هنا وحاتم -1

ېقتلني يمكن كان اداني فرصه ابرر موقفي الوقت خلى الغل ملا قلبو و بقى سور مابينا صعب يتهد
امال بحزن معاك حق يا بني انا لما وافقتك انك تمشي في الاول فده لان اخوك كانت حالتو متسمحلوش يشوفك بس دلوقتي وجودك بقى بيجرحك انا امبارح حسيت بالذمب اني قولتلك خليك متمشيش لو عايز تمشي يابني امشي مش همنعك انا مش هقدر اشوفك پتتعذب
سليم ..لا يا امي مش هسيب هنا معاه لوحدها لازم يطلقها الاول انا خاېف عليها قوي يا امي ويمكن ربنا يخليه يسامحني انا نفسي يرجع يكلمني زي زمان
امال بحب..والله هيرجع انا احساسي عمره ماكدب انت عارف ان الي حصلو مش شويه
حاتم صحي من النوم اتفاجأ بهنا نايمه جمبو وحضناه بأديها ورجلها وراسها على كتفو بص عليها باستغراب ازاي نايمه هنا هو قلها تنام على الكنبه ونامت من قبل ماهو ينام فضل باصصلها شويه وبعدين قال پغضب صوت عالي انتي ياهانم
هنا قعدت بخضه شديده وقالت بزعر..ايه..في ايه... الشقه ولعت ولا ايه ووووووو

7
هنا قعدت بخضه وقالت بزعر ...ايي...فيه ايه....الشقه ولعت ولا ايه
حاتم بزهول من كلامها ..شقة ايه الي ولعت انتي فاكره نفسك لسه في الخرابه الي كنتي فيها
هنا بملل..اوففف حد يصحي حد كده وكملت بغيظ وبعدين انا اتمنى اني اصحى الاقي نفسي في الخرابه الي جيت منها وتطلع انت وقصرك كابوس وفوقت منو لاكن للاسف
حاتم باستغراب من جرأتها ..غريبه الي يشوفك انهارده ميشوفكش امبارح وانتي خاېفه ومړعوبه زي الفار المبلول وكمل پغضب وبعدين انتي ايه الي منيمك جمبي انا مش قولتلك تنامي بعيد عني
هنا بتوتر..انا هو انا نمت جمك اه صح افتكرت هو بصراحه امبارح كنت متضايق فمرضتش اقولك اصل انا معرفش انا على الكنبه اصلي بصراحه بتقلب كتير ووقعت من على الكنبه مرتين فجيت نمت جمبك على طرف السرير علشان ما تدايقش
حاتم بغيظ ..نمتي على الطرف وعلشان ما مأتدايقش اه وكمل بزعيق انتي بتستعبطي دانتي كنتي نايمه فوقي
هنا بكسوف..الفاظك يا اخ وبعدين مش مشكلتي اني بتقلب نام انت على الكنبه او جبلي سرير تاني الأوضه واسعه ولا أقولك اروح انام في اوضه تانيه الاوض كتير
حاتم بضيق..سبحان مين أبدعك افكار تهبل الصراحه
هنا بغرور..انت لسه مشوفتش حاجه دانا هبهرك دانت لو تسمع كلا..
حاتم قاطعها پغضب ..اخرسييي انتي هبله يابت انتي اجبلك سرير تاني هنا يقولو عليا ايه جايب لمراتي سرير لوحدها ليه بتعض ولا كمان عايزه تنامي في اوضه لوحدك انتي زي الشاطره كده حقنا للدماء تنامي على الكنبه بدل ما والله اخليكي صاحيه الليل كلو من الي هعملو فيكي سامعه
هنا وقفت بعصبيه وقالت..انا اخركلام عندي قولتو مش نايمه على الكنبه وانت مدام مش عاجبك افكاري فكر انت وشغل دماغك الي مش بتشتغل غير في اذية الخلق دي عن اذنك
وسابتو واخدت هدوم ودخلت الحمام تاخد دش وهي مړعوبه حرفيا منو بس بتصتنع القوه وحاتم كان مصډوم من طريقتها كلامها عصبيتها كل حاجه فيها بتستفزه لابعد الحدود
بعد شويه خرجت من الحمام ووقفت قدام المرايه بتسرح شعرها حاتم اتوجه للحمام وهمس جمب ودنها وقال..وافقت خلاص انك تنامي جمبي وبصلها من فوق لتحت بطريقه وقحه وقال..حد يرفص عرض مغري زي ده
هنا برقت پصدمه لما فهمت قصدو كانت هتتكلم بس دخل الحمام وسابها بلعت ريقها بتوتر ولفة حجابها وخرجت من الاوضه وراحت تطمن على امال لانها مشفتهاش من ساعت الي حصل خبطت على الباب
امال..ادخل
هنا...احم ..حضرتك صاحيه ممكن ادخل
امال بابتسامه..طبعا ممكن انا كنت هبعتلك عامله ايه يا هنا
هنا بطيبه..الحمدلله انا بخير انتي اخبارك ايه دلوقتي احسن
امال..الحمدلله يا حببتي وكملت بحزن كنت عايزه اعتزرلك عن الي عملو حاتم امبارح هو كده حاتم طريقتو وحشه بس والله قلبو ابيض جدا والله عمره ما كان كده ده بس من ساعة الي حصلو وو
امال سكتت وهنا قالت..هو ايه الي حصلو انا متاكده انو فيه حاجه غريبه مابينو وبين سليم هو فيه ايه
امال بارتباك..متحطيش في بالك انتي انا متأكده ان كل شئ هيتصلح وفضلو يتكلمو سوا ويهزرو ويضحكو لحد ما حاتم دخل
حاتم بعصبيه..انا مش قولتلك امبارح متجيش الاوضه دي ايه مبتفهميش
امال ..ومتجيش ليه يا حاتم هتغير عليها مني كمان
حاتم ..انا خاېف عليكي يا امي مش اي حد اتامنيلو على طول
هنا بابتسامه..عن اذنك يا ماما اناهنزل افطر وبصت لحاتم وقالت ربنا يعينك على ما ابتلاكي
حاتم اتغاظ جدا وامال ضحكت وقالت اذنك معاكي يا هنا ابقي تعالي تاني انا بحب اشوفك
هنا بابتسامه اكيد عن اذنك هنا خرجت وحاتم قعد جمب امه اطمن عليها واداها الدوا وفضل يتكلم معاها
هنا نزلت لقت سليم بيفطر فضل باصص عليها ومركز معاها
هنا..احم عامل ايه دلوقتي احسن
سليم ...الحمد لله كويس انك بخير حاتم عملك حاجه تاني انا كنت ھموت من القلق عليكي
هنا مفيش داعي تقلق عليا انا بتهيألي انك