رواية مكتملة بقلم الكاتبه المجهولة -2

هلال
البارت السادس عشر
تاني يوم هلال نزلت ع شغلها لوحدها لأن حسام كان في شغلوا في نباطشيه من بليل وأبتدت شغلها زي كل يوم لغاية لما لقيت مدير الستشفي طالب انها تسيب أي حاجه بتعملها و تجيلوا ع المكتب حالا هلال أول ما دخلت
المدير أزيك يا دكتوره أتفضلي أقعدي
هلال تمام الحمد الله يا دكتور
المدير دكتوره هلال أنتي عارفه أنا بحترم أنك دكتوره شاطره ومجتهده و عشان كده أنا عاايز أفهم منك أي اللي بيحصل بالظبط أنا جالي النهارده حوالي 6 شكاوي من مرضي ومرافقين ليهم في المستشفي هنا بيشتكوا من التعامل معاهم بشكل مسئ وأهانتهم وسبهم ده غير عدد منهم أضاف أنك أشتبكتي معاهم معاهم باليد

هلال لا مش فاهمه يا دكتور أهانة أي وسب مين أنا معملتش حاجه من الكلام ده خالص أنا معنديش أي فكره عن الكلام ده حضرتك تعرفني من قبل متعين في المستشفي أنا عمري ما بتعامل مع أي حد بالأسلوب ده أساسا
المدير أنا عارف يا دكتوره وأنا كنت هتجاهل كل الشكاوي دي أساسا لأني كنت حاسس أن في حاجه غلط بس المشكله أن جالي أتصال من مسؤول في الوزاره بيبلغني أن الشكاوي أتبعتت كمان للوزاره وطلبوا مني أني أتابع الشكاوي وأحقق فيها بشكل رسمي و أن يتم أيقافك عن العمل لغاية أنتهاء التحقيق
هلال يعني أي يا دكتور يعني أنا كده موقوفه عن العمل
المدير مع الأسف أمر أيقاف العمل لغاية أنتهاء التحقيق جالي بورق مختوم وممضي من الوزاره وأنا مقدرش أعارضوا عشان كده لغاية أنتهاء التحقيق ونشوف أي أصل الشكاوي دي مش هينفع تمارسي شغلك في المستشفي هتعتري نفسك في أجازه.............. اهم حاجه يا دكتوره أنتي متأكده أن مفيش أي مشكله حصلت ما بينك وما بين أي مريض لأن الموضوع في حاجه مش مظبوطه كمان وصول الشكاوي للوزاره بالسرعه دي بيقول أن في حاجه غلط
هلال كانت بتسمع كلام الدكتور ومبتردش كانت أبتدت تفهم الي بيحصل بس أكيد مش هتحكي للدكتور عن تفاصيل شخصيه
هلال مش عارفه يا دكتور بس أنا فعلا معملتش أي حاجه من الكلام اللي موجود في الشكاوي
المدير أنا في العموم يا دكتوره هحاول أكيد أدعم موقفك بس مش أكيد أن ده ممكن يساعدك لأني مدير المستشفي وهيعتبروا دفاعي عنك نوع من التغطيه ع أخطاء الدكاتره اللي عندي أنتي حاولي الفتره دي تشوفي الناس اللي مقدمه الشكاوي دي وتحاولي تحلي الموضوع معاهم بشكل ودي عشان ميكبرش لأن لو الشكاوي دي أتثبتت عليكي ممكن الموضوع يوصل لنقل من المستشفي وكمان ممكن فصل من العمل لمده معينه ك نوع من التأديب
هلال پصدمه فصل !!!!!!!!
المدير مع الأسف أيوه أنا عايزك دلوقتي تروحي لدكتور محمد وتاخدي نسخه من ورق الشكاوي اللي متقدمه وحاولي تتفهمي مع الناس دي قبل معاد جلسة التحقيق .......
هلال ماشي يا دكتور
المدير تمام يا دكتوره تقدري تتفضلي دلوقتي وأنا هتواصل معاكي وهتابع معاكي الموضوع بردو
هلال خرجت من المكتب وهي في شبه صډمه كانت خاېفه أنها ممكن تتفصل هتعمل أي من غير مرتب المستشفي كمان معاش أبوها مش هيكفي أبدا مصاريفها هي وأخوها و في نفس الوقت كانت بتفتكر كلام حسام عن أبوه وتهديدات أبوه ليها كانت متأكده انو ليه يد في اللي بيحصل معاها عشان كده رجعت ع البيت عشان تشوف حسام اللي حاولت تكلمه كتير قبل ما توصل بس هو مردش عليها لأنو كان نايم بعد ما رجع من شغلوا بعد نباطشيته اللي كانت طول فترة الليل ف هلال معرفتش تتواصل معاه و فضلت مستنيه في شقتها بتفكر في اللي بيحصل معاها لكن اللي مجاش ع بالها ان اللي حصل في المستشفي هو البدايه بس مش أكتر لأن شويه وهلال لقيت حد بيخبط ع باب بيتها عشان تتفاجأ كمان ب راجل واقف و ماسك دفتر وطلب من هلال تمضي في الدفتر ده عشان يسلمها أعلان
هلال عرفني أي هي الورقه دي طيب عشان امضي
الراجل ده أستدعاء في النيابه
هلال بتوتر أستدعاء في النيابه .......... بتاع أي يعني
الراجل لما تروحي هناك هتعرفي كل حاجه
هلال مضت له في الدفتر و بعدها الراجل مشي وساب هلال اللي حرفيا دماغها كان أتشلت من التفكير لدرجة أنها مقدرتش تصبر لغاية ما حسام يصحي و يرد علي مكالمتها و قررت تطلع لشقته تصحيه لأنها لازم تعرفوا اللي بيحصل رغم أنها أساسا كانت خاېفه أن حد يشوفها لأن اللي عمله البواب قبل كده كمان اللي عملوا أبوا حسام لما فضل يزعق وهو في العماره خلا جيرانها يعاملوها ويبصولها بشكل مش كويس بس هي مكنتش بتعلق عشان متحصلش مشاكل هلال وقفت ع الباب ترن الجرس وهيا حرفيا بتتلفت حواليها لما حسام فتح الباب أتفاجئ ب هلال اللي شكلها كان باين عليه أن في حاجه مش مظبوطه كمان هو كان عارف أنها مش هتطلع الشقه عنده غير لو في حاجه
حسام مالك في أي أنتي كويسه 
هلال خليني أدخل الأول مش هنعرف نتكلم هنا ممكن حد يشوفني
حسام طيب تعالي أدخلي
هلال دخلت وقعدت ع الأنتريه كانت أول مره تشوف الشقه والعفش اللي حسام جابه بس هي مكنتش مركزه أساسا في أي حاجه حوليها
حسام هلال أحكيلي في أي قلقتيني 
هلال پهستيريا وتوتر أنا مش عارفه أساسا في أي ولا أي اللي بيحصل معايا أنا أتوقفت عن العمل النهارده الصبح و أتحولت للتحقيق وأحتمال كمان يبقي فيه فصل لو تم أثبات الشكاوي اللي متقدمه من ناس بتقول أني تعديت عليهم غير أن في محضر كمان جالي بأستدعاء للنيابه أنا مش فاهمه في أي هو والدك ممكن يبقي لي يد في اللي بيحصل معايا ده ولا أنا في أي بيحصل في حياتي أنا مش فاهمه حاجه
حسام هلال أنا مش فاهم حاجه أهدي أحكيلي براحه اي اللي بيحصل بالظبط
هلال أبتدت تحكي لحسام بالتفصيل من أول ما وصلت المستشفي لغاية المحضر ما جالها حسام كان بيسمع الكلام وهو عارف أن أبوه أيد ليه يد في الموضوع
أهدي يا هلال وأنا هشوف دلوقتي أي حوار أستدعاء النيابه والباقي باءذن الله هيتحل
بعدها حسام عمل مكالمه و طلب من حد بعد ما عرفه بيانات هلال يسأله عن أستدعاء النيابه اللي جالها
بعدها حسام جاب كرسي وقعد قدام هلال ومسك أيديها
حسام أهدي يا هلال صدقيني هتتحل
هلال مكنتش بترد عليه كانت بس رأسها ممايله وبتبص لللأرض و هي مش قادره تتكلم
حسام هلال مټخافيش ............... نفهم بس أي المشكله و هنحلها باءذن الله مع بعض
حسام بعدها بلحظات جالوا مكالمه من الشخص اللي كان كلموا وعرفوا فيها كل حاجه عن أستدعاء النيابه
حسام هلال الناس اللي عملوا فيكي شكاوي في المستشفي هما نفسهم عاملين محاضر ضدك
هلال بأنهيار بس أنا معملتش حاجه من اللي بيتكلموا عنها دي أنا معرفش الناس دي أساسا أنا قرأت أسمائهم في الورق اللي أخدتو من المستشفي ........ و حرفيا معرفش أي