البنات في الجيش

التدريب 
طيب روح شوفهم ﻻيكون جالهم ضړبة شمس وماتوا وﻻ حاجه ..
مابﻻش يا افندم انا ماصدقت انفد بجلدي ..
يلﻻ يا ابني اعتبرهم اخواتك ده انا قلقان عليهم بقالهم يجي ساعتين مابانوش 
حاضر يا افندم. 
ووصل الظابط مكان ماساب البنات وهو حاطط ايده على قلبه ومړعوپ 
ومن بعيد شافته سوزي فمالت على ساندي وقالتلها 
شوفتي مش قلتلك شكله عينه منك اهو رجع تاني اهو ..يا بنتي طول الطابور ماشالش عينه من عليكي 
ضحكت ساندي بكسوف وقالتلها ..
ياااااه معاكي حق ده رجع اهو وبيبصلي كمان. 
ووصل الظابط ..وقال ..
خير مالكم واقفين ليه ..وايه اللي بتدهنوه ده ..وففي سره ..مصېبه ليكون جالهم جرب جماعي من نومة المعسكر ..
ردت سالي 
ده صن
بلوك
يا افندم اصل الشمس ممكن تضر بشرتنا 
الظابط وقد ماټ بالسكته القلبيه بس قبل ما يطلع في الروح
آآآه صن بلوك ..منكم لله يا كفره ..هو انتم طالعين السخنه.
الحلقة الثانية
وبعد ما البنات خلصو ميك اب ..وخلصو صن بلوك ..وخلصوا بالمره على اتنين من خيرة خير اجناد اﻻرض اتفرقوا البنات في الصحرا كل اتنين مشيوا سوا طبعا مش علشان الصحرا خطړ ﻻ ..لكن ﻷن مستحيل بنت تقدر تمشي ساكته ﻻزم تكون بتتكلم مع صاحبتها على صاحبتهم ..المهم 
..نانيس ونورين كانوا سوا ماشيين في الصحرا. . نانيس وهي بتمسح وشها بمناديل ويبس معطره ...
اووووووف ايه الشمس دي ..الميك اب ساح واتبهدل..
نورين باستغراب وقرف اووووه انتي بتجيبي ميك اب بيسيح ..مش تستنضفي يا نونو ماركه كويسه...
والله ماركه بس انتي مش شايفه الشمس عامله ازاي ..انا عطشانه قووووي...
طيب استني انا معايا عصير .....
ايه ده بجد ..عرفتي تاخديه معاكي ازاي ده 
..يابنتي انا ليا طرقي بقى ...
.ها..تحبي جريب فروت وﻻ كوكتيل 
..امممممممم كوكتيل..
ماشي اتفضلي .
.في شاليموه..
طبعا امال يعني هنشرب ازاي من غيره ده الروج يتمسح.
....وطبعا كل ده وفي عسكري غلبان واقف يراقبهم كجزء من تأمينهم اثناء التدريب ....اول ماشاف العصير ..جري عليهم وقالهم.
.. مكانك انتي وهي ..انتم فاكرين نفسكم طالعين رحله..ايه اللي بتعملوه ده ..
نانيس بعد ما اتخضت من اقتحامه المفاجئ. .
ايه ده انت ازاي تمشي ورانا كده على فكره بقى دي قلة ذوق وكده اوفر وعيب..وبعدين ايه مالك احنا مافطرناش وعطشانين مش كفايه مافطرتوناش وﻻ حتى سيبتونا ناخد اكل معانا.....
.تاخدوا ايه ياختي ...انتي هبله انتي وهي وﻻ ايه بالظبط ..ده ايه اللي بتشربوه ده بقى ان الله. ...
...انت ايه اﻻسلوب ده لو سمحت اتكلم باسلوب احسن من كده ..ووتش يور ﻻنجويتتش
..ساندويتش وده ساندويتش ايه ده بقى ان شاء الله. .
.ساندويتش ايه يامتخلف انت ..بقولك ﻻنجويتش يعني خلي بالك من كﻻمك.....
.. طيب ادامي انتي وهي علشان ما ارتكبش جنايه دلوقتي .
.وخدهم وراح على الظابط وحكاله الحكايه .
..وادي ظابط تالت من خير اجناد اﻻرض بقى في العنايه المركزه....
وفي مكان تاني في