بقلم اسراء جمال الجزء الثالث

المكان هنا غريب إلا إنكم مرتبطين بالقرءان جامد.
إزاى عاوزة تقرأي كتب وتطوري ذاتك وتنسي أهم كتاب في حياتك وهو كتاب الله يا خسارة القراءة لو مكانتش بدايتها قراءة كتاب الله.
دخلت إتوضيت وفتحت المصحف على سورة البقرة وقرأت نص جزء وقررت أبدأ رحلتي الجديدة المرة دي جه وقت إن أروح للبنات وهبدأ أساعدهم عارفة إن مش كتير هيتفاعل معايا بس كفاية تفاعل واحد ناجح لما يشوفوا نجاح شخص واحد هما بنفسهم اللي هيدوروا عالنجاح لوحدهم...
_إنتي تاني ده أنا قلت كان حماس شباب.
أنا قلتلك جربي معايا وهنشوف النتيجة.
_مع إن عارفاها ومتأكدة بس موافقة أجرب معاكي.
وأنا كمان هجرب معاكي.
كانت بنت قاعدة قريبة مننا حسيتهم بيجربوا معايا من باب التعجيز بس أنا مسيبتش الفرصة ليهم إنهم يعجزوني قررت هحاول علشان عالأقل أثبتلهم إن مش كل بداية جديدة هتكون حماس شباب أه فيه فتور بيجي في الوسط بس فيه بدايات كتيرة بتكون بداية النجاح الحقيقي.
_هنبدأ يومين وهنكسل.
عالأقل هتاخدو خبرة اليومين.
_هنزهق بسرعة من الروتين.
ليه بتحكموا من قبل ما تبدأوا مش يمكن الفكرة تعجبكم
قعدت ساعة كاملة أعافر معاهم الناس بتستخسر تبدأ بدايات جديدة مع إن مش هيخسروا حاجة ولو مكملوش ف هما كده كده واقفين عند نقطة الصفر لو كملوا هيكسبوا اللي طلعوه ولو مكملوش ورجعوا ف هما رجعوا نقطة الصفر تاني مخسروش حاجة!
_بودكاست إييه ده بس اللي أسمعه أنا مليش خلق أقعد أسمع فيديو خمس دقايق.
شوفيلك حل لحد ما تلاقي الطريقة المثالية ليكي علشان تسمعي البودكاست ممكن وإنتي بتعملي شغل البيت في المواصلات في أى فعل بيلهيكي أو وقت ضايع إفركوا لحد ما تلاقوا الطريقة المناسبة لفعل الحاجة متحددوش طريق واحد قدامكو وتقولوا بنمل بسرعة فيه مليون طريق للي غاوي.
إستعنت بعمر إنه يرشحلنا بودكاستات نسمعها سوا أنا والبنات إقترح علينا قناة دروس أونلاين لأحمد ابو زيد بدأنا نجمع فيديوهات عن الاستمرارية وعن شعلة الشغف وعن العادات والمهارات المهمة لينا إننا نكتسبها وقناة أفيدونا عن علم النفس علشان نبدأ نتعمق أكتر في نفسيتنا وصحتنا النفسية وقالنا على قناة أخضر بحيث نسمع ملخصات سريعة عن الكتب اللي حابين نبدأ بقرائتها أو اللي الوقت مش هيسمحلنا نلحقها وقناة علي وكتاب شخص واعي فاهم هو بيتكلم في إيه وبيناقش القضايا صح إدانا بودكاست إزاى أتخلص من كبت المشاعر السلبية ل د هبه بس وسلسلة في الرحلة ل د نرمين البحيري قناة الزتونة لمايكل راشد..
هنسمع كل دول في الشهر ده!
_كل يوم نسمع حاجة مختلفة.
خدنا خطة كل يوم هنقسم يومنا بين سورة البقرة والبودكاست والكتب ونعمل حاجة جديدة في اليوم وكل واحد هيمارس هوايته اللي بيجبها ونعمل ورد للصلاة عالنبي وأنا هوايتي كانت الكتابة فيه اللي كانت هترسم كل واحد إختار حاجة مختلفة.
يعني هنظبط اليوم إزاى على كل دول
_هنظبط أبلكيشن بومودورو على الموبايل على ٢٥ دقيقة كل حاجة منهم هنعملها في ٢٥ دقيقة علشان منملش وبعدين نعيد من أول وجديد وقبل ما نبدأ أى حاجة هنذكر الله علشان يباركلنا فيها.
وفعلا الخطة إتحطت خلصنا ٢٥ دقيقة في كل حاجة وبعدها كنا محتاجين بريك كبير بعد ده علشان كده قررنا نروح لطنط العجوزة هنقضي معاها ساعة نفرفش عن نفسنا وناخد من خبرتها..
ممكن أسألك سؤال يا طنط من واقع خبرتك
_أكيد يا حبيبتي إنتي تؤمريني.
أنا في علاقة توكسيك شخصية موجودة يوم أه وعشرة لأ شخصية مش مقدرة مجهودي دايما أنا اللي ببذل جهد علشان العلاقة تكمل