رواية ألم البدايه فريدة احمد -7

في بعدي بحس اني مرتاحة وراضية بعد عملته السوده وانا شيفاه بيندم أشد الندم . كده بقا احس أن كرامتي بترجعلي بجد ... 
هنا .. بقولك انا هقفل معاكي دلوقتي هشوف لين 
... صحيح هي عاملة ايه دي وحشاني مۏت
هنا .. طول الوقت زعلانه وعاوزة ابوها
.... ليه هي مش بتشوفه
هنا ... بتشوفه . بس هي عاوزه نرجع نعيش معاه . كل شويه تسألني وتقولي هنرجع البيت عند بابي امتا 
... امم . وبعدين هي كده ممكن نفسيتها تتعب 
هنا .. شوية و هتتعود .. يلا بقا سلام هروح اشوفها احسن تكون پيتخانقو هي ويحيي
.....ماشي سلام . بس المهم حاولي تخرجي وفكي عن نفسك كده 
هنا .. تمام هشوف . يلا باي
...............................................................
عند عمر وندي 
عمر قاعد في كافيه وندي داخله 
ندي قعدت .. اتأخرت عليك 
عمر بص عليها بضيق وقال وهو بيشرب القهوة .. لأ 
ندي لاحظت .. امال مالك وشك قالب ليه ياعمر 
عمر .. ايه اللي انتي لابساه ده . كمل پغضب .. ندي انا مش موافق علي كده وفي نفس الوقت مش حابب اغصب عليكي في الموضوع ده . عاوزك تغيري طريقة لبسك وانتي مقتنعة 
ندي رفعت بصرها لفوق بنفاذ صبر وبعدين قالتلو بضيق .. هو انت هتبطل تنتقد لبسي امتا 
عمر .. لما يتعدل وتبطلي تلبسي ضيق وعريان . انا مش موافق علي لبسك دا ياندي وانتي عارفه . وعارفه انو بيضايقني . وبردو مبتحاوليش تغيري ولا كأني بتكلم معاكي
عمر .. انسي بقا انك كنتي عايشه بره . احنا هنا في مصر ولبسك دا مش نافع انا مش هقبل حد يبص عليكي 
ندي بضيق .. عمر انتا عرفتني وانا كده بلاش تقعد تتكلم في نفس الموضوع . وتخنقني .. وبعدين بقا انا شايفه اني بلبس عادي انت بقا اللي عندك مشكله 
عمر .. يعني انا اللي عندي مشكله ولبسك مش ملفت 
مش كده 
ندي اتنهدت بضيق .. تمام ياعمر هحاول ارتحت .. بس خلينا في المهم دلوقتي . انت هتعمل ايه 
عمر .. هعمل ايه في ايه
ندي .. انا نفسي اعرف ايه مشكلتك اننا نتجوز في الفيلا
...وافق ياعمر عشان خاطري واتنازل شويه
عمر وهو بينهي الموضوع .. ندي متفتحيش معايا الموضوع ده تاني لأنو مرفوض بالنسبالي ومش هغير رأيي فيه 
ندي .. طيب انت حابب كده يعني 
خدت نفس وقالت .. عمر انا عارفه بابا هيفضل يأجل كده علطول 
عمر .. يعني ايه . يعني يا اوافق اسكن معاكم . ياهيفضل كده 
ندي هزت راسها .. اه . مفيش حل غير انك توافق
عمر باستغراب .. انا عمري ماشوفت كده . ماطبيعي اي واحده مصيرها بتتجوز وبتسيب اهلها .. ابوكي بقا بيعمل كده ليه مش فاهم . ولا هو عاوز يعند معايا وخلاص 
مسكت ندي ايده وقالت .. عمر افهم بابا مش وحش ومش واقف ضد سعادتنا زي انت ما فاكر . هو بس متعلق بيا بزيادة من يوم ماما ماماتت بابا مالوش غيري 
ندي .. عمر انا مش هكون مبسوطه ابدا لو بعدت عنو وشوفته زعلان .. عشان خاطري وافق متبقاش اناني 
وبعدين انا كمان بابا كل حاجه في حياتي . ومش هقدر ابعد عنو وأعيش بعيد . وافق ياعمر عشان خاطري
عمر .. مقدرش . مقدرش اعيش في بيت مراتي . مش هتجوز غير في بيتي
..............................................................
عند ريم وحازم 
كانو سافرو فرنسا يقضو شهر العسل هناك
وصلو عند يخت كبير جدا وكان أقل ما يقال عنه تحفه فنيه كان في احدي القري السياحية بفرنسا 
ريم اول مادخلت المكان انبهرت بيه وبجمالو
بصت علي البحر حواليها بسعادة وهي بتقول .. حلو جدااا
حازم قرب وحضنها من ظهرها وقال .. عجبك 
ريم ... المكان تحفه . يجنن .. المنظر فظيع
بعدين لفت ليه وقالت .. بص بقا علشان نبقا متفقين . انتا هتلففني فرنسا كلها حته حتة
حازم مسك خصله من شعرها وهو بيشمها بستمتاع 
وقالها بخبث .. طب قبل ما لففك تعالي اقولك حاجه جوا
ريم وهي فاهمه قصده قالت .. بطل سفالة . انا مش داخلة جوه النهاردة 
حازم ابتسم عليها وبعدين قال .. طب تعالي ننام 
ريم بصتله بشك 
حازم ضحك وقالها .. هنام بس 
وخدها ونزلو تحت 
..........................................
عند شيرين وامجد
شيرين كانت واقفة قدام التسريحة وهي لابسه فستان قصير بحمالات وكانت بتبص علي نفسها برضا لحد ما سمعت صوت المفتاح في الباب بصت علي نفسها اخر مرة وهي بتظبط شعرها 
كان امجد دخل 
وقف امجد علي باب الاوضة وهو بيصفر 
قرب عليها وهو بيقول بانبهار .. ايه الجمال ده 
شيرين .. ايه رأيك
امجد وهو بيبص عليها بإعجاب.. طول عمرك بطل . وديما بتعجبيني 
حضنها باشتياق وقالها ... ياااه ياشيرين وحشتيني اوي ووحشني ايامك 
وبدأ يحرك ايده عليها جس مها بحريه 
شيرين اول ماحست بيه كده بعدت عنو وقالت .. مش وقته . 
امجد .. امال امتا وقته . انا مشتاق بقالي شهرين
مسكت شيرين ايده وقالت .. تعالي بس شوف انا عملالك ايه النهاردة 
وخرجوا بره