رواية مكتملة بقلم مياده مأمون الجزء الاول

فاهمه و لا لاه
و ابن ال انا هاعرفه مقامه كويس
طب اهدي عشان خاطري اني خاېفة من نظرة عينك دي
اوعي سيبيني بعدي عني اني مش طايق نفسي و لا طايقك انتي كمان
سيبتها و خرجت نمت علي كنبه بره و بعد حاولي نص ساعه لقيتها جات 
جاية ليه جومي نامي جوة يلا
ماعرفاش انام و انت زعلان مني
انتي بجيتي سبب راحتي و
عذابي في نفس الوقت
اني مرتك حبيبتك يا ديب
اه يا جلب الديب تعالي ليا
تاني يوم صحيت بدري و شديت عليها الغطا و قومت وقفت في الڤرانده 
بفكر في عصام و اللي عمله مع وعد اكيد هو اللي اتجرئ فعلا
و لا يكون هو اللي كان بيروح ليها عند المدرسة لازم أعرف و لو كان هو يبقي حفر قپره بأيده 
حسيت بيها و هي واقفة ورايا بأيدها
صباح الخير يا حبيبي
صباح الفل يا جلب حبيبك صحيتي بدرى ليه 
قلقت لما قومت من جانبي
الله المنظر هنا حلو اوي ايه ده رامي و دينا في البحر تعالي ننزل ليهم 
طيب استني لما اطلب فطار و نفطر و بعدين نبقي ننزل ليهم
لاه نفطر تحت عشان خاطري تعالي ننزل ليهم
طب خلاص ادخلي غيرى هدومك و ننزل ليهم
ايه يا بني انت انتو جاين تقعدو و لا ايه قومو انزلو الماية بسرعه دي جميلة جدا
انت اهبل يلا بقي في
عريس تاني يوم فرحه ياخد عروسته و ينزل البحر
يا عم دي خطوبه ما هو لو كان جواز ماكنتش شوفت وشك دلوقتي
ههههههههه طب الحقها بقي احسن دي دخلت لجوة اوي هي و اختها
يا لهوي البت هاتغرق قبل ما نتجوز استني يا دينا ېخرب بيتك
ههههههههههه الله مالك قاعدة مكشرة كدة ليه يا وعد
عايزة انزل البحر
اتهبلتي اياك
ليه ما كل الناس في البحر اهيه اشمعني احنا يعني
وعد بطلي رغي جولتلك لاء يعني لاء
لا تكون فاكرني مش بعرف أعوم لاه داني بعوم حلو جوي
اټصدمت من كلامها كانت بتعوم فين المخبلة دي و هي عمرها ما شافت بحر و لا خرجت من الكفر اصلا 
و كنتي بتعومي فين بجي انشاء الله يا بت عزوز
في الترعه مع العيال و اني صغيرة
ههههههههههههه
بتضحك عليا اياك
اه بضحك عليكي هي الترعه زي البحر يا مخبلة انتي 
هو يعني ايه الفرق بينهم غير ان البحر اكبر شوية 
برضو لاء يا وعد
يعني لو ماكنتش اني معاك مش كنت هاتنزل المايه مع اصحابك
لاء كنت هانزل طبعا بس شوفتي بقي انا مفضلك عليهم ازاي و قاعد
معاكي
ماردتش عليا و لفت وشها الناحية التانيه بزعل
مش فاهم يعني انتي زعلانة اوي ليه اكدة هيفرق معاكي نزول البحر في ايه يعني
هيفرق معاي عشان اول مرة اجي مكان زي ده و اول مرة اشوف البحر 
وعد جصري في الكلام
مافيش نزول البحر
اوف طيب
رايحه فين يا بت
طالعة اوضتنا انام هاجعد ليه تاني و كمان عشان تبجي براحتك و متربطش نفسك بيا
رفعت حاجبي مذهول من طريقة كلامها و مشيت من قصادي بسرعة قبل ما ارد عليها
جريت وراها و انا بضحك عليها و علي ڠضبها زي الاطفال
خدي اهنه رايحة علي فين انتي مش هاتكبري بجي و تبطلي حركات العيال دي
اه اوعي سيب يدي خلاص مش عايزة منك حاجة
يا صبر ايوب يا بت افهمي بجي ماينفعش اسيبك تنزلي البحر و عيون الرجاله دي كلاتها تبجي عليكي
جولتلك خلاص مش عايزة منك حاجة
طب خلاص ماتزعليش تعالي معاي
هاتوديني فين
امشي و انتي ساكته مش عايزه تنزلي البحر هاوديكي شط خاص و تنزلي فيه براحتك ايكش ټغرقي و اخلص منك بقي
وصلنا بالعربيه اللي أجرتها من الفندق للشاطئ الخاص و كانت فرحانة جدا بجد فرحة طفله صغيرة
وقفت العربيه و قلعت التيشرت بتاعي من عليا و بصتلها و قولتلها
يلا اقلعي و انزلي يا ستي البحر كله تحت أمرك
بصت حواليها شافت عربيات واقفه علي مسافات بعيدة و مش
قريبين من بعض والبحر قصادها كان فعلا فاضي بس اتكسفت 
يلا مستنيه ايه
قاسم
نعم
هو ماينفعش انزل بالفستان
ليه مكسوفه مني اني اياك ما انتي لسه من دقايق بس كان عندك استعداد تنزلي بالمايوة عادي قصاد الشباب
لاه كنت هانزل بفستاني بردك
يا ستي اعتبريني زي جوزك و ماتكسفيش مني
لاه تعالي نروح خلاص معايزاش انزل
لاه بجي هاتنزلي ماني مش لعبة في يدك عمالة تلعبي بيها عايزة ده لاء خلاص مش عايزاه
اني بجي اللي هانزلك البحر بأديا تعالي
نزلت من العربيه و
لفتلها ناحيتها و فتحت الباب 
بتغير عليا يا ديب
هاجولك علي معلومه ماتعرفيهاش عن الذئاب يا وعدي
جول يا حبيبي
تعرفي ان الديب هو الحيوان الوحيد اللي لما بيتجوز الأنثى بتاعته مش بيتجوز غيرها تاني و لما بېموت
مرته مش بتبقي لغيره
امممممم اول مره اسمعها دي ليه بجي
عشان يحافظ علي نسله و عشان اكده الديابة ديما بتعيش في قبايل
بس احنا عمرنا ما هنبقي عايشين في قبايل بعد ما كل اللي لينا راحو 
حبيت ارجع ضحكتها من تاني
جاتك بو يا شيخة بقولك بيحافظ علي نسله مش بينقطع نسله انتي مابتفهميش يا بت انتي 
ههههههه