نوفيلا مكتملة بقلم فاطيما يوسف الاول

شهران علي أبطالنا 
حالهم تغير وأصبحو مهمومين  
فمهرة لم تستطيع نسيان طيفها وأصبح ملازمها والجواد يفكر في طريقة للوصول لها 
ونادر ونسرين محاوطين نور ومكالمتها مع علي قلت كثيرا  
وأسماء مستمرة علي التجاهل التام لعلي وذالك شىء بات يثير جنونه .
في منزل والد جواد 
حيث جاء صديق والد جواد الحاج رمضان رجل ذو وجه بشوش البسمة لاتفارقه يجلسون في الشرفة يتحدثون هو وجواد ووالده في أمور الحياة ثم أخذ بهم الكلام وتحدث والد جواد بضيق للحاج رمضان قائلا
في حاجة مضايقاني يا رمضان من جاركم ونسيت أقول لك عليها ومزعلاني جدا .
نظر إليه رمضان بإستغراب وتحدث بتساؤل
_ جاري مين إللي مزعلك يابو جواد وعمل معاك ايه 
أجابه والد جواد بضيق
_ جاركم محمد الشريف ياسيدي أبو مهرة تصور الحاجة أم جواد شافت مهرة بنته في العيادة وعجبتها ولأجل الحظ الدكتور مجاش في اليوم ده 
فاأم جواد قالت له تعالي معايا العيادة وشوفها هتعجبك أوي وأصرت عليه المهم راحو تاني يوم وشافها والحمدلله ارتاح لها ودخلت قلبه  
تاني يوم علطول بعتنا أختي ليهم وقالت لهم علي جواد واستنت رأيهم مفيش يومين لاقينا أبوها باعت الرد إنها لسه صغيرة ومش هيجوزها دلوقتى 
وأنا مش مصدق السبب ده خالص ولا يخيل علي أي حد 
ثم نظر إلي إبنه جواد بإعتزاز قائلا
_ هو إبني معيوب ولا في حاجة لاسمح الله علشان يترفض طيب والله العظيم هما الخسرانين  
ونظر إلي جواد بدعم .
أجابه العم رمضان بمحايلة
_ إزاي بقي الكلام ده ده جواد راجل مفيش منه ولا في أدبه ولا في أخلاقه  
ونظر لجواد نظرة استحسان وأكمل بجدية له 
_ متزعلش نفسك ياحبيبي ده إنت تستاهل ست البنات كلهم وربنا يعوض عليك بالنصيب إللي يستاهل لك يابن الغالي .
نظر إليه جواد نظرة شكر وعرفان وردد بتصميم 
_ ومهرة هي نصيبي الحلو وقسمتي إللي أستحقها من الزمن ياعمي رمضان وأنا مش عايز نصيب غيرها وهعافر علشان أنولها 
وهعمل المستحيل علشان أخدها ومش هستسلم بس أنا قلت أخد وقت شوية وأتقدم لها تاني لعل وعسى والدها قلبه يحن لما يلاقيني متمسك بيها ومش عايز غيرها .
نظر إليه عم رمضان بفخر وردد بتساؤل
لحقت تحبها كل الحب ده ياجواد علي العموم أنا هعدي عليه النهاردة كده وهجس نبضه وأقول لكم ويمكن ربنا يوضع سره في أضعف خلقه  
ثم قام من مكانه وانتوي المغادرة قائلا
_ أنا همشي بقي يابو جواد ومتزعلش نفسك ولعل المانع خير 
ثم ألقي تحية السلام وخرج وقام معه أبو جواد لتودعته  
ونظر جواد إلي والدته قائلا بابتسامة
_ ست الكل ممكن كوباية قهوة من إيديكي الحلوين دول حكم راجع من الشغل دماغي ضايعة .
اجابته والدته بإبتسامة رضا وتحدثت قائلة
_ حاضر يا حبيبي من عيوني تحب أجيب لك فاكهة معاها 
أجابها
_ لأ ياأمي فنجان قهوة أنا هدخل البلكونة أشم شوية هوا ولما تخلصيها اندهي عليا أخدها.
ولجت والدته إلي المطبخ لكي تصنع له القهوة المانو التي يحبها عزيز عينها وهي تتنهد بضيق لأجله محدثة نفسها
_ ربنا يديك وينولك إللي بتتمناه ياجواد ياحبيبي  
ثم أفرغت محتوي القهوة في الإناء وذهبت إلى الشرفة وأعطته إياه بمحبة وإبتسامة وعادت إلى المطبخ علي عجل لكي تطهي طعام العشاء.
أما عن جواد في داخل الشرفة وهو يحتسي القهوة أمسك هاتفه وبعث لمهرة رسالة أجل إرسالها عدة مرات منذ أيام ولكنه قرر إرسالها وليكن مايكن فهو ملتزم جدا معها ولا يضايقها أبدا رغم اشتياقه الشديد لها 
ولكنه لم يعد للصبر حدود فضغط الإرسال إليها 
كانت مهرة في ذلك التوقيت تجلس في العيادة ممسكة بمصحفها تحفظ وردها اليومي وفجأة جائها رسالة عبر الواتساب وكان نصها كالآتي 
_ ازيك يا آنسة مهرة عاملة إيه 
يارب تكوني بخير معلش إني بتطفل عليكي بس أنا كنت حابب أطمن عليكي بس إنك بخير .
قرأت الرسالة بدقات قلب سريعة جدا لم تقدر على تفسيرها أهي عشق اشتياق حنين مفاجأة وحشة رغبة به  
ثم أمسكت هاتفها كتعبير عن فرحتها بتلك الرسالة وانتظرت قليلا 
ثم بعثت له رسالة نصية قصيرة محتواها
_ أنا بخير الحمدلله ياأستاذ جواد 
ثم ضغطت الإرسال إلي من حفظت رقمه عن ظهر قلب ولكن لم تدونه  
أما هو طار فرحا برسالتها القصيرة التي عدد كلماتها تعد علي أصابع اليد ولكن كانت بالنسبة له طوق نجاة وخيط يوضح له أن يفعل ماقرره تجاهها  
ثم جلس يغني بصوته العذب أغنية العندليب الأسمر داخل الشرفة بسعادة غامرة
_ حبيتها أيوه أنا أنا أنا حبيتها مش قادر أنسي ضحكتها مش يمكن دي فرحة عمري والفرحة ماصدقت لقيتها  
كان فين اليوم ده غايب عني كان فين  
تسلم لي وتسلم ضحكتها 
______________________________
في منزل الشيخ علي 
يجلس في غرفته وممسكا هاتفه يتصفح التعليقات علي آخر فيديو له ويرد عليها  
وفجأة أعلن هاتفه عن وصول رسالة نصية