رواية عاصم والقدر بقلم شهد احمد -2

وبعدين انت هتشتغل معايا في الشركه اتفقنا 
سليم. بس علي الاقل هساعدك ي عاصم المصاريف كده هتكون حمل عليك لوحدك 
عاصم. زي ما قولتلك بقا خلص انت والشغل بعدين جاي جاي وهتساعدني. 
سليم. ماشي. 
ومن بعد اليوم ده عاصم راح الشركه وبقا شغال فيها وريان صاحبه كان شغال معاه واي حاجه قانونيه كان ركان موجود وبيحلها وعاصم في أول الشغل كان بيحاول يعرف شركات تانيه ويعمل معاهم صفقات وينجح ومع الوقت بقا ليه اسم ليه هو لوحده في السوق بعيد عن أبوه وبجانب الشغل ده كان بيدرس وكان بيوفق ما بين الشغل والجامعة وكان بيحاول كل جهده يوفر كل حاجه ل اخواته من اهتمام واكل وشرب ومصاريف وفسح وهدايا 
سليم. كان بيهتم بدراسته وبيروح المدرسه ويطلع الاول 
وقال إنه لازم يدخل كليه تجاره علشان يقدر أنه يساعد عاصم بعدين 
بابلي. كمان كانت بتهتم بدراستها وبدراسه اريان وغيث
وكان الحياه حلوه واتحسنت كتير عن الاول وعايشه كانت معاهم كانوا بيعتبروها زي أمهم وكانت هيا بتحاول تخفف عن عاصم همه كان يرجع من الشغل متأخر يلاقيها مستنياه وعمله ليه الاكل ومجهزه وكانت تفضل وراه لحد ما يقعد ياكل ويقعد يحكلها هو عمل اي واي اللي حصل معاه في يومه ولما يرجع مهموم تخفف عنه وتقوله متقلقش هتتحل كانت بتحاول تكلمه عن فريده وأنه يكلمها ويرجع ليها بس كان مش مديها فرصه أنها تتكلم في الموضوع ده. 
وفي يوم اريان وغيث قعدوا استنوا عاصم لما جاء من الشغل لانه بياجي متأخر بحكم شغله 
عاصم. ولسه بيقفل الباب وداخل جري عنده اريان وغيث
عاصم. اي ده صاحيين لي ي ولاد 
اريان. انا زعلان منك ي عاصم. 
غيث. وانا كمان 
عاصم . لي كده انا عملت اي
اريان .. احنا بقالنا كتير مش خرجنا ي عاصم ولا روحنا الملاهي. 
عاصم. اممم وانتوا زعلانين مني علشان كده 
غيث. ايوه 
عاصم. هو بكره اجازه مش كده 
اريان. اه. عاصم. خلاص بكره نخرج كلنا 
اريان وغيث. ههههيييي احلا عاصم هههييي. 
عاصم. يلا بقا ناكل وننام علشان جاي تعبااان. واخدهم علشان يروحوا يأكلوا واي ده اي ده ده بابلي وسليم كمان صاحيين 
بابلي. ايوه مستنينك علشان ناكل مع بعض بقالنا كتير مش قعدنا مع بعض. 
سليم. خلاص بما اننا كلنا صاحيين يبقا نسهر مع بعض 
عاصم. بس كده موافق وقعدوا أكلوا وبعدها قعدوا يلعبوا مع بعض ويتفرجوا مع التلفزيون وعايشه كانت معاهم 
عاصم. فجاه سرح بتفكيره وكان بيفكر لو أن فريده معاه دلوقتي. 
عايشه. لحظت أنه عاصم شارد بتفكيره وقالت وحشتك 
عاصم. بدون وعي اوي اوي ي خاله 
عايشه. روح ليها ي ابني 
عاصم. هاا اروح ل مين عايشه. للي شاغله بالك ي عاصم. عاصم. بس انا مفيش حد شاغل بالي وتفكيري غيركم. 
بابلي. علي مين ي عاصم 
عاصم. كفايه كده سهر يلا علي النوم ورانا يوم طويل بكره صح ي اريان انت وغيث 
اريان وغيث. ايواااا. 
عاصم. طيب يلا روحوا ناموا 
اريان وغيث. حاضر وراحوا علشان يناموا 
عاصم. بص لقي عايشه سليم بابلي قاعدين 
وقال في اي مالكم ما تروحوا تناموا انتوا كمان 
وفجاه. سليم شده وقعدوا وقال روح فهمها علي كل حاجه ي عاصم ورجعها ليك قبل ما حد غيرك ياخدها منك و ټندم انها راحت منك 
بابلي. سليم معاه حق ي عاصم ومش تشغل بالك بينا احنا كويسين وبعدين هنتعرف عليها وهنكون صحاب ومش هندايقها خالص خالص 
عايشه. هشلها في عيوني ي ابني كفايه انها بتكون حببتك وبعد شويه تكون مراتك 
عاصم. ي خاله خلاص مينفعش انا كسرت قلبها مستحيل تسامحني حتي لو روحت ليها 
عايشه. جرب ي ابني مش هتخسر حاجه روح عندها قبل ما تضيع من اديك شوف قلبك هيقولك اي واعمل اللي يريحه ي ابني وفضلوا يقنعوا فيه وعاصم قال خلاص هفكر وقام من وسطهم وطلع جري علي اوضته وقبل ما ينام كان عمال يفكر في فريده ويقول اروح عندها ولا لا هتقبل أنها تسامحني ولا لا ونام من كتير التفكير 
وبابلي وسليم وعايشه. قالوا إنهم هيفضلوا وراء لحد ما يقبل أنه يرجع حببته ليه تاني وبعد كده كل واحد طلع ينام 
وبما أنهم نايمين متأخر ف قاموا كلهم من النوم بعد الظهر كده .
اريان وغيث. لما صحيوا راحوا عند عاصم وفضلوا يصحوا فيه عاصم عاصم اعاااااا عاصمم 
عاصم. اي في اي حصل حاجه حد جراله حاجه 
اريان . لا بس يلا قوم انت قولت هنروح الملاهي 
عاصم. احنا لسه الصبح تعالوا ناموا ولما نصحا هنروح الملاهي
غيث. بس الساعه 2 ي عاصم 
عاصم. اي ده الساعه 2 انا نمت كل ده 
عايشه. ايوه ي ابني يلا قوم علشان تاكل وإذا كنتوا هتطلعوا 
عاصم. لا لا احنا هناكل كلنا بره وهنخرج كلنا يلا اريان انت وغيث روحوا اجهزوا وقالوا ل سليم وبابلي 
اريان. هههييي حاضر ي عاصم وجريوا 
عاصم. يلا ي خاله روحي اجهزي علشان تروحي معانا 
عايشه. انا ي ابني. عاصم. ايوه ي خاله انتي 
عايشه. بس انا هنا مجرد بشتغل وبساعدكم بس اخرج معاكم ازاي. عاصم. متقوليش كده ي خاله انتي زي امي انتي الوحيده اللي وقفتي جانبي لحد ما اخواتي اتقبلوني وعملتيني بطريقه حلوه وقوتيني في وقت ضعفي كنت بتقعدي تستنيني لحد ما ارجع من الشغل وتحطي ليا اكل انتي مش مجرد بتشتغلي هنا وبس ي خاله انتي مقامك كبير عندنا 
عايشه. تسلملي ي ابني ربنا يبارك فيك 
عاصم. يلا ي خاله روحي اجهزي علشان نمشي 
عايشه. حاضر ي ابني وراحت تجهز وعاصم قام علشان يجهز نفسه هو كمان وبعد ما جهز نفسه حصل أن 
رئيكم وعايزه تفاعل حلو ورئيكم في الروايه والأحداث زي ترا ماشيه حلو ولا اغير فيها حاجه 
عاصم_والقدر
بقلمي_شهد_احمد.
14
عاصم والقدر
وعاصم قام علشان يجهز نفسه هو كمان وبعد ما جهز نفسه حصل أن عاصم رن علي ريان وقاله أنه يروح معاهم الملاهي لانه هيروح يشوف فريده وهو لما يخلصوا هياخد خالته عايشه والاولاد معاه علشان يروحهم معاه وهو يروح ل فريده وريان وافق أنه يروح معاهم 
عاصم. نزل تحت ولقيهم كلهم جهزوا اخدهم وراحوا الملاهي وقابلوا ريان هناك وسلموا عليه و اخدهم ودخل واريان وغيث . ههييي عاصم عاصم عايزين نلعب اللعبه دي 
عاصم. حاضر ي ولاد اهدوا هعمل ليكم كل اللي انتوا عايزينوا سليم روح مع اخواتك وخليهم يلعبوا وخود بابلي كمان معاكم علشان تلعب وانا هقعد انا وخاله عايشه وريان هنا عقبال ما تيجوا أو شويه كده وهناجي ليكم 
سليم. حاضر ي عاصم. عاصم. خلي بالك من اخواتك ي سليم واي حاجه تحصل نادي عليا علي طول 
سليم. ماشي متقلقش واخدهم وراح علشان يلعبوا ولعبوا كل الالعاب وكانوا مبسوطين 
عايشه. قررت تعمل اي ي عاصم بخصوص فريده 
عاصم. قررت اني اروح واكلمها ي خاله بعد ما الاولاد يخلصوا لعب وكده ريان هياخدكم وتروحوا معاه وانا هروح اكلمها ادعيلي ي خاله 
عايشه. ان شاء الله خير ي ابني وترجعوا ل بعض واحسن من الاول 
ريان. واخيرا ي عاصم اقتنعت تسلمي ي خاله 
عاصم. بس انا مش عارف رد فعلها هيكون اي ي ريان 
ريان. اعمل اللي عليك ي صحبي وفي الاخر ده