غمرني بحبه سحر السحرتي الجزء الثالث
انا ليه كنت بتجوز ولو ما كنتش حبيتك ما كنتش اتجوزتك رسمي
لا انت اتجوزتني رسمي عشان ما كنتش هتعرف تتجوزني عرفي
امسكها من ذراعها وقال بعصبيه وڠضب
ايه الكلام الفارغ اللي بتقوليه ده مين حط الافكار دي في مخك
ايه سبب دراعي تاني بتمسكه كده تنكر انك قلت الكلام ده لايناس
انا عمري ما اتكلمت مع ايناس أو غيرها عنك او عن اي واحده اتجوزتها هي اللي قالت لك كده
لا هي ما قالتش كده بس توقعت
توقعتي من ذكائك بتتوقعي وتعملي الحوار ده كله عايزة تتخانقي وخلاص
اه عايزه اټخانق بعد ما عرفت الحقيقه
حقيقة ايه
مين اللي كان بيبعت لي الرسائل ومين ورا الفيديو المنحرف اللي اتفبرك عني و دبسني في الجواز منك
انت شايفة انك ادبستي بجوازك مني
شعر بڠضبها وحزنها فقام باحتضانها وتقبيل راسها
ممكن تهدي انا اسف احكيلي بقى عرفت ايه يمكن يكون عندي تفسير وانت ظلماني
لا مش ظلماك تنكر انك كنت متجوز ايناس
لا هنكر ليه ما انا معرفك اني كنت بتجوز ما ضحكتش عليك
هو انا قلت لك على اسم حد اصلا عشان ابقى ضحكت عليك
لا ما قلتش طب تنكر انك عرفت ان هي اللي كانت بتبعت الرسائل وقلت انه نبيل
سهر وانا بجاوبك قلت مفيش غيره لكن ما قلتش هو شريك مين
يعني ايه هي كانت بتبعتها باتفاق مع نبيل
اه
اه و سايبها تشتغل معاك عادي وتضحك في وشي و عايشة حياتها وحقي ضايع
لا مش هسمع
ليه يا حبيبتي انا حابب احل الخلاف بينا مش حابب يبقى في بينا مشاكل
كريم انا مش قادره اسمع حاجه الصداع هيموتني هعمل قهوه واخد مسكن و بعدين نتكلم ممكن لان مش قادره اتحكم في اعصابي وانا مصدعة وممكن اقول كلام يزعلك
طب خليك انت يا حبيبتي هعملك القهوة
بجد يا كريم
هو ايه اللي بجد
بجد من قلبك بتقولي يا حبيبتي و بتحبني بجد مش شويه وقت بتقضيه معايا و هتسيبني انا دماغي هتتفرتك من التفكير
ارتاحي انت بس و هعمل لك القهوة ونتكلم و هطمن قلبك اللي مغلبني ده
بعد ان اعد لها كوبا من القهوة
هاه يا حبيبتي حاسه بتحسن
اه شويه
لا انا عايزه اطمن لو سمحت
جلس و اجلسها على ساقيه بداخل حضنه وارجع خصلات شعرها خلف اذنها وقبلها قبلة طويلة وتنهد وقال
سهر دي اخر مره هتكلم معاك في موضوع جوازي وما تخلنيش اندم اني حكيتلك وفتحت قلبي وقلت لك على الۏحش في حياتي قبل الحلو
انا اسفه بس كل فترة بتفاجئ بحاجة تخلي مخي يشت
انا هحكيلك حكايه ايناس بس ومش ملزم بعد كده احكيلك على اي واحده ثانيه اتجوزتها
اخذ نفس عميق وبدأ يقص عليها
ايناس اول ما اشتغلت عندي عجبتني فطاردتها وهي كانت رافضة طبعا الجواز العرفي .... بس انا كنت سئ جدا و استغليت ظروفها و احتياجها الفترة دى للفلوس لانها كانت بتمر بأزمة مالية .... وعشان تحلها وافقت وهي مجبرة عمرها ما حست بالسعادة معايا ولا انا بصراحه
ونظر بخجل في الارض
كانت جوازه شهوة من بنت جميله أطلقنا ..... وعشان أكفر عن ذنبي من ناحيتها وعشان ظروفها سبتها تكمل شغل .... وهي بصراحه كانت مخلصه وأمينة .... لغاية لما شفتك و اشتغلتي هي حست اني بحبك
ايه المشكله ليه كانت پتكرهني و خلاها تعمل كده
هي مش بتكرهك هي بتحبك لكن شايله مني لاني اجبرتها على الجواز العرفي ولما جت تتجوز ما قدرتش تتجوز طبيعي طبعا الا بعمليه ترجعها بنت زي ما انت فاهمه
كان ايه المشكله يعني في جوازها
سهر افهمي كان جوزها هيعرف انها كانت على علاقه براجل ثاني ومش هيصدق انه جواز لانه غير موثق
ااااه فهمت برده ايه علاقته بالرسائل والفيديو
الفيديو هي ملهاش علاقه بيه هي بس حبت تبعدك عني فلمحت لنبيل ان عندها على اساسي يهددك بيه و يتجوزك لكن عمرها ما كان في بالها انه يعمل كده
والرسائل
هو بقى اللي لمح لها تنقذك عن طريق الرسائل وممكن يتجوزك عشان ينقذ سمعتك من الڤضيحه
طب ليه ما اخذتش معاها اي اجراء
ايناس ظروفها صعبه وانا حسيت انا قد ايه كنت ندل معاها هي اتضايقت اني اتجوزتك رسمي وعملنا فرح والناس كلها عرفت
لكن اما اتكلمت معاها حسستني انك شويه و هتطلقني وان مراتك هربت منك
هي عرفت اني متجوزك للابد عشان كده حصل جواها شويه حقد لانها ما قدرتش تتجاوز انها غشت جوزها لما خبت عليه أنه مش اول راجل يلمسها بس هي طيبة صدقيني
ازاي عرفت انك انت متجوزني للابد
لاني اشتريت اسهم عمي و كتبتها باسمك رغم رفضك وكنت ناوي اقدمها هديه في عيد جوازنا اللي جاي هتورطني في هديه ثانيه اظن ما فيش حد ناوي يسيب واحده يخليها شريكه معاه في شركته
قبلها بحب انت شريكه حياتي وقلبي و شركتي
وانت ليه ما فهمتنيش كل ده لما سألتك بدل المشكله اللي حصلت بنا
ما كنتش عايز ايناس تنزل من نظرك و تقدري تتعاملي معاها عادي
انا كلمتها النهارده وكانت مصره تكرهني فيك
انا قلت لك ظروفها واللي انا عملته معاها ..... انا فهمت السبب و عذرتها ...... القرار عندك يا تسامحيها يا اما لو تحبي ارفدها و هخلي حد من اصحابي يشغلها عنده لانها فعلا ظروفها صعبه
مش عارفه يا كريم مش قادره افكر واكتر حاجه كمان ضايقتني ان اونكل عبد الله هو اللي كان بيكتب لك العقود العرفي
عبد الله صديق قديم لوالدي ومن بعده كان صديق ليا وعارف كل ظروفي وقبل ما تدخلي المستشفى كنت طلبت ايدك منه و اتناقشت معاه بس تراجعت لما قدمتي استقالتك فكرتك هترجعي ليزن
وهو كان موافق على جوازنا
اه وطلب مني اعترف لك بكل حاجه وانا وعدته فبلاش تلومي عليه
طب انت ليه لما بتتعصب بتمسكني جامد من ذراعي وبحس انك ممكن تضربني
اسف يا سهر انا فعلا عصبي بس بحاول معاكي اتحكم في اعصابي فارجوك سامحيني وانا هتغير ومش هعمل كده تاني وبلاش تخلي الماضي يطاردني ويعمل مشاكل في حياتينا
قبلته بحنيه ودلال
حاضر يا حبيبي بس لو كنت صريح معايا من الاول
لما سالتك كنت وفرت علينا المشاكل دي كلها
انا قلت اسبابي حاولي تقدريها
وقام بحملها بين ذراعيه
هتعمل ايه
اسكتي مش فاتك شويه شرح
ضحكت استنى بس لما تاكل انت لسه ما اتعشيتش
حد يبقى معاه حبيبته ويدور على اكل تعالي عندي كلام كثير
وغرقا في عالم الاحلام في
اليوم التالي ذهبت سهر لمكتب ايناس
هل ستسامحها ام ستجعلها تترك العمل
