خديجة -2

فرحتك ناقصه يا ديجا 
يا قلب ديجا انا مبسوطه والله عمري ما اتبسطت قد دلوقتي وانا مع الشخص اللي عشت سنين اتمناه وفي خطوبه اغلي واحده علي قلبي .
هنشوف موضوع موضوع الانبساط ده بعد ماخلص الليله دي عشان انتي مش مطمناني 
ضحكت وقولتلها يا شيخه اتهدي وروحي اقعدي جمب عريسك وسبيني اروح للراجل بدل ما يطلقني .
ضحكت ورجعتله اتأخرت عليك 
لا بس ايه كل الاحضان دي كلها
دي هاجر نصي الحلو و صحبتي من اعدادي كانت معايا وقت اما الدنيا كلها سابتني 
ضحك شامم ريحة تلقيح 
ضحكت من قلبي 
راح كمل وقايلي_ ما تيجي نرقص زي اللي بيرقصو دول 
بجد انت بتتكلم جد 
ايوه يا بنتي فيها ايه 
ابتسمت بفرحه يلااا اكيد 
كان شغال وقتها اغنيه واعمل ايه لحماقي ضحكنا ونسينا الدنيا وبدئنا نرقص ويلففني وحقيقي كان من اسعد اللحظات اللي عشناها سوا وضحكتي مكانتش مفارقاني وغنيت مع الاغنيه وبأعلي صوتي وانا باصه في عيونه قولت 
_ ده بكلمه منه بنسي الدنيا كلها ده عشان عيونه مستعد اهدها 
كمل وهو بيضحك اول ما شوفته وابتسم قلبي انتهي ده عيونه تسحر والبلاد تتفاتلها 
كنت بضحك اللي هو انا اول مره اشوف نفسي مبهجه كده فضلنا نرقص مع هاجر واحمد ومروان هو اللي فرفشهم وبقي بيرقصهم اكنه واحد منهم وده فرحني اكتر من اسعد ليالي قلبي حرفيا .
بعد ما خرجنا من الفرح صممت اننا نتمشي شويه ومن غير العربيه كنا بليل اوي والشوارع هاديه مفيش غير صوت اغاني بسيط جاي من بعيد بيقول _ واحنا اتقابلنا وجة اوآنا شوفتك بقلبي اللي اتمنى وريتني ايام الجنه ومليت بحبك اوقاتي حلم حياتي 
كنا بنتمايل ونرقص عليها في نص الشارع مستغلين الفضا والهدوء اللي حوالينا عيوني وعيونه كانو قادرين يقولو كلام كتير مكتوم في قلوبنا كان شكلنا الطف مما تتخيلو كان بجد وكلام الاغنيه كان ينطبق علينا .
خلصنا وفضلنا نبص لبعض ونضحك لغايه اما جيت اتحرك كعب الهيليز اتكسر مره واحده 
لالالا مش وقتك 
لقيت اللي شالني مره واحده يالهووي انت بتعمل ايه
ايه اسيبك تمشي تعرجي 
نزلني يا مروان 
ضحك ايه مراتي 
ضحكت وفضلت بتأمل ملامحه وهو ماشي بيا كنت متبته فيه وسانده راسي علي كتفه ومركزه في كل تفاصيله مكنتش اعرف انه يمكن اكون بشبع منه .
روحنا وكانت بالنسبالي الطف ليله في العمر وكل واحد دخل علي اوضته ونام .
الصبح صحيت متأخر لكن مكنش لسه صحي وفضلت علي الوضع ده بتاع ساعتين لغايه اما زهقت وقومت اشوفه ايه النوم ده كله بس الصدمه اني لقيته مرمي علي الارض ولونه مخطۏف ونفسه مقطوع وجسمه متلج حتي دقات قلبه مسمعتهاش كان شكله اصعب من المره الاولي حاله هستيريه تملكتني من الصړيخ والعياط لما حاولت افوقه ولكن المرادي مفاقش !!!!!!!
كلمت طنط وقولتلها وانا پصرخ وطلبت منها تجيب دكتور وتيجي وانا فضلت جمبه اصړخ واهز جامد فيه مروان قوووم مش هقدر يا مروان ھموت يا مروان من غيرك قوم عشان خاطري يا مروان مروان انا خاېفه مبطمنش غير بوجودك قوووم هتسبني تاني للدنيا تلطش فيا دانا ما صدقت الدنيا تراضيني بيك قوم عشان خاطري متكسرنيش يا مروان متكسرنيش بعد ما بقيت ضهري وحمايتي في على الدنيا وعدتني مش هتمشي ارجوك متمشيش
اخر جمله قولتها وانا ماسكه ايده وانا ببكي من قلبي وبصوت مهزوز من كتر الۏجع اللي فيه بابا انا خاېفه متسبنيش 
شويه ومامته جت وهي بټعيط والدكتور معاها وكشف عليه وبعدين قام كده وقال للاسف ...!!
.....يتبع 
Nada Shokry