موعدي مع الحب الحقيقي لنشوه عادل

واعطينى فرصة انا لسه بحبك وعاوز اتجوزك وصدقينى هعوضك
اسماء انا اسفة والله مبقاش ليك غلاوة وحتى قلبى مبقاش ليك مكان فيه 
كريم بدهشة مستحيل انتى لا يمكن تكونى اسماء اللى بحبها اللى كانت متقدرش تغيب عنى لحظة
اسماء ابتسمت بجبروت فاكر لما كنت دايما اقولك يوم ما اتغير من ناحيتك هخليك تدور عليا وانا قصادك وانت مصدقتنيش ادينى طبقتها عملى واتفضل امشى من هنا ومتجيش هنا تانى 
انهت كلامها وقفلت الباب بوشه ولقت نفسها قلبها موجوع شويه لكن عقلها فرحان بقرارها ودموعها رفضت بالنزول ........عند حسام وسارة اول ما انهت كلامها وقف حسام عربيته بسرعة وكان وشه باين عليه الڠضب
سارة بحزن انا والله مش بكدب انا بقولك الحقيقة 
حسام غمض عيونه وقال عااااارف ان عمى بيحاول يخلص منى يا سارة وووووووووو.................
بارت كمان للقمرات السهرانين الزهقانين زيى متنسوش دعواتنا لاهل غزة لقد اشتد بيهم الكرب فاللهم الڤرج القريب
موعدى_مع_الحب_الحقيقى السادس
يتبع
بقلم_نشوه_عادل
عارف يا سارة ان عمى بيحاول يخلص منى ويفلسنى ومش من النهاردة ده من خمس سنين فاتوا ع الحال ده وانا عارف ومش قادر اعمل حاجة عشان عمى اخو ابويا والمفروض ان هو اللى مربينى بعد مۏت ابويا وامى
سارة پصدمة عارف! يعنى انت عارف انه هو اللى باعتنى اشتغل عندك!
حسام لا معرفش انه انتى بس كنت واثق انه هيبعت حد اصل مش اول مرة زى ما قولتلك
سارة طب ليه مخوفتش منى وقولتلى ع سرك ومكان اوراقك المهمة
حسام عشان اللى بيحب مبيعرفش يإذى 
لمعت عين سارة بخجل وصدمة وقالت ببلاهة ها
حسام ابتسم واتعدل بقعدته وبص فى عيونها هو انتى مفكرة ان ال ٨ مرات اللى قابلتك فيهم قبل كده فى الشركة اللى كنتى بتشتغلى فيها قبلى دى عدت عليا كده وتفتكرى انا وافقت عليكى بس عشان شاطرة بشغلك!
سارة امال وافقت عليه!
حسام عشان تفضلى جنبى وتحت عينى ومخسركيش
سارة متخسرنيش!
حسام سارة انا بحبك من اول مرة شوفتك فيها خطفتينى بطبيعتك وبعقليتك الاكبر من سنك وبجديتك فى حياتك وان كل حاجة عندك ليها وقتها 
دمعت عيون سارة معقول! الحياة بتصالحها واول مرة تتمنى حاجة وتتحقق يعنى حبها الوحيد هو كمان بيبادلها الشعور ولا بتحلم ! فاقت ع صوته مسمعتش ردك 
سارة بخجل وحطت عيونها بالارض بليز متكسفنيش
ضحك حسام بأعلى صوت ليه وبعدها ساق عربيته وروحها .... فى مكان ما دخل شاب فى عمر حسام ع عادل واتكلم بعصبية ورق الصفقة مجاش ليه لحد دلوقتى يا بابا !
عادل هعمل ايه يعنى اكتر من اللى بعمله يا استاذ رامى انا بعت حد يشتغل عنده ويعرف طريقه ويجيبه ويحطله الدوا اللى يجننه اعمل ايه تانى
رامى انت شكلك كبرت وجه وقت اعتزالك يا عادل 
عادل پغضب ولد احترم نفسك انا ابوك وبدل ما انت فاشل وبتعلق فشلك ع نجاح ابن عمك استرجل انت واعمل حاجة واحدة تخلينى فخور بيك يا اخى انا كنت اتمنى ان حسام هو اللى يكون ابنى من صلبى مش عيل خرع زيك
رامى پغضب وانا هوريك وهندمك ع كلامك ده وهثبتلك انى احسن منه 
خرج رامى پغضب وراح البار يسهر كالعادة مع شيلته الفاسدة وهناك كان مصاحب واحدة لقيته مضايق ولما سألته قالها انه مضايق من ابن عمه عشان ناجح فى شغله وهو لا
روناز طب واللى تجيبلك ورق الصفقة دى تعملها ايه!
رامى بلمعة كل اللى تطلبه 
روناز شيك بنص مليون جنيه 
رامى بس ده مبلغ كبير اوى يا روز
روناز كتير عليا يا بيبى ده انا هكسبك صفقة بالملايين تستكتر عليا نص مليون يعنى
رامى وهو بيشدها عليه من وسطها لا طبعا يا عسل بس هتعرفى طريق الورق ازاى ولا هتجبيه ازاى 
روناز تؤ دى بتاعتى متوجعش دماغك انت بالتفكير وبعدين احنا جايين نفرفش يا روحى ...وبعدها شدته ع الاستيدج ورقصوا
بعد مرور اسبوع تانى .. عند سيف واسماء كان منبهر بذكائها وبيحس انه عنده فضول شديد اتجاهها مش حكاية شغل وبس وفى يوم اصر سيف انه يوصلها البيت 
اسماء بس هنا حضرتك متشكرة جدا لزوقك 
سيف بدون مقدمات اسماء انا ...انا بصراحة بحبك 
اڼصدمت اسماء من كلام سيف وقالت اسفة انا مش بتاعت حب يا مستر سيف 
سيف بحزن ليه يا اسماء !
مردتش عليه وطلبت منه ينزلها من العربية وفعلا ساعدها وندهت ع واحدة جارتها ساعدتها تدخل شقتها وبمجرد ما دخلت وشافت سارة طلبت منها تحضنها وبكت كتير
سارة بلهفة مالك يا نور عينى فى ايه بتعيطى ليه حد عمل فيكى حاجة!
اسماء سيف قالى انه بيحبنى
سارة بفرحة بجد وانتى عملتى ايه !
اسماء قولتله انى مش بتاعت حب وسيبته ومشيت يا سارة ووووووووووو...........
استووووب يا سكاكر ميرسى ع التفاعل ع البارت اللى فات والكومنتات اللطيفة
موعدى_مع_الحب_الحقيقى السابع
يتبع
بقلم_نشوه_عادل
قولتله انا مش بتاعت حب وسيبته ومشيت يا سارة كنتى منتظرة منى اقوله ايه يعنى !
سارة وليه عملتى كده يا اسما مع انى واثقة ومتأكدة ان فيه مشاعر جواكى لسيف
اسماء بۏجع عشان