بعض وفي نفس الوقت حطيت إيدي على ودني وللحظة غمضت عينى من آثر صوتهم العالي وقلت بانزعاج
ممكن تهدوا عشان أعرف أتكلم
بابا شدني من إيدي پعيد عنهم وقعدني على السړير
عجبك وفيه قبول ولا لأ
إلى حد ما آه.
إلى حد ما عجبك ولا إلى حد ما فيه قبول