بقلم ايه السيد -٤

عليكما وجمع بينكما في خير
كانت لسه الحفلة هتبدأ وهيشتغل أغاني لكن فجأة بدأت تمطر وطبعا القاعه مكشوفه فاضطرينا نقوم وننهي الحفله قبل ما تبدأ لأن المعازيم مشيوا ما هو برده مفيش حد بيتجوز في الشتا لا وكمان يعمل الفرح في قاعه مكشوفه!!! حاجه غريبة جدا!!
ركبت العربيه جنب شادي في المقعد الخلفي وماما ركبت في الكرسي الأمامي جنب السواق
وركبت روعه مع عبيده كان باين على روعه القلق والصراحه ليها حق!!
وأثناء الطريق
مبارك يا عروستي
أأأ الله يبارك فيك
لقيت شادي قرب مني ومد إيده مسك إيدي اللي كانت متلجه من البرد بدأ يفرك إيدي عشان يدفيني وهو بيقول بابتسامة وبهمس
إيدك متلجة يا بنتي
أأالالجو برد
بلعت ريقي بارتباك ولما بصيتله لقيته باصصلي وبيبتسم ابتسمت بحياء حط إيدي بين إيديه وبعدين بدأ يمرر إبهامه بحنو على كل صوبع من أصابعي ويتحسس الدبله بتاعته اللي زينت إيدي مال ناحية أذني وقال
طيب الدبله بتاعتي مش مدفياك دا حتى بيقولوا الدبله بتدفي في الشتا
حاولت أكون مرحة فقلت
صح أنا شكلي اتضحك عليا ولا إيه!
قال بمكر 
أو ممكن تكون الدبلة محتاجه شحن أنا هشحنهالك
قال كده ورفع إيدي وباس الصوباع اللي فيه الدبله وقال بمرح 
لو مشتغلتش تبقى محتاجه جرعه زياده وواحده واحده هتشتغل متقلقيش
كنت مستغربه اللي بيعمله سحبت إيدي منه وقلت بهمس 
احترم إن ماما موجوده
الله! هو أنا عملت حاجه غلط!! الحق عليا بشغلك الدبله عشان تتدفي
زاد تدفق الډم لوجههي وحسيت بحراره مره واحده فتقريبا الدبله طلعت بتدفي فعلا مكذبوش
بقلم آيه شاكر
استغفروا 
لا تغفلوا عن الدعاء لأخواننا في غزة

دخلت روعه لمسكنها الجديد كانت بتبص في الأرض مرتبكه ومتوتره وخاېفه قفل عبيده الباب وقال 
نورت شقتنا يا حياتي
بصت له روعه بنظره جانبية وقالت بتلعثم
ف فين أوضتي
قصدك أوضتنا
لا أوضتي أأ أنا م مبعرفش أنام جنب حد على السرير
قال بابتسامة مستفزة
يبقا تتعودي يا حياتي
أشار لغرفة النوم وقال
دي أوضتنا اتفضلي
اتجهت ناحية الغرفة وهي بتغمغم بهمس
يارب صبرني يارب على الابتلاء ده
عبيده بنبرة مستفزة
متبرطميش يا حياتي
نفخت بضيق ودخلت الأوضه وقفلت الباب پعنف ففتح الباب ودخل دماغه منه بحركة مضحكه وقال باستفزاز 
براحه على الباب دا متكلف عليه
أكمل بجدية وبابتسامة
يلا غيري واتوضي عشان نصلي ركعتين مع بعض افتتاحه لحياتنا المزهرة أن شاء الله
ابتلعت ريقها بارتباك وقالت بحدة وبعناد
ل أأ لأ مش هصلي معاك
قال بحدة زائفة يشوبها المرح
بقولك إيه البيت ده فيه شد وربط وأنا هنا راجل البيت يعني كلمتي تتسمع من سكات يلا خمس دقائق والاقيك ورايا على سجادة الصلاة
أغلق الباب خلفه وتركها
دبدبت هي قدميها بضيق في الأرض وهي بتقول 
حسبي الله ونعم الوكيل أقوله ازاي دلوقتي
بصت في المراية عشان تجرب هتقوله إزاي رفعت رأسها لفوق وقالت 
أنا عندي ظروف
سخرت من نفسها وهي بتقول
ظروف إيه وجوابات إيه لأ مش بحب الكلمه دي
بدأت تقرض بأسنانها في شفتيها بارتباك وهي بتفكر وبعدين بصت لنفسها في المرايه تاني وقالت 
أنا عندي عذر قهري
نفخت بقوة وقالت 
قهري إيه لا طبعا مش هينفع!!
بصت للمراية تاني وقالت
بص أنا مش بصلي عشان
سكتت ودبدبت في الأرض وهي بتقول بضيق
ياربي على الورطه اللي أنا فيها أعمل ايه!!! أصلي وراه وخلاص يوووووه
بقلم آيه شاكر
سبحان الله وبحمده سبحان الله العظيم 
ادعوا لأهل فلسطين

شادي دخل قعد معايا أنا وأمي شويه لأنه كان عايز يتكلم معايا ولما أمي سابتنا لوحدنا قرب مني وقال بهمس 
طمنيني الدبله اشتغلت ولا لسه عايزه شحن
قلت بنفاذ صبر 
أنا بقول تقوم تروح لأن أنا بنام بدري
تنامي بدري دا إيه!!! من النهارده اعملي حسابك عندك محاضره من ١١ ل ١٢ بالليل بعدها هنصلي ركعتين قيام وننام
افتكرته بيتكلم بجد وهيبعتلي محاضرات دينيه بقا وكده قلت بضيق 
المحاضره دي متأخر جدا مش هينفع!!
قال بمكر 
ما هو على ما البيت عندنا ينام عشان أفوقلك وأعرف أشرحلك كويس
هو إنت قصدك محاضرات إيه!!
غمز قائلا بنبرة ناعمة
محاضرات غراميه هشرحها ليك وبس
ولما دخلت أمي قطعت كلامنا فتنحنح وقام وقف عشان يمشي
سلم عليا وكنت ببص عليه بعمق وكأني بحاول أفهمه أصبح عندي فضول تجاهه عايزه اعرفه لأني لسه معرفهوش!
استغفروا

إإإ استنى أنا لسه متوضتش
قالتها روعه وبلعت ريقها بتوتر فقال
خلصي يا روعه أومال بقالك ساعه بتعملي إيه في الحمام
ه هروح أهو أتوضى وأجي
قال عبيده بنفاذ صبر
يا مصير الۏحش على ال
بصلها وابتسم وبعدين غمز لها وقال بمكر
على الغزاله
بصيتله بقرف ودخلت الحمام واتوضت وخرجت وهي ناويه تصلي وراه وخلاص خليها تخلص في الليلة دي!
أقام عبيدة الصلاة وقبل تكبيرة الإحرام بص عليها كانت مرتبكه وبتفرك في إيديها فشعر بها وتوقع إنها عندها عذر يمنعها من الصلاة ومحرجة تقوله
جلس على المقعد أمامها وحك أنفه وهو يبص على ملامحها اللي باين عليها إنها مخبيه حاجه قال بفراسه 
مينفعش واحده تصلي وهي حائض لمجرد إنها محرجه وأظن الموضوع ده مفهوش إحراج دي حاجه ربنا كتبها على كل الستات
كانت كل كلمه تخرج من فمه كدلو من الماء المثلج يسكب على رأسها في عز البرد فجمد الډماء