رواية للكاتبه إسراء ابراهيم

ي حببتي أنتي بټعيطي! 
مسحت دموعها بسرعة وإبتسامة مزيفة أصل أصل أنتي وحشتيني اوي أول مرة أبعد عنك كل دا
إبتسمت وهي بتحضنها ي روحي وأنتي كمان البيت من غيرك ملوش روح وبعدها بصت لحمزة أنت عارف ي حمزة حور دي مش بس بنتي لأ دي روحي إلا عايشة بيها لولا غلاوتك عندي وأنك أبن أخويا وعارفه أنك طيب وهتتقي ربنا فيها أنا عمري ما كنت جوزتهالك أبدا
حمزة سامع كل دا وهو بيفرك في إيده وعمال يعرق 
أطمني ي سماح هو صحيح طايش شويه بس طيب و محترم أنا متأكد أنه هيتعدل بوجوده معها مش كدا ولا أيه ي حمزة
رفع رأسه وبصلها وبعدها بص لأبوه أه طبعا ي بابا
أنا هجيب حاجة تشربوها وجاية
لأ أحنا ماشيين أنا حبيت أطمن عليكى بس والحمد لله أطمنت ربنا يسعدك ي بنتي ويريح قلبك ي رب 
سلام ي ماما مع السلامة ي عمي
قفلت الباب وهي سانده عليه قفلت عنيها والدموع نزلت بقوة جه من وراها ولسه بيحط إيده عليها ويعتذرلها بعدت عنه وجسمها بيترعش من الخۏف
بندم حور أسف والله أنا مش عارف عملت كدا أزاي
بعياط قعدت ع الأرض وهي حاطة إيديها ع بوقها وبتشهق من العياط أسف ! أنت عارف أنت عملت ايه
بص في الأرض ومردش 
قامت وهي بتمسح دموعها عارف بسببك حصلي أيه أمبارح .. خسړت أيه! تلات سنين وحبك في قلبي بيزيد يوم عن يوم بالرغم أنى مكنتش بشوفك غير في المناسبات بس لما كنت بشوفك كنت بحس بسعادة تكفينى أفضل العمر كله مستنياك 
رفع رأسه وهو مصډوم من كلامها حور أنتي بتقولي أيه
نزلت دموعها أكتر مش بإيدي أني حبيتك من وقت ما شوفت حنيتك مع بنت صغيرة في الشارع بالصدفة وأنت بتأكلها وبتلعب معاها لما عرف أنها يتيمة ضحكتها وأنت بترفعها بإيدك وبتحضنها وتلف بيها خلت قلبي يدق جامد حسيت أنا إلا فرحانة أكتر منها
من وقت ما بابا ماټ وأنا عمري ما حسيت بالحنان دا غير من أمي ولما لقيته في عنيك دعيت ربنا أنك تكون عوض ربنا
عيونه دمعت أكتر وهو حاسس بأنه حقېر جدا قدامها ومش قادر ينطق حرف
لما باباك جه وطلب إيدي ليك منمتش اليوم دا من كتر فرحتي فضلت طول الليل أصلي وأشكر ربنا أنه أستجاب لدعائي لحد أمبارح كنت واهمة نفسي بكل دا لعند ما أنت جيت بكل قوتك وكسرتني خلتني أشوف كل الأمان إلا تخيلته خوف وألم
مسح دموعه وبصوت مهزوز صدقيني أنا معرفش إلا حصل دا حصل أزاي أول مرة أشرب أمبارح صاحبي شربني ڠصب عني مقدرتش أتحكم في تصرفاتي بس أوعدك هتغير