تزوجت طفله

اللي حضرتك عملته معايا
رد سامي وهو بيبص لمراد وبيبتسم ليه بامتنان 
متشكرين بجد ليك يا دكتور عشان ساعدت سيلا ووقفت معاها
سيلا بصت لمراد بعنيها وكأنها بتترجاه ميقولش انه جوزها وانها مراته ونظراتها دي فهمها 
وهو انت بتشكرني عشان دافعت عن مراتي
سامي ملامحه بهتت وبص لسيلا باستفهام وهو بيردد بهمس 
مراتك 
ايوة سيلا تبقي مراتي يلا يا حبيبتي
اخد مراد سيلا ومشي وهو ماسك ايديها بتملك وركبو هما الاتنين العربية تحت نظرات سامي 
في البيت دخلت سيلا وهي باين عليها الضيق ومراد اول ما دخل قالها بغيرة 
للدرجادي مضايقة عشان سامي عرف انك مراتي ايه مكنتيش عايزاه يعرف انك متجوزة كان عندك امل انك لما تطلقي مني تروحيله
سيلا بصت لمراد پصدمة وبعدين قربت منه وهي بتقوله بحدة 
انت ازاي تفكر فيا كدة انا مكنتش عايزاه يعرف عشان ميطلعش شكلك وحش قدامه لاني مراتك وحضرتك سبتني اول يوم اتوه في الشوارع ومكنتش عايزاه يشوفك انسان وحش 
قالها مراد وهو بيلحق سيلا بس هي سابته ودخلت اوضتها ووقف هو پيلعن نفسه وغباؤه اللي خلاه يتهور ويقول كلام يندم عليه وده بسبب انه خلي غيرته تتحكم فيه وان مشاعره بدأت تتحرك ناحية سيلا ودي حاجة في حد ذاتها خنقته اكتر لانه مكنش متوقع ان ممكن قلبه يدق مرة تانية ولمين لبنت في نص عمره اتنهد مراد وبعدين دخل هو كمان اوضته
بليل خرجت سيلا من اوضتها لما حست بالجوع جامد واول ما خرجت شمت ريحة اكل حلوة اوي فدخلت المطبخ واتفاجأت بمراد وهو لابس مريلة المطبخ وبيحط الاكل عالسفرة واول ما شافها وقف متنح ليها وده لان اول مرة يشوف سيلا بشعرها وساب الاطباق وقرب منها 
انا اسف يا سيلا انا اضايقت لما حسيت انك مش عايزة سامي يعرف انك مراتي رغم اني عملت كدة عشان اثبتلك اني مش مستعر منك زي ما انتي فاهمة
سيلا ابتسمت وقالتله بهدوء وخجل وهي بتسحب ايديها 
حصل خير يا مراد انا جعانة جدا علي فكرة
ضحك مراد وقالها وهو بيسحبها وراه ناحية السفرة 
ابتسمت سيلا وقالتله وهي بتدوق الاكل بجوع 
الله بجد اكلك حلو اوي انا متفاجئة انك بتعرف تطبخ 
قعد مراد عالكرسي قدام سيلا وقالها بغرور مصطنع