رواية ألم البدايه فريدة احمد -9

مضربتكيش علي ايدك كل اللي حصل كان بمزاجك
بوسي بدموع .. انا مش بنكر ده . بس انا حبيتك بجد علشان كده غلطت وسلمت . حبيتك بجد . حبيتك انت محبتش فلوسلك صدقني . انا مش طمعانه فيك ولا حاجة زي ماانت فاكر .
انا عاوزه ابقي معاك وبس . والله هتغير بجد وهتشوف . هرجع لربنا واستغفر عن اللي عملته واكيد ربنا هيقبل مني . صدقني أنا عاوزه اتوب بجد
تامر لسه هيتكلم بوسي قالت .. اشمعنا انت لما بعدت ورجعت لربنا الكل اتقبلك . انا مش هيتقبلني . ربنا مش هيتقبلني
تامر .. متقوليش كده حاشة لله . ربنا غفور رحيم
بوسي .. خلاص انا فعلا عاوزة اتوب . ساعدني باللي تقدر عليه وانا هكمل . انا ماليش غيرك و معرفش غيرك 
ساعدني ياتامر ارجوك . واوعدك انك هتشوفني حاجة تانيه
قام وفضل واقف قدام الشباك بشرود وهو بيفتكر كلام ابوه لما كان بيحسه علي التوبه 
فضل يفكر .. طيب ماهو كل انسان بيحتاج فرصة ومن حقه ياخدها وانا عارف ومتأكد إن مفيش غيري في حياتها 
وان اللي حصل ده انا كنت شريك فيه . طيب لو سيبتها ممكن ترجع تاني واشيل ذنبها .
كمل في نفسه بسخرية .. وبعدين ماانا قبل كدة اتجوزت عن حب خدت ايه غير صدمة كبيرة
اتنهد وخد نفس وبعدين لف وقالها .. عاوزة تتغيري بجد 
بوسي هزت راسها 
تامر .. بصي انا هديكي الفرصة بس هتبقي بعيد عني مش قريبة . بس هتابعك .ولو فعلا اتغيرتي بجد وقتها ممكن افكر اتجوزك
بوسي بفرحة .. بجد 
تامر هز راسه بهدوء وبعدين قالها .. انا هكلم السكرتيرة بتاعتي تنزل معاكي وتجيبلك لبس محجبات ولوازمه كلها وتعلمك الصلاة وتعلمك أمور دينك صح
بوسي .. ياريت . 
تامر هز راسه وبعدين خرج بهدوء
نزل دفع حساب المستشفى وبعدها كلم تقي وقالها علي عنوان المستشفى وأنها تروح لبوسي 
وفهمها هتعمل ايه معاها وطلب منها تفضل معاها علشان تعبها
....................................... 
تاني يوم في الفيلا
صباحا
في اوضة حازم وريم 
كانت ريم بتلبس علشان تروح شغلها خلصت وراحت قعدت علي السرير تصحي حازم 
حركت ريم أيدها علي وشه بهدوء وبدأت تصحيه
ريم .. حازم . يلا اصحي . ياحازم 
حازم فتح عينه بنوم
ريم ابتسمت .. صباح الخير . 
حازم قام اتعدل .. صباح النور 
ريم .. يلا مش هتروح شغلك
حازم .. هروح . كمل باستغراب وهو بيبص علي لبسها .. وانتي علي فين كده 
ريم .. رايحة الشغل انا كمان
حازم .. شغل ايه 
ريم .. نعم !. شغلي . انت نسيت ولا ايه
حازم .. لازم يعني موضوع الشغل ده. للدرجادي فارق معاكي ياريم
ريم بلعت ريقها پخوف لما افتكرته هيرفض .. يعني ايه . هو انت ممكن تمنعني . 
قامت وقالت بزعل .. لأ بقا انا متفقة معاك اني مش هسيب شغلي وانت وافقت . متجيش بقا دلوقتي وترفض
حازم .. اهدي طيب . انا قولت ايه . انا بسأل عادي . وبعدين انا كنت هقترح عليكي اقتراح بس واللي يريحك
ريم .. اقتراح ايه ده
حازم سحب علبة السجاير من علي الكمودينو وطلع سېجاره ولعها خد منها نفس ونفخه بهدوء 
وبعدين قالها .. قربي اقعدي
قربت وقعدت 
ريم .. ممكن تطفي السېجارة . انت الزاي بتشرب سجاير علي الريق كده . مينفعش و غلط عليك .افطر الاول 
حازم طفي السېجارة في الطفايه وقال .. ادي السېجارة اللي مزعلاكي
ريم .. في ايه بقا عاوز تقولي ايه
حازم .. ايه رأيك تشتغلي مع ابويا في الشركه 
بيشتغل في المعمار حاجة انتي بتفهمي فيها . مش انتي خريجه هندسة بردو
ريم .. أيوة 
حازم .. طيب اي رأيك . سيبك من شغلك ده وروحي الشركة وهتبقا شركتك اعملي اللي انتي عايزاه براحتك
ريم .. بس انا بحب شغلي ومش عاوزة اسيبه . مش عاوزة اسيبه ياحازم علشان خاطري خليني براحتي
حازم باسها علي راسها وقام وقف .. خلاص اللي ترتاحي فيه
بعدين قال .. اهم حاجة مفيش تأخير بره علشان منزعلش من بعض . الساعة عشرة تبقي موجودة في البيت 
ريم هزت راسها.. حاضر
...........................
بعد وقت كانت ريم في مركز التجميل بتاعها
دخلت داليا المكتب عندها وهي بتقول .. اهلا بالهانم اللي بتيجي بمزاجها وسايبه الشغل كلو علي دماغي 
ريم .. معلش ياداليا عارفة اني متقلة عليكي في الشغل ومش ببقي موجودة كتير بس انتي عارفه الظروف اللي كنت فيها 
داليا .. ياحبيبتي بهزر معاكي ولا يهمك . اهم حاجة انك خلاص مش هتسيبه تاني ومبسوطه اوي إن جوزك وافق ترجعي تشتغلي . انا قولت هيمنعك زي الاول
ريم .. مين قالك اساسا انو موافق 
داليا .. يعني ايه هو مش موافق . امال انتي هنا الزاي 
ريم .. اقصد يعني حازم من جواه مش موافق اني اشتغل 
بس هو ساكت علشان مش عاوز يزعلني . انا حاسه بكده لكن لو عليه عاوزني اقعد في البيت 
داليا .. دي حاجه حلوه اوي
ريم .. هي ايه
داليا .. انو