ايه السيد -٢

تلبسها فيا
تركت منه المطعم وجريت على بره وهي پتبكي وكأنها البريئة المظلومة والمجني عليها وإحنا الظالمين والجناه
بدل عصام نظره بيننا وبعدين جري وراها وهو بينادي عليها بلهفة
وقفت مصدومه بتفرج على بكاء روعه وببص لأثر منه وجوايا حرب دايره وأنا بفكر مين فيهم الصادق يا ترى الاتنين كذابين!! أنا حاسه إني بقيت مريضه نفسيا أنا تعبت!!
لفت نظري الناس إلي بتتفرج علينا وعلى ما لبست شنطتي عشان أمشي كانت روعه جريت للخارج وهي حاطه إيديها على فمها بتكتم شهقاتها ووراها حنين
لقيت نفسي لوحدي مشيت أجر رجلي بثقل لخارج المطعم
في ظل صدمتي دق صوت شادي على طبلة أذني 
دكتوره شهد
حسيت إنه هيئ ليا ومتلفتش ليه كملت طريقي فلقيته وقف قدامي فجأه وقال وهو بينهج كأنه بيجري 
شهد استني
اټفزعت لما تخيلت عبيده حصله حاجه قلت بخضه 
فيه ايه عبيده حصله حاجه!
حك رقبته بتوتر وقال
متقلقيش عبيده بخير
بلغ ريقه بارتباك وكمل
تسمحيلي أمشي معاك لحد البيت ونتكلم شويه
قلت بسخرية 
نتكلم في ايه إنت كمان!
بلل شفتيه بتوتر وقال
أنا مستأذن من عبيده عشان أتكلم معاك
افتكرت الكلام إلي قولتهوله امبارح هو ملهوش ذنب في كل إلي بيحصل حوليا وبيدور جوايا قررت أتعامل باحترام بصيت في الأرض وقلت بتلعثم 
اأ اتفضل
مشينا جنب بعض ساكتين وكان واضح عليه الإرتباك كل شويه يبصلي ويرجع يبص قدامه قلنا في نفس واحد 
أنا
سكتت عشان يكمل وهو سكت عشان أكمل قال 
اتفضلي اتكلمي
لأ اتكلم حضرتك
قال بنبرة مرحة 
السيدات أولا اتفضلي
بس أنا عايزه أسمعك الأول
سكتنا احنا الاتنين لفتره قال شادي
أنا شوفت كل اللي حصل من شويه
بصيتله ورجعت بصيت قدامي فكمل بتلعثم
أأأ أنا شايف إن فيه حاجه غلط بتحصل
مردتش برده فقال شادي
هو إنت إنت بعتيلي رسايل امبارح!!
رديت بتعجب 
رسايل إيه!! لأ مبعتش حاجه
مش بقولك فيه حاجه غلط
وقفت مكاني وقلت باستفهام
أنا مش فاهمه حاجه ممكن تفهمني لو سمحت!
شاور على كافيه قصادنا وقال
ممكن نقعد مع بعض شويه عشان أشرحلك اللي حصل
وافقت وقعدت قصاده كان مرتبك جدا مسح على لحيته أكتر مره وهو باصص لأسفل فقلت بنفاذ صبر  
إنت بقالك ساعه ساكت ممكن تفهمني بقا
ضحك وقال 
ساعه!! دا احنا مبقالناش دقيقتين قاعدين
ضحكت بإحراج وسكتت فقال 
بصراحه يا شهد لو تسمحيلي يعني أقولك يا شهد من غير ألقاب
بصيتله وقلت بتلعثم
ع عادي
تنفس الصعداء ومسح على لحيته مره تانيه وهو بيقول بحسرة 
أنا طلعت غبي أوي يا شهد
سألني باندفاع 
شهد هو إنت بتحبيني ولا
عقدت حاجبي بتعجب فشاور بإيده وهو بيقول
إيه الغباء اللي مسيطر عليا ده أنا لسه بقولك فيه حاجه غلط وبسالك بتحبيني ولا لأ
كنت متابعه ارتباكه وكلامه إللي مش عارفه أفهم من خلاله هو عاوز يوصل ل إيه!! بصيت لرجليه إلي بيدبدبها في الأرض بتوتر وهو بيقول 
شهد أنا
سكت للحظه وبعدين سند مرفقيه على الطاولة ومال للأمام ناحيتي ضيق جفونه بتركيز وهو بيبصلي ويتأمل معالم وجهي ورد فعلى على جملته التالية 
أنا طلبت إيدك من عبيده
يتبع
روايات_آيه_شاكر
كتابات_آيه_السيد_Aiah_Elsayed
أنا طلبت إيدك من عبيده
في الوقت ده وضع الجرسون قدامنا اتنين ليمون كان شادي طالبهم
قولت في نفسي ناقص شجرة كنت هبتسم بس حاولت أخفي ابتسامتي لكنها ظهرت في عيني
شادي لمح ابتسامتي فابتسم أكيد حس إن فيه قبول من ناحيتي ليه
٨
فأعرضت_نفسي
بقلم آيه شاكر
شكرا
قالها شادي للجرسون وبعدين تنحنح وشاور على الكوبايه قدامي وقال 
اشربي يا شهد اشربي بلعي الصدمه دي عشان اللي جايه
نفذت كلامه ورفعت الكوبايه أشرب يمكن أروق على قلبي الصغير اللي مش عارف إزاي يتحمل الكم الهائل من المفاجأت دي تخيلوا في يومين تنقلب حياتي رأسا على عقب
تذكرت جمله قرأتها من فترة لا تقلق إذا انقلبت حياتك رأسا على عقب وما يدريك علها تكون أفضل قلت في نفسي يمكن إللي جاي أفضل! شردت وأنا بفتكر اللي حصل من شويه من روعه ورد فعل منه وسألت نفسي هو احنا ممكن نكون ظالمين منه فعلا!!!
خرجت من شرودي لما جيت أخد رشفه كمان من العصير فلقيت الكوبايه فاضيه تنحنحت وقلت في نفسي يادي الكسوف!
حسيت بإحراج أكتر لما انتبهت ل شادي إللي متابعني بابتسامة صغيرهلقيته شاور للجرسون وقال  
اتنين ليمون كمان لو سمحت
وقفت بسرعه وبارتباك وقلت بتلعثم
ل لا لا أأأ أنا عايزه أمشي
وقف شادي وقال  
اقعدي احنا لسه مخلصناش كلام
م ممكن نكمل في الطريق
اقعدي يا شهد الكلام ده مينفعش يتقال في الطريق
لما لقيته قعد قعدت أنا كمان وبدأت أفرك في إيدي بارتباك وأنا باصه في الأرض بصيتله لما قال 
أنا اتقدمتلك عشان
سكت ووطى رأسه وحاوط فمه براحه إيده لفتره زي ما يكون بيفكر يقول إيه
رجع بصلي تاني وزفر دفعة هواء من فمه وقال بحيرة 
أنا مش عارف أقول إيه ولا أبدأ إزاي ولا عارف المفروض أقول ولا أسكت!
قلت بفضول 
ي ياريت تقول من غير مقدمات
كنت متابعه نظره إلي بيتقلب في أرجاء المطعم بحيره وارتباك كنت متخيله إنه عايز يقولي بحبك ويعبر عن أد إيه أنا في قلبه من زمان وبيحلم بيا وهو صاحي قبل ما يكون نايم! هو الحب يا روحي عليه
ولما