هدي
المحتويات
بالله يا امي فعلا دي احسن حاجة انا هدخل انام لاني تعبانة اوي
قبل ما هدي تدخل سمعو خبط الباب جامد فبصت هدي لامها وقالتلها بسخرية
ده اكيد شريف اكيد خلص مع السنيورة بتاعته وعرف اني مشيت فجاي يكمل كدبته
قامت يسرية وراحت ناحية الباب واول ما فتحت دخل شريف بسرعة وهو بيقول بحدة
فين هدي انتي هنا وانا قالب عليكي الدنيا ازاي تمشي يا هانم من غير ما تعرفيني انا مش قايلك متتحركيش من مكانك
هو انت مصدق نفسك حقيقي مفكرني ساذجة للدرجادي
شريف اتوتر ورد بثقة كدابة وهو بيبص لهدي
ااه طبعا قصدك عالكلام الخايب اللي قاله عاصم عني وعن المديرة بتاعتي وانتي خدتي الكلمتين وصدقتيهم ومشييتي علي فكرة بقي الواد ده بيكرهني وبيغير مني وكان قاصد يوقع بينا
انا شوفتك بعيوني يا شريف تحب اقولك كنتو بتقوله ايه لبعض
شريف اتخرس ومقدرش يتكلم فبص بتوتر لمرات عمه يسرية اللي قالت بحزم
اارمي علي بنتي يمين الطلاق يا شريف وخلينا نخرج بالمعروف بدل الفضايح يابني
هدي خليني افهمك الحقيقة بس
هدي اتنهدت وقالت بجدية وهي بتبعد عنه وبتقعد عالكرسي
مبقاش في حاجة تتقال يا شريف لو سمحت طلقني لاني مش هكمل معاك مهما تقول اي حاجة او تبرر
اتنهد شريف بضيق ورد پغضب وهو بيبص لهدي بجمود
ماشي يا هدي بس صدقيني هتندمي انتي طالق
قال شريف كلامه وخرج ووقتها اتنهدت هدي براحة ودمعة نزلت من عيونها بحزن علي نفسها اكتر من شريف ووقتها قربت يسرية وحضنتها وهي بتقولها بابتسامة
هدي ابتسمت وردت بحزن وهي بتحضن امها
انا مش زعلانة علي شريف يا ماما انتي عارفة اني اصلا مكنتش بحبه انا زعلانة علي نفسي الاسم اني مطلقة واتحسبت عليا جوازة
يسرية صعب عليها هدي اوي وكانت حاسة بيها ودعت من قلبها ان ربنا يعوضها خير عن شريف
ابتسمت هدي وردت بمجاملة وهي بتقول
لا اكيد انا اللي حظي حلو يا استاذ عاصم ازيك حضرتك
عاصم كشړ وقالها بعتاب وهو بيبصلها بزعل
لا كدة انا بجد هزعل ياريت بلاش الرسميات دي يعني ياريت عاصم من غير استاذ وحضرتك دي
هدي ابتسمت وردت بهدوء وهي بتشرب من كوباية العصير بتاعتها
لا ياريت متزعلش عموما خلاص من غير رسميات بعد كدة
ابتسم عاصم ورد بجدية وهو بيبصلها بتركيز
المهم بقي احكيلي عملتي ايه مع شريف وانا اقولك انا كمان عملت ايه معاه لما اتقابلنا في الشركة
كشرت هدي باستغراب وقالت باستفهام
هو عمل معاك ايه مش فاهمة
عاصم رد بسرعه وقال وهو بيحرك دماغه يمين وشمال بيأس
ياااه ده
متابعة القراءة
