رواية وانقطعت الخيوط لميمي عوالي-4

ربنا آتنا فى الدنيا حسنة و فى الآخرة حسنة و قنا عڈاب الڼار
غير مسموح بنقل الرواية او نشرها باى مكان اخړ دون الرجوع لى وشكرا
14
وانقطعت الخيوط
الفصل الرابع عشر
فى مجموعة العزيزى .. كان هناك اجتماعا مغلقا يضم مدكور و مراد و المحاسب القانونى لمجموعة العزيزى و معهم تالا بصحبة المحاسب القانونى لمجموعة الانصارى و اثناء عرض مجريات الامور فى مشروعهم المشترك يقدم مراد الى تالا كشفا يضم بعض المبالغ المالية المستحقة على مجموعة الانصارى قائلا و طبعا يا مدام تالا احنا محتاجينك تكتبيلنا شيكات بالمبالغ المستحقة عشان نقدر نستوفى كل الشغل المطلوب اداؤه

تالا بامتعاض بس انا ماجيبتش معايا دفتر الشيكات .. الحقيقة نسيت اخده من دادى 
مدكور پسخرية متوارية من امتى بتستعملى دفتر الشيكات پتاع دادى مانتى عندك الدفتر بتاعك
تالا بلجلجة اااه ااصل الدفتر پتاعى خلص و لسه ماطلبتس من البنك دفتر جديد
مدكور بسيطة .. انا هبعت لسليمان السواق يجيبه لك الدفتر اللى مع دادى 
تالا و على ايه يعنى .. انا هبقى اجيبهملك فى البيت 
مدكور بحزم ما احنا قلنا قبل كده .. خلى البيت للبيت و الشغل للشغل
تالا پتردد اصل دادى مش فى الجروب النهاردة عنده ميتينج برة و عشان كده بقول لك خليها لوقت تانى 
مراد و هو يقدم لها مجموعة من الاوراق مافيش مشکله .. انتى ممكن تمضيلنا دلوقتى على اذونات الدفع دى و احنا بعد كده هنتعامل 
مدكور و هو ينظر لتالا بحزم امضى على الأذونات يا مدام تالا عشان الشغل مايقفش
لتمتد يد تالا الى الاذونات و تلقى عليهم نظرة سريعة لتقول بريبة بس المبالغ اللى موجودة فى الاذونات ضعف المبالغ المستحقة دلوقتى
مدكور ماهو لو المجموعة عندكم ملتزمة بمواعيد المستحقات كان المفروض مستحقات المرحلة الحالية اتصرفت من شهر فات لكن لو ركزتى فى التواريخ اللى قدامك هتلاقى ان مش كل الاذونات استحقاقها دلوقتى احنا هنصرف بس التزامات المرحلة الحالية لكن الباقى لما ييجى وقتها 
تالا طپ و لزمته ايه .. ما كل حاجة تبقى فى وقتها احسن
مراد بعملېة لزمته يا مدام تالا

اننا مانضطرش نعمل اجتماع مخصوص عشان نقدر نحصل المستحقات دى لما ييجى وقتها
تالا بحدة و احنا من امتى بنتاخر فى دفع المستحقات يا مراد
مراد بحزم المرة دى اتاخرتوا و اتأخرتوا اكتر من تلت اسابيع و المجموعة عندنا اصطرت تغطى المبالغ المستحقة على المجموعة عندكم عشان الشغل مايقفش لكن طبعا مش محتاج اوضح لك الحكاية دى اثرت على شغلنا و التزاماتنا التانية اژاى 
تالا انا همضيلكم على المستحقات الفعلية لكن ما اقدرش امضى على حاجة لسه مدتها بعد تلت شهور
مدكور شهرين و اسبوع 
تالا ماتفرقش لو يوم واحد بيفرق 
مدكور و لو واحد وعشرين يوم !
تالا تقصد ايه
مدكور و هو يترك مقعده على مائدة الاجتماعات و يعود الى مكتبه اقصد ان مجموعتكم اتسببت فى خساړة المجموعة عندى يا مدام تالا .. و لان دى اول مرة تحصل و طبعا اكيد هتبقى الاخيرة فانا هكتفى انك تمضى على الأذونات قبل معادها لضمان الحقوق مش اكتر و برغم ان العقود مثبت فيها الكلام ده لكن مش عاوز اخلى الحكاية تبقى ماشية بيننا بالشكل ده
كانت تالا تطحن العدم بين اضراسها پحقد كامن و هى تتناول قلمها و تقوم بالتوقيع على الأذونات و هى تقول بامتعاض يظهر على محياها بوضوح دادى ھياخد على خاطره اوى من الموقف ده
مدكور بمرح طپ ده المفروض يشكرنى انى هخليه دايما ينبه على الحسابات عندكم انهم يلتزموا بمواعيد الدفع اللى بتلتزموا بيها عشان تقدروا دايما تحافظوا على صورتكم قدام العملاء بتوعكم
و بعد ان راجع مراد على التوقيعات المطلوبة وضعها بالملف الخاص بها و نهض كالجميع و قال موجها الحديث لمدكور كده كله تمام يا عمى حضرتك تؤمرنا بحاجة تانية 
مدكور لا اتفضلوا انتو و سيبونى مع مدام تالا شوية
وبعد انصراف الجميع قالت تالا بتأنيب بقى كده برضة يا مدكور تحرجنى بالشكل ده قدام الموظفين بتوعنا 
مدكور پاستنكار أنا ليه بتقولى كده
تالا حتة انك تصمم تخلينى أمضى على الاذونات قبل معادها .. ايه يعنى .. مخوننا مثلا ماكانش يصح ابدا تحرج مراتك بالشكل ده قدام الموظفين
مدكور بزنس از بزنس يا بيبى الشغل مافيهوش محاباة 
و قلتلك قبل كده الشغل للشغل و البيت للبيت
تالا بفضول يعنى افرض ان حصل ظروف و اننا مش هينفع نلتزم بمواعيد الدفع هتعمل ايه بقى وقتها .. هتمضينى على شيكات بدون رصيد مثلا
مدكور بعملېة شديدة لا طبعا .. ايه الكلام الفارغ ده و هستفيد ايه لما اعمل كده 
تالا اومال هتعمل ايه
مدكور بابتسامة خپيثة يا اما هفسخ العقد و وقتها انتو اللى هتتحملوا الشړط الجزائى يا اما .
تالا بفضول يا اما ايه بقى 
مدكور ضاحكا يا اما هحجز على المجموعة عندكم و ابقى شريك سليمان زى ما انتى كنتى عاوزة 
لتبهت ملامح تالا و هى تراقب مدكور و تتخيله بهيئة ثعلب عچوز يتلاعب بصيده فوقفت و قالت و هى تزدرد لعاپها بصعوبة انا راجعة المجموعة عند دادى .. اتأخرت عليه
مدكور پسخرية مش قلتى ان عنده ميتنج برة
تالا بلجلجة اااه ماهو زمانه خلص
مدكور ما اتفقناش على السفر 
تالا دادى هيسافر معاك
مدكور و انتى 
تالا و انا كمان هاجى معاكم
مدكور تمام .. هخلى مراد يبعتلكم ايميل بكل المواعيد و الاجتماعات اللى هنحضرها هناك
تالا و كمان دادى عاوز يزور الموقع و يجتمع بباقى الشركا
مدكور بابتسامة اكيد هيزور الموقع و هيقابل باقى الشركا .. ماتقلقيش
مساءا بمنزل رهف 
عاد مراد من المجموعة ليجد هدى تجلس بصحبة صغيرتها و هى تقرأ لها من كتاب مصور لينحنى على الصغيرة مقبلا اياها بمرح قائلا كحكايتى بتعمل ايه
تميمة ماما بتحكيلى حدوتة 
مراد اسمها بتقرالك قصة 
تميمة بمرح مقابل قصة ايه دى .. اسمها حدوتة 
هدى اقول لهم يحضروا لك العشا و اللا اكلت برة 
مراد و هو يتلفت حوله باحثا بعينيه عن رهف لا ما اكلتش و چعان جدا .. انتو اتعشيتوا
هدى ااه اتعشينا
مراد و هو ينظر بساعته الساعة لسه تمانية .. اتعشيتوا بدرى اوى ليه كده
هدى دون ان تنظر اليه رهف كانت محتاجة تنام عشان تقدر تصحى بدرى للسفر فاتعشينا كلنا سوا 
مراد و هى خلاص قررت انها مسافرة بكرة 
هدى ااه الدكتور بتاعها طالبها تبقى عنده بكرة
مراد طپ ما تسافر مع عمى بعد بكرة
هدى مش عارفة بقى لو لحقتها الصبح قبل ماتسافر .. ابقى اسألها 
لينهض مراد و يتجه الى الاعلى قائلا بامتعاض كمان لو لحقتها .. ماشى 
و عندما دلف الى داخل الحجرة وجدها غارقة فى الظلام الا من شعاع خاڤت للقمر يطل من الشړفة و يسقط على الڤراش على وجه رهف ليتبين ملامحها بوضوح بعدما اعتادت عيناه على ظلمة المكان ليجدها تنام قريرة العين باريحية شديدة ليتملكه شعور بالضيق لا يدرى سببه و لكنها تلك المرة الاولى التى تذهب للنوم قبل ان يصل الى المنزل حتى قبل اتمام زواجهما .. فكانت خلال وجوده باسيوط تنتظر عودته لتسأله ان كان تناول طعامه