عشق رعد

بقي جايبلي مرات رعد الحديدي. اللي ضربها وكان هيموتها. ده لو عرف انها هنا هيطربق المستشفي علي دماغنا كلنا
عدي ماهي دي شطارتك بقي. انك تنبه عليهم محدش ينطق اي حد يسأل عن دخول حالة. مشابهة لحالة همس ينكروا وجودها نهائي
سليم حك شعره بحيرة وقلق. واتنهد بس تعرف. بردوا خسارة فيه
عدي امشي من قدامي يا سليم بدل ما انفخك. استني. هي همس هتفوق امتي
سليم لا الموزة دي مش هتفوق قبل الفجر. دي واخدة علقة مۏت غير البنج.
عدي انا داخلها. ولو قولت موزة دي تاني. انا اللي هكلم رعد بنفسي. وهو ماشي زغده. آل دكتور آل ده انت سباك
سليم مشي وراح مكتبه. ولف وبص علي عدي. بردوا موزة.
في اوضة همس
عدي دخل لهنا لقاها قاعدة جنب همس وبتعيط. راح ايديها واخدها وقعدها جنبه. ممكن تبطلي عياط كفايه يا روحي انتي مبطلتيش عياط من الصبح
هنا مش قادرة يا عدي. وبصت علي همس. شايف ايه اللي جرالها دي اتبهدلت خالص
عدي اتنهد. معلش كلها چروح وكدمات وان شاء الله هتخف وتبقي كويسة.
هنا يارب
عدي ملس علي شعرها. حبيبتي تحبي اروحك وابقي ارجع لهمس. شكلك تعبان انتي محتاجة تنامي
هنا لا طبعا مقدرش اسيبها لوحدها. انا هفضل معاها لحد لما تفوق وتخرج من هنا كمان
عدي يا حبيبتي. سليم بيقول انها مش هتفوق قبل الفجر
هنا مش مهم. انا هفضل هنا
عدي طيب ايه رأيك ننام انا وانتي هنا علي السرير ده انا كمان ظهري واجعني جدا محتاج افردوا شوية
هنا بقلق. سلامتك يا حبيبي
عدي ابتسم. يا ايه
هنا احمم. وبعدين هو احنا في ايه ولا في ايه
عدي منها. وحياتي لتقوليها تاني
هنا ابتسمت عدي
عدي عيونه
هنا انت مفيش فايدة فيك. تعالي ننام
عدي بس خلي بالك السرير ده صغير يعني هتفضلي في طول الوقت حتي مش هتتقلبي
هنازغدته في كتفه. تقصد ايه احترم نفسك احنا في مستشفي
عدي هههههه وانا قولت ايه بس انا بس بنبهك. لحسن عقلك يوزك علي حاجة كدة ولا كدة. اه اصل انا بخاف علي نفسي من الفتنه
هنا هههه مش بقولك فايق ورايق. خلاص روح انت نام لوحك علي السرير وانا هنام هنا علي الكنبة دي
عدي قام معاه لا يا حلوة ده انا مصدقت تقوليلي انام لوحدي. تعالي
في ڤيلا الحديدي.
توفيق يعني ايه مش لاقينها ازي انت شكلك كبرت وخرفت يا امين
امين يا باشا. حضرتك اصلا مقولتش نراقبها. واول ما طلبت كدة اتحركنا بسرعة. ده حتي رعد نفسه بيدور عليها ومش لاقيها
مها بخنقة.
زينب بټعيط
مها ما تسكتي بقي كاتك الارف
زينب اسكت ازاي بس يا هانم. احنا متفقناش علي كدة. انتي مقولتيش ان الحكاية فيها ابراهيم. ولو همس قالتله الحقيقة انا كمان انا خاېفة اوي
مها بقولك ايه انتي لازم تختفي اليومين اللي جاين دول في اي حته. لحد لما نشوف رعد هيعمل ايه وكمان نلاقي ست زفته همس دي
زينب استخبي فين بس
مها ايه ملكيش اهل اقارب اي حته بعيد عن رعد اليومين دول
زينب اه انا ممكن اخد امي ونروح عند خالي في كفر الشيخ ونستخبي هناك شوية
مها طيب روحي بسرعة
زينب حاضر يا هانم
توفيق استني عندك. عارفة لو مخلوق عرف اللي حصل انا اللي فاهمة
زينب فاهمة يا باشا ربنا يستر ويعمي عين رعد بيه عني
وفي الصباح. في المستشفي في اوضة همس
همس فاقت ولقت عدي وهنا قاعدين معاها
هنا ابتسمت. حمد لله علي سلامتك يا هموسة
همس بوهن. الله يسلمك
عدي حمد لله علي السلامة
همس الله يسلمك. انا بجد يا عدي مش عارفة اشكرك ازاي لولاك انت وهنا كنت مۏت انا وولادي الاتنين. وعيطت. بس الحمد لله علي كل حال واحد راح والتاني لسة معايا
عدي همس انا عارف انك لسة تعبانة واللي حصل مكنش سهل. بس انا لازم اعرف الحقيقة
عدي اهدي يا همس علشان خاطري. انتي تعبانة. ومتقلقيش انا مش هسيبك. وهفضل جنبك انا وهنا. احنا اخواتك مش كدة ولا ايه. ولا انتي بقي مش بتعبريني اخوكي
همس ازاي بس. انت اخويا طبعا. وهنا اختي ربنا يخليكوا ليا. انا مش عارفة من غيركم كنت حصلي ايه
هنا حاطت ايديها علي كتف عدي ومالت علي همس. مفيش الكلام ده بين الاخوات. احنا معاكي لحد ما رعد يعرف الحقيقة
عدي علشان كانت
قريبة منه. وابتسم. صح كدة يا مزتي
هنا ضړبته في كتفه. انت علي طول بتستغل المواقف كدة
عدي هههههههه. طيب بذمتك يا همس مش لازم استغل الموقف
همس ابتسمت بوهن. طبعا والا متبقاش عدي
عدي كدة حتي انتي ماشي. وقام اسيبكم انا بقي علشان اروح البيت اغير واروح الشركة. اكيد طبعا رعد مش هيروح. وكمان اشوف هعمل ايه في موضوع. الزفتة زينب دي
همس عدي. ارجوك خلي بالك من رعد
عدي ابتسم. متقلقيش ان شاء الله خير. رعد شديد. مش سهل ينكسر. ولف لهنا. هتيجي معايا يا هنون
هنا لا مقدرش اسيب همس
عدي طيب حتي تعالي خدي حمام وغيري هدومك. وكمان تجيبي حاجات ليكي ولهمس همس معهاش اي هدوم
هنا اه صحيح. طيب بصي يا
هموسة انا هروح مع عدي وهجبلك كل حاجة ممكن تحتاجيها ومش هتأخر
همس روحي متشليش همي. انا هبقي كويسة
وخرج عدي وهنا وسليم شافهم وراح لهمس اوضتها
سليم بإبتسمة كلها اعجاب واضح. حمد لله علي سلامة القمر بتاعنا
همس عقدت حاجبها. مين حضرتك
سليم الكرسي من سرير همس وقعد قصادها. ليكي حق متعرفنيش. انتي امبارح كنتي في دنيا تانية خالص. انا يا سيتي ابقي دكتور سليم صاحب المستشفي. وكمان صاحب عدي. وانا كنت معاكي في العمليات مسيبتكيش لحظة لحد لما جيتي هنا
همس هو حضرتك اللي عملتلي العملية.
سليم لا انا مش تخصص نساء. دكتورة نهي هي اللي عملتلك العمليه.
همس اومال حضرتك تخصصك ايه
سليم وهو بيبص في عنيها بهيام. قلب انا تخصص قلب. بداوي القلوب
بس يا خسارة قلبي تعبان ومش لاقي اللي يداويه
همس قلقت من طريقته. احمم. الف سلامة عليك
سليم في نفسه. يخربيت حلاوة عنيكي يا شيخة هو في كدة. احمم قوليلي انتي ايه اللي عمل فيكي كدة
همس اتضايقت. لو سامحت مش عايزة اتكلم في الموضوع ده
سليم امممم. علي فكرة عدي قالي ان جوزك هو. اللي عمل فيكي كدة. ولو عايزة تقرير بحالتك اللي وصلتي بيها انا ممكن اعملهولك
همس وانا هعمل بيه ايه
سليم يعني لو انتي عايزة تطلقي منه ومحتاجة التقرير يثبت انه غير مؤتمن عليكي
همس اتنفضت. لا لا انت بتقول ايه لا طبعا انا مش هعمل كدة
سليم اتنهد. هو انتي لسة باقية عليه بعد اللي عمله فيكي. انتي كنتي ھتموتي.
همس لو سمحت انت متعرفش حاجة فاياريت متتكلمش
سليم تمام برحتك. بس قوليلي هما كل اللي بيضربوا بيبقوا حلوين كدة
همس اتكسفت. وبصت في الارض
سليم يا لهوي دي بتتكسف. الله يخربيتك يا رعد حد يعمل كدة في حته الشيكولاتة دي دي عسل وعليها رقة
همس احمم. هو حضرتك بتبصلي كدة ليه
سليم هاه. لا ابدا. اصلك سبحان الله مع كل الكدمات اللي في وشك. انما جميلة جميلة جدا. هو شعرك ده طبيعي ولا تركيب
همس حطت ايديها علي شعرها افتكرت انها من غير حجاب. لفت شعرها للجنب. احمم انا اصلا محجبة بس هنا هتجبلي هدوم وحجاب وهي جاية
سليم احمم اسف. مكنتش اقصد اضايقك معلش انا كدة عيشري وباخد علي المړضي بتوعي بسرعة. وبصراحة شعرك تعبانا جدا امبارح في العمليات علشان نغطيه. اصله طويل جدا. علشان كدة سألتك هو طبيعي ولا لا
همس بخجل. لا طبيعي.
سليم كمان. منك لله يا رعد. اااه وربنا هو بس يطلقها والله ما انا عتقها
همس هو انا ممكن
اعرف حاجة
سليم اؤمري
همس احمم. كنت يعني عايزة اعرف انا لما جيت امبارح كنت اا. كنت...
سليم مالك قلقانة من ايه. اتكلمي
همس لا خلاص هسأل الدكتورة اللي عملتلي العملية
والباب اتفتح ودخلت دكتورة نهي
نهي بإبتسامة صباح الخير. عاملة ايه النهاردة
همس ابتسمت. الحمد لله احسن. هو حضرتك اللي عملتيلي العملية
نهي ايوة يا سيتي. انا اللي وقعتي
قلبها في رجليها. من الړعب. انتي حالتك كانت صعب جدا
سليم اهي يا سيتي دكتورة نهي بنفسها جاتلك. اسأليها بقي علي اللي انتي عايزاه. اسيبكم انا. هجيلك تاني يا همس علشان اطمن عليكي وخرج سليم.
نهي هاه يا سيتي عايزة تسألي علي ايه
همس هو انا ممكن اعرف. احمم يعني اذا كنت يعني حد ولاحاجة فاهمة حضرتك
نهي ايوة. تقصدي حصل علاقة ولا لا
همس ايوة بالظبط كدة
نهي تمام دي سهلة انا هعمل الازم واطمنك
وفعلا نهي واخدت همس وعملتلها
الكشف المطلوة واخدت عينة منها واتحللت. وكانت النتيجة. ان الحمد لله ماكنش في اي اثر لإقامة علاقة
همس الحمد لله يا هنا ده انا كنت ھموت لو إبراهيم كان عمل فيا حاجة.
هنا الحمد لله. ربنا كريم وان شاء الله قريب الحقيقة تبان.
همس يارب يارب. انت عالم اني مغلطتش. يارب. ريح قلبه ده تلاقيه مجروح قوي
في شركة رعد وفي مكتب رعد
عدي دخل لرعد واستغرب. انا مصدقتش لما قالولي انك هنا انت جيت ليه النهاردة
رعد بجمود. اومال عايزني اكون فين اقعد اعيط واندب حظي اللي وقعني في واحدة متستهلش انها تكون خادمة عندي. انسي انا همحيها من حياتي نهائي. ووعد اول لما الاقيها. همحيها من الدنيا بحالها
عدي رعد. متبقاش قاسې همس اكيد مظلومة. انا شاكك ان الحكاية وراها لعبة كبيرة
رعد ولا لعبة ولا زفت.. كنت منتظر ايه من واحدة. كانت جاية تأجر حتة منها. بس للأسف حبي ليها وقتها مخلنيش اشوف حقيقتها. وانخدعت فيها
عديرعد متخليش غضبك يخليك تقول حاجة ټندم عليها بعدين
رعد قعد علي كرسيه. وبحزم. عدي خلينا نشوف شغلنا. ويا ريت متتكلمش معايا في الموضوع ده تاني. مش عايز اسمع اسمها مفهوم
عدي اتنهد پألم علي صاحبه وحاله. مفهوم. عن اذنك. وخرج عدي
رعد كان مخڼوق. وفك الكراڤات بتاعته. ورماها ومسح وشه وشعره پغضب. ليه ليه مش عارف اكرهك ليه. ليه لسة.... لسة بتوحشيني ليه عايز اشوفك ليه. وخبط المكتب بإيده پغضب.
في مكتب عدي
عدي فهمت يا مروان. رعد ميعرفش حاجة
مروان تحت امرك هدور عليها واجيبها. لو في بطن امها هجيبها. ومتخفش رعد بيه مش هيعرف حاجة
انا كمان عايز ابرأ مدام همس. انا متأكد انها مش ممكن تعمل كدة. انا كنت خاېف لما قالي احفر قبر. كنت متأكد انه ليها.
عدي الحمد لله ربنا ستر. المهم انا عايز زينب في وقت
مروان تمام. اعتمد عليا.
الحلقة ٣٣
وعدي اسبوع علي وجود همس في المستشفي. وهنا معاها بإستمرار. وعدي كان بيخلص شغله ويروحلهم. كل يوم. وطبعا رعد سأل عدي عن غياب هنا. وعدي قالوا انها تعبانة وزعلانة علي غياب همس ومش قادرة تنزل الشغل وعدي ومروان كانوا