رواية ألم البدايه فريدة احمد -8

حرام عليك 
عمر حس انها صعبت عليه قرب منها وباس راسها وقالها  طيب متزعليش  عارف اني اتغبيت عليكي 
ندي  ابعد عني ياعمر  خليني اقوم 
عمر  طيب اساعدك 
ندي بعصبية  بقوللك ابعد عني مش عاوزه مساعده منك 
وقامت بتعب ودخلت الحمام 
اتأثر عمر وزعل من نفسه اوي لما شافها كدة وقال  لنفسه غبيي 
بعد وقت خرجت ندي من الحمام بعد ماخدت دش سخن علشان تفوق 
وراحت قربت من السرير علشان تنام تاني
كان عمر قاعد علي الكنبه اللي في الاوضة مستنيها واول ما خرجت قرب منها وقالها  يلا بقا علشان تفطري 
ندي من غير ماتبصله مش هفطر سيبني انام 
عمر  طيب افطري الاول وبعدين نامي 
باسها عمر علي خدها وقال  انا اسف  
بعدين بصلها بوقحه و قالها  ماانتي اللي جامده بصراحه اعمل ايه
باس ايديها وقالها  حقك عليا انا اسف 
وقام شال الاكل من علي الترابيزة وحطه قدامها علي السرير وبدأ يأكلها
بعد يومين كانو كلهم متجمعين عند عمر وندي في الفيلا 
حازم وريم  وامجد وشيرين 
وهما قاعدين قاعدة صحاب بيتكلمو فجأة شيرين في نص الكلام قالت  تخيلوا قابلت مين وانا خارجه من المول النهاردة
ندي  مين 
شيرين  ساندي 
ندي  ساندي مين  ساندي القاضي 
شيرين  هي بعينها 
وبصت لحازم 
وقالتلو  فاكر ساندي ياحازم
حازم  لأ مش فاكر
شيرين بخبث  ساندي صاحبتك 
حازم  صاحبتي ايه بس  مالك يا شيرين فيه اي
ريم  صاحبته مين دي 
شيرين بمكر  هاقولك يا سيتي  ساندي دي بقا كا
حازم قاطعها  دي بتهزر معاكي انا معرفش حد
حازم ل أمجد  ماتسكت مراتك ياعمم انتا
شرين ببراءة مصتنعة  في ايه يا حازم انا قولت حاجة 
حازم بتريقة  لأ انتي ما قولتيش اي حاجة انتي ملاك
شيرين  شايف ياأمجد بيتريق عليا الزاي
أمجد  اسكت ياحازم انا مراتي تقول اللي هيا عايزاه
وبعدين وجه كلامو لشيرين  براحتك ياحبيبتي وقولي اللي انتي عايزاه
شيرين بصت لحازم بانتصار ورجعت كملت لريم  دانا لسه هاحكيلك علي تاريخه الاسود كلو تعالي
حازم قام  يالا ياريم عشان نمشي
ريم  استني بس ياحازم وبصت لشيرين  كملي ياشيرين 
حازم بعصبية  تكمل ايه قومي يالاا
شيرين في ايه ياحازم احنا كنا لسه قعدنا
أمجد  اقعد يا حازم وبص لشيرين وقالها  خلاص
يا حبيبتي ملوش لزوم تسيحيلو هو تاب خلاص
حازم  لا ياشيخ  طب تحب بقا احكي انا بقا اللي بينك وبين السكرتيرة 
شيرين بصت لأمجد بشړ وبعدين قالت ل حازم في ايه ياحازم  احكي
امجد پصدمة  اي اللي بيني وبين السكرتيرة ياحازم  وسكرتيرة مين
عمر  بصراحه يا امجد لازم شيرين تعرف
امجد بعدم فهم  تعرف ايه 
عمر بخبث  انك متجوز عليها
قامت شيرين قربت منو والشړ باين في عينيها  انت متجوز عليا ياأمجد
امجد پخوف  اقسم بالله دول كدابين  دول عاوزين يوقعو مابينا طيب يعني ياذكية هو انا عندي سكرتيرة  ياشيرين انا ظابط ياحبيبتي يعني معنديش سكرتيرة اصلا
ريم بضحك  حبيتي هما بيهزرو 
استوعبت شيرين انو فعلا معندوش سكرتيرة وانهم بيهزرو لكن بصت لأمجد بتحذير وقالت  تمام بس اقسم بالله ياأمجد لو عرفت انك
وقبل ماتكمل امجد بسرعة قال  وانا اقدر انتي قلبي اصلا
كلهم ضحكو
ندي قاعدة وماسكه تليفونها بتقلب فيه وفجأة قالت  ايه ده  مش ده وائل صاحبكو
وهي ماسكه الفون وبتوريهم 
اول ماحازم سمع الاسم ملامحه قلبت پغضب 
ومسألش حتي مالو وائل
لكن كان سامع وهما بيقولو انو هو ده فعلا وانو خطب ومنزل صوره هو وخطيبته علي الفيس بوك 
شيرين  وريني ياندي 
خدت شيرين الفون من ندي وقعدت تتفرج هي وريم 
بس اول ماريم عينها جات علي الصور وشافت خطيبته اللي هي اميره اټصدمت  وفضلت تقول  مش معقول مش ممكن 
وفضلت تتمتم بكلام مش مفهوم
كلهم خدو بالهم وسألوها  في ايه 
بس ريم كانت مصدومه 
شيرين  ريم في ايه ياحبيبتي 
ريم بلعت ريقها وبعدين خدت نفس وقالت بملامح جامدة  دي اميره  اميره ياشيرين
شيرين اتذكرت وقالت  اميره دي صحبتك اللي حكيتلي عنها اللي عملت
وسكتت 
ريم هزت راسها بشرود وقالت  ايوا هي
شيرين  يانهار ابيض دي ايه الصدف دي  معقول  وائل يخطب دي
ندي  وهي بتبص للصورة قالت  يابنت الكلب
عمر  انتي تعرفي هي عملت ايه 
ندي  لأ  بس اكيد عامله مصېبة
قامت ريم وقالت لحازم  عاوزه امشي 
بعد وقت وقف حازم بالعربيه قدام الفيلا وبص لريم اللي ساكته طول الطريق 
مسك ايدها وقالها  صدقيني هجيبلك حقك  وغلاتك عندي لأجبلك حقك ياريم 
ريم  هتجيبهولي الزاي  بقت خطيبة صحبك خلاص
حازم  وائل مش صحبي  وحتي لو اخويا البت دي انا مش هسيبها صدقيني  هخليها عبرة لأي حد يفكر بس انو ييجي عليكي مش يأذيكي  
حازم  انا اسف اني اتأخرت في الموضوع ده  بس صدقيني خلال اليومين دول هفرجك عليها وعلي اللي هيحصلها من تحت ايدي 
باسها علي راسها وقالها  اتطمني مش هسيب حقك
هزت ريم راسها بهدوء 
ونزلو الاتنين من العربية ودخلو 
كانو شهيرة وهنا وياسين ويارا قاعدين مع بعض
حازم ميل عليها وقالها  فكي بقا 
وباسها علي راسها
وقربو قعدو معاهم وفضلو كلهم يتكلمو مع بعض لحد مراد دخل من باب الفيلا 
ومن غير ولا كلمه طلع ورقه من جيبه وقرب من هنا وقالها اتفضلي  ورقة طلاقك 
كلهم پصدمة كبيرة  ايه
مسكت هنا الورقه بعصبية وبصت فيها وهي مش مصدقه بس اټصدمت صدمة عمرها لما اتأكدت انها فعلا ورقة طلاقها من تامر
يتبع
الم البداية 
الفصل التاسع والاربعون 
مسكت هنا الورقه بعصبية وفتحتها وهي مش مصدقه 
لكنها اټصدمت صدمة عمرها حقيقي لما اتأكدت ان دي ورقة طلاقها من تامر فعلا
مراد  خربتي بيتك  والله برافو عليكي
هنا پصدمة  مش ممكن  مش معقول 
مراد  مش ممكن لي  مش ده اللي كنتي عوزاه وطلباه 
اهو عملك اللي انتي عوزاه ونفذلك رغبتك 
هنا باندفاع ومن غير ما تحس  بس انا كنت 
وسكتت
مراد بسخرية  كنتي ايه  كنتي عوزاه يجيلك راكع وندمان مش كده  يجيلك راكع وندمان بتاع ايه اي الغرور ده كله جايباه منين  انا مربتكيش علي كده
هو غلط وندم لكن انتي عملتي ايه  لعبتي بيه  
بس واضح انك ضمنتي حبه فعلا وافتكرتيه خاتم في صباعك 
لكن لأ  لأ يابنتي الراجل مهما يحب استحالة هيحبها اكتر من كرامته وعزة نفسه  مفيش راجل بجد هيذل نفسه لواحده ست مهما كان بيحبها 
اتنهد مراد وقالها بجمود  ورقه طلاقك معاكي اهي وهيبعتلك شيك بمؤخرك 
شهيره  هو اي اللي حصل وخلاه يعمل كده فجأة 
مراد  اسألي بنتك  ولا هتسأليها ليه ماهي تربيتك ياهانم 
شهيره پصدمة  مالها تربيتي يامراد  انا عملت ايه 
مراد  عملتي ايه  لأ انتي معملتيش حاجة  فعلا معملتيش اي حاجه  
مراد  انا من اول متجوزتك قولتلك ماليش غير اخويا علشان كده