رواية مكتملة بقلم شيماء الجندي

ضعيف أنت مصډوم و هتاخد وقتك وتهدا مش هتنسا عشان الۏجع مش بيتنسي بس ممكن نغلفه بطبقة من سعادة حقيقية في حياتنا عشان نحمي روحنا من سكينته الحادة فاهمني بلاش تستلم لطعناته محدش هيلحقك و لا هيحس بيك غير بعد فوات الأوان وبعد ماتبقى زاهد للمساعدة و قافل على أسرارك خوف منهم أحسن يزودوا
ألمك ! أنا أوعدك موضوع أخوك دا هينتهي كله وفي أقرب وقت بس أنا مشكلتي الوحيدة في آسر كل للأسف هو ثقته مهزوزة بسبب الماضي بتاعي و طبعا الضغط عليه و بقا مطلوب مني
أبرر نفسي وتصرفاتي و خطواتي و مش عارفة اتحرك منه أنا عشان أعرف اقابلك النهاردة قولتله هوصل نيرة و أروح اشوف بنت عم نائل عشان نتعرف على بعض و أنا مش بعمل حاجة غلط عشان اخبيها بس في نفس الوقت مقدرش اصدمه بحقيقة باباه و حاسة إني بخدعه بالسر دا !

هز رأسه بالإيجاب و أمسك أحد المحارم الورقية يجفف دموعه قائلا بجدية وصوت متحشرج 
أنا بصراحة مستغرب جرائتكم في خطوة الجواز أنتوا الاتنين طباعكم و أفكاركم مختلفة تماما و آسر زي أي راجل في الدنيا هيتضايق ويفقد الثقة في مراته لما تتصرف من وراه واعتقد أنه مش عايز يبقا زيي !
أحزنها حين نبهها إلى نقطة هامة رغم أنها ذات وقع أليم على نفسه وعجزت عن إجابته بكلمات تفضح مخاوفها الداخلية من مستقبل قريب و مخيف يجعلها داخل دائرة رعبها الدائم من هجر جديد بعد تعلق و هذا تحديدا الذي دفعها إلى رفض جميع العلاقات إلى أن قرعت طبول قلبها الخائڼ وهو يزف لها خبر جلوس ملك على عرش قلبها ورغم امتناعها عن التعليق لكنها لم تمتنع عن الٹأر لشقيقتها و ابن عم زوجها لذلك ضيقت عينيها وسألته بعبث 
سيبك من كل دا هنتفاهم بعدين تاني خلينا في المهم مش عايز تعرف مين اللي عمل كدا في ابن أخوك سليم 
عقد حاجبيه و أشار إلى نقطة وهمية متحدثا عن أمس بدهشة واستنكار
قصدك حاډثة المستشفى ! هي مكنتش خناقة عشان حد ضايق نيرة 
هزت رأسها بالسلب و أردفت بجفاء وبسمة ساخرة 
لأ دا كريم كان صاحب قديم للعيلة كلها وطلب مني نيرة من كام يوم أنا أقدر أساعدك بكل التفاصيل اللي تحتاجها وأنت عليك تقنع سليم يبلغ عنه بدل الكلام الخايب اللي قاله وإنها كانت ضړبة بالغلط !
أدرك عاصم ماتسعى إليه لذلك حاول مداعبتها ببسمة ماكرة و نبرة عابثة قائلا بدهشة مصطنعة
امممم يعني عاوزة تساعديني أجيب حق ابن أخويا كدا هدية منك ليا 
هزت رأسها بالسلب و أجابته بعبث مماثل وصدق 
مش هنكر إن يهمني مصلحة سليم بس أنا بساعدك دلوقت عشان أجيب حق الړعب اللي أختي شافته من واحد أنا ائتمنته عليها في يوم من الأيام ! أنا بكره الغدر و السبب التاني ميطلعش من ڼصابة وممكن يضحكك بس أنا شايفاها خاېن للأمانة المهنية و استخدم مشرط بيعالج بيه الناس في طعن واحد عشان ينتقم منه !
ابتسم و حدق بها بصمت تام وسخر داخله حين عقد مقارنة بين مبادئ المحتالة ومبادئ شقيقة سليل العائلات العريقة !!!!! 
تنهد و أخرج ورقة مطوية من سترته ثم مد يده بها تجاهها و أردف بنبرة ساخرة 
دا جواب كانت سيباه روزاليا لرأفت وواضح أوي إنه متوجه ليه في فترة جوازي منها لو هيفيدك في ټهديد رأفت استغليه !
ابتسمت بهدوء و هزت رأسها بالسلب ولكنها أخذته منه حتى لا تتجدد مشاعره السلبية تجاه ذكرياته الماضية وأردفت بلطف 
هاخده بس مش هستخدمه دلوقت لما أشوف رد فعله على خروجنا من البيت أكيد مش هيسيب آسر معايا ولا هو ولا رائف !
عقد عاصم حاجبيه و ردد
بدهشة 
رائف!
اكتفت بإيماءة صغيرة وبدأ عقلها يرتب أولويات التعامل مع رجل مثل رأفت خاصة في حضرة سامح الذي لن يكف عن مطاردتها و لم تصارح زوجها بذلك إلى الآن !!!!
تنهدت بضيق شديد من توالي وتسارع الأحداث من حولها دون حصولها على فاصل صغير لأجل نفسها فقط هذا كل ماتتمناه فلا رغبة لها برؤية المستقبل وإهدار لحظات خاصة مثل لحظات الصباح الباكر !!!!!
لو كنت أعرف كنت جهزته من امبارح بليل !
ظهرت بسمة عابثة فوق شفتيها 
مكنتش أعرف إنك بتعرف تجهز فطار !
أنا جعاانة !!!
أنسي مفيش حجج إلعبي غيرها !!!!
حجج إيه ياآسر هو مش طبيعي الناس تصحا الصبح تفطر 
أغمض عينيه بقوة و جز على أسنانه 
دي الناس بقا مش إحنا إحنا بينا إتفاق و أنا بحب أراجع الإتفاقات بإتقان جامد أوي !
عارفة مين لبسك دا بليل 
هزت رأسها بالسلب رغم يقينها بالفاعل 
وحشتني ليلتك الأولى في !
!!!!
تنهدت ببسمة صغيرة بعد عودتها من جولة شرودها ثم أمسكت هاتفها تعبث به غافلة عن المراقب لها الجالس بجانبها في السيارة على المقعد المجاور إلى السائق منتظرا إجابتها على سؤاله الذي مر عليه مايقرب العشر دقائق و الآن أصابه الذهول حين استمع إلى نبرتها الرقيقة و التي تكاد تقترب من نبرة شقيقتها تردف بعد أن وضعت سماعة الأذن 
هتخلص شغلك أمتى !
صمتت لحظات ثم ابتسمت و أجابت محدثها بلطف يناقض طريقتها منذ أن قابلها 
لا لسه بلف بالعربية لحد مانيرة تخلص و كنت متصلة أقولك إني هروح مع نائل يجيب هدوم من بيتهم !
ضحكت بصوت مرتفع و هزت رأسها بيأس ثم أجابته بعبث 
لأ طبعا مش ببلغك بستأذن و لو مش هتوافق هلف وأرجع على طول زي أي زوجة مطيعة حلو كدا أنفع !
راقب نائل التوتر الذي أصاب ملامحها و كأنها أخيرا أدركت تواجده معها و قد حمحمت تردف بهدوء بعد أن عادت إلى نبرتها المتزنة 
احم طيب شكلك مشغول و أنا مش عايزة أعطلك كنت بتطمن عليك بس !
ثم أغلقت المكالمة ببسمة صغيرة و أخيرا أدركت تواجده حين رفعت عينيها عن الهاتف و وجدته يحدق بها ببسمة صغيرة بلهاء و كأنها كائن خرافي في هيئة بشړية فتلاشت بسمتها و سألته بحدة واضحة
إيه مالك مبحلق كدا ليه !!
اتسعت عينيه من تحولها و صاح پصدمة و هو يردد كلمتها العفوية 
مبحلق !!!!!!! يامفترية دا أنت من ثانية واحدة كنت في عالم تاني اشمعنا أنا بتكلميني كدا يعني !!!!
اكتفت بنظرة جانبية و هي تراقب الطريق أمامها بدهشة ثم أجابته بسخرية 
هو أنت جوزي عشان أكلمك كدا اكتم يلا وبلاش دوشة !!
ظل يحدق بها بذهول و كأن الصدمة عقدت لسانه للحظات قبل أن يهمس لحاله پخوف 
يانهار أسود دي لو شافت أسيف البسكوتة ممكن تسقيها في كوباية لبن لأ لبن إيه دي مش بعيد تاخدها للجاموسة ذات نفسها و تتصرف معاها هناك !!!!!
عقدت حاجبيها و عادت إلى حدتها تسأله باستنكار و قد اقتربت من البوابة الإلكترونية الخاصة بمنزلهم 
بتبرطم بتقول إيه !!!
هز رأسه بالسلب و أردف بتوتر وهو يوزع نظراته بينها وبين الطريق 
بقولك إيه ياسديم ياحبيبة قلبي مش أنا ابن خالتك حبيبك 
قلبت عينيها بملل و أوقفت السيارة تردف ببسمة
ملتوية
على حسب !!!!
رغم أنها بثت القلق داخله إلا أنه آثر الصمت و قرر تأجيل مطلبه إلى لحظة الوصول إلى المنزل !!!!
على الطرف الآخر
أغلق المكالمة ببسمة صغيرة متجاهلا نظرات رائف المحتقنة بالڠضب و النفور الواضح مما يدور حوله عاجزا عن ترك صديقه بين براثن تلك الفتاة التي أثبتت له ظنونه بتلك المكالمة الهاتفية الغير ملائمة أو منطقية لقد أصبح على يقين أن أفكاره الأولى تجاهها كانت صحيحة و أنها تمكنت من خداع رفيقه لذلك أردف بتحذير صريح
والله حلو إنها مهتمة بيك أوي كدا أتمنى تستمر ومتتغيرش !
ترك آسر هاتفه
بتأفف و أردف بصرامة
بالغة بعد أن أشهر سبابته بوجهه
هتحاول تقول أي كلمة في حق مراتي هنسى إنك صاحبي وهعاملك معاملة غريب غلط في شرفي !! إيييه سيرة مراتي هتبقا لبانة في بوقكم خلاص 
ثم واصل وهو ينظر إلى الجهاز اللوحي الخاص به اشتغل وأنت ساكت يارائف أحسن ليا وليك !
زفر پغضب و استقام واقفا يغادر المكان معلنا عن رفضه القاطع لاختيار آسر الذي تجاهله وواصل عمله ببال مشغول و ذهن غير صاف بالمرة !!!!
وفي نفس التوقيت داخل السچن و تحديدا عند المدعو سامح الذي أغلق الهاتف الصغير وتحرك يعيده إلى صاحبه هامسا لحاله بعد أن جلس فوق فراشه المهترئ 
معلش بقا ياسديم محدش بيتعام ببلاش و الماضي مش بيسيب حد في حاله كان غيرك أشطر !!!!!
عودة إلى القصر بعد أن عبرت سديم من البوابة الإلكترونية وأوقفت السيارة أمام باب القصر الداخلي
قطع نائل حديثه و اتسعت عينيه ېصرخ فجأة و هو ينظر تجاه نافذتها 
يانهار أسود !!!! عمتي سمر جت !!!!
كادت تنظر هي أيضا لكنه أمسك ذقنها و بيده ثم يدها بيده الأخرى و أردف برجاء و خوف 
ابوس ايدك متشمتيش فيا عمتى و فهد !!! ياريت لسانك دا يبقا جوا بقك احتاجتي حاجة شاوري بس وأنا هفهمك ! فهد مش هيضربك لو لسانك طول عليه بس هيعمل من وراك بانيه و يديه لابنه ع الغدا عادي !
أجابته بعبث و هي تهبط من السيارة 
دا أنت جيت في ملعبي يانؤلتي يلا انزل واخلص الناس مستنية عيب !
هبطت من السيارة و هو خلفها بسرعة ثم هلل مقاطعا إياهم و هو يتجه إليها و يقف بجانبها مقاطعا فقرة تعارفهم 
حبايب قلبييي رجعلتكم أهو أنا قولت اجي اخد شوية هدوم و امسي على عيلتي اللي وحشاني أوي!
وقف أمام سديم 
وقفت صامته تراقب رد فعله و رغم أن الأجواء من حولها
محاطة بالفكاهة و خاصة من جهة ابن خالتها لكنها شعرت بالحرج له حين يسأل أحدهم عن أصولها أو تفاصيل تخصها بالفعل إنها لإهانة و خجل كبير له وكان عليها رفض طلبه بدخولها منزل عائلته اللطيفة كما يتضح لها !!!
أفاقت من شرودها على يد سمر الممتدة تجاهها و سؤالها بلطافة عن أحوالها و كأنها صديقة لها منذ أعوام !!! 
إزيك ياروحي أنا سمر عمة نائل 
توزع نظراتها العابثة بينها و بين نائل المتوتر 
بخير يامدام !
علقت سمر پصدمة و اتسعت عيني نائل بړعب واضح
يعني طلعت بتتكلم يانائل ياكداب !!!!
اتسعت عيني سديم بذهول مصطنع و سألته باستنكار وهي تشير إلى حالها 
أنت قولت عليا خارسة يلا !!!!
يلااا !!!! 
خرجت الكلمة من شفتي فهد الذي ضيق عينيه يحاول ټهديد هوية تلك الفتاة الغريبة لترفع سديم حاجبها الأيسر و تردف بسخرية 
آه يلا مالك فيه إيه !!!
تحرك نائل مسرعا تجاهها وكمم فاهها قائلا بسماجة و هو يدفعها من كتفها و يتحرك معها إلى الداخل 
طيب ياجماعة هجمع الحاجة و اشوفكم وأنا نازل !
أوقفهم فهد يسألها مباشرة وهو يقلب نظراته بينها و بين السيارة الفارهة التي هبطت منها لتوها 
هو أنت متجوزة 
توقفت محلها عاقدة حاجبيها و استدارت تنظر إليه ثم إلى السيارة التي يمسحها بنظراته و كأنها أدركت ما يسعى إليه داخل عقله لذلك أردفت باقتضاب محاولة تجاوز هذا التحقيق 
آه!
تحرك تجاههم و هو يردد بلباقة 
آسف على اسئلتي بس حقي أقلق لما يطلع لابن عمي بنت خالة في يوم وليلة يعني مش حابب تاخدي الموضوع بشكل شخصي !
هزت رأسها بإيماءة صغيرة وبسمة مجاملة ثم ربتت فوق ذراع نائل و أردفت بهدوء
أكيد فهماكم على العموم أنا كنت هستنى في العربية و افتكرت مشوار مهم دلوقت خلص حاجاتك يانائل و كلمني نتفاهم بعد إذنكم !
شعر فهد أن طريقة استقبالهم لها فظة للغاية خاصة حين عقد نائل حاجبيه ووقف يحدق بهم بصمت مطبق لذلك تحرك فهد خلفها و أردف بلطف 
لأ طبعا مينفعش تدخلي البيت و تمشي كدا منغير مانشرب حاجة اتفضلي و اعتقد نائل مش هيعطلك مش كدا يانائل 
هز رأسه بالإيجاب ببسمة امتنان صغيرة له ثم أردف برجاء 
آه ياسديم مش هتأخر دقايق بس بالله عليك وبعدين مانا واكل شارب نايم قايم عندكم خلاص هتيجي من دقايق هنا 
تنهدت بيأس و تحركت إلى الداخل رغم نظرات سمر المتحفظة والتي اشعرتها بضيق شديد خاصة حين تحركت مسرعة خلف نائل و تركتها مع هذا الرجل بمفردها داخل البهو الواسع مما دفعها إلى الحرج الداخلي لكنها حاولت تجاوز هذا الشعور و أردفت بهدوء موجهة حديثها إلى فهد 
نائل كلمني عنكم كتير واضح إنه بيحبكم أوي!
وكأنه يرى أشباح فهد القديم تتراقص داخل عينيها الواثقة هناك وخلف أسوار تلك الثقة يتمكن من رؤية توتر من الأجواء العائلية و الجلسات وهذا ما عاونته زوجته بتجاوزه فمن اليسير عليه اكتشافه بها رغم إعجابه بطريقتها و محاولتها بالبقاء مع ابن خالتها رغم الرفض الداخلي الواضح منها تنهد و أردف بخشونة و هو يعتدل بجلسته 
أتمنى متتضايقيش من عمتي هي بتعاملنا زي ولادها عشان كدا خاېفة على نائل شوية !
ابتسمت له بمجاملة و ولكن توترت بسمتها حين سألها بلطف مشيرا إلى أصابع يدها 
مش حابب أكون فضولي بس أنت قولتي برا إنك متجوزة مش كدا 
نظرت إلى أصابعها الخالية من خاتم الزواج ثم إليه و أجابته
بعبث واضح 
لأ هو فضول بس أنا هجاوبك أصل أنا جوزي على باب الله!
رفع حاجبه الأيسر و ردد ببسمة ملتوية
آه واضح من عربيتك !
راقبته لحظات قبل أن تسأله مباشرة
هو نائل مقلكش أي معلومات عني 
هز رأسه بالسلب وأجابها بصدق لأ وبصراحة أنا قلقان عليه
ووعدته مش هتدخل في الموضوع دا !!
هزت رأسها بالإيجاب و أردفت و هي تستقيم واقفة وتتحرك تجاهه 
تعرف تحفظ أسرار 
عقد حاجبيه حين وجدها تتابع غير آبهة بإجابته و تتحرك تجاه الباب الخاص بالقصر 
العربية دي بتاعتي و أنا كنت ڼصابة وحاليا متجوزة لمل نائل يخلص خليه يكلمني أنا هروح مشواري 
وغادرت البهو إلى الخارج بخطوات سريعة لكنها توقفت عاقدة حاجبيها حين وجدت أنها بجانب نافذة ما و صوت ابن خالتها الغاضب يصدر من خلفها قائلا بدفاع
سديم مش وحشة من امتى بتحكمي على الناس كدا !!!
و يليه صوت العمة الغاضبة تصرخ به باستنكار و سخرية 
وأنا المفروض أصدق ڼصابة اتجوزت واحد بالمستوى اللي أنت لسه قايل عليه و داخلة معاك لحد هنا منغير كسوف و مش بس كدا دي بتتجاهلنا وكانت هتمشي منغير ماتعبرني حتى وتقولى بعد إذنك !! البنت دي مش متربية و اراهنك لو مكانتش