اسكريبت 2 بقلمي امينه رأفت

يا جويريه .. انا مش عايزه اسمع حاجه تاني كفايه اوي كده
مشيت و انا مش قادره اتخيل اني كده خسړت صاحبتي علشان واحد انا اصلا مش عايزاه 
قررت اني مش هستسلم لازم أصلح اللي بوظته بسبب ضعفي اني مش قادره أرفض 
عدي يومين كلمته و قولتلك نتقابل في كافيه .. روحت لقيته مستنيني .. قعدت قدامه قالي  
ازيك يا جويريه 
_ هو انت عايز ايه من منه تاني  
لقيته اتخض و اتوتر و قال 
منه مين 
_ لا شغل اللف و الدوران ده مش عليا .. انت جي و عارف اني صاحبة منه .. ليه بقي كل ده افهم 
انا مش فاهم انتي بتتكلمي عن ايه 
_ لا و الله .. طيب افهمك انا علشان انت يا عبيط يا بتستعبط 
من غير غلط 
_ انا جويريه صاحبة منه خطبتك السابقه اللي سبتها بعد ما خلتها تحبك و تتعلق بيك
و بعدين مش فاهم 
_ انت بجح اوي بجد 
انا سكتلك مره في ايه .. ما تحترمي نفسك يا بت انتي 
_ و نعمه الاخلاق يا استاذ هشام 
ايوه جي و عارف انك صاحبتها .. و عارف كمان انك مش هتعرفي ترفضيني و انه هيبقي امر واقع عليكي 
_ ليه .. كل ده ليه ده انت حتي اللي سايبها 
مزاجي 
_ مزاجك .. مزاجك تدمر حياه واحده من كل الجوانب بدون سبب .. ليه عملتلك ايه .. دي حتي حبيتك و اتعلقت بيك
لقيت باصصلي و مش بيرد قومت و سحبت الدبله من ايدي و حطتها قدامه و قولت  
_ يا ريت تعمل حاجه واحده عدله في حياتك و تبعد عني و عن صاحبتي .. و نصيحه مني .. روح اتعالج
روحت و اكتشفت انه كلم بابا و قاله انه مش عايز يكمل عدي اسبوعين و انا بحاول اوصل لمنه هي رافضه تقابلني في يوم كلمت مامتها و حكتلها اللي حصل و سألتها فين منه قالتلي انها في الكافيه بتاعنا 
روحتلها لقيتها قاعده علي التربيزه اللي ديما بنحب نقعد عليها قربت منها و قولت  
_ لو سمحتي انتي قاعده في المكان بتاعي 
التفتت ليا قعدت قدمها و قولت و انا عيني مدمعه  
_ وحشتيني .. الايام من غيرك وحشه اوي 
لقيتها بصالي و مش بترد 
_ لسه زعلانه مني .. حقك 
حكتلها كل اللي حصل 
_ انا عملت كل اللي عليا يا منه .. حقك تزعلي .. بس كان ڠصب عني و الله العظيم .. انا مش هضغط عليكي اكتر من كده .. عن اذنك 
جيت امشي لقيتها بتقول و هي بټعيط  
انتي هتسبيني و تمشي 
_ ما انتي مش عايزاني 
و انتي من امتي حساسه اوي كده 
ضحكت و قولت  
_ من اول ما عرفتك 
لقيتها قامت وقفت قدامي