رواية 3 للكاتبه ساميه صابر-4

اللى جايين مش هنزل لان اخر امتحاناتي أول ما هخلص هفوق ليكم.
رأيكم مهم.
كومنتات كتير بقااا 
_____
الفصل التاسع عشر _ معشوقة رحيم .
غريق أنا ولست في ماء بل في بحر حبك هائم لكاتبها.
____
نظرت روتيلا لهم بأعين زائغة ثم جلست جانبا وبدأت دموعها تهبط بصمت وهي شاردة تماما ولا تعي ما عليها فعله.. جميع الابواب قد أغلقت في وجهها لتمنع اجتماعها ب رحيم ب شتى الطرق!
بينما ضحك رحيم بقوة مستهزءا ثم قال وهو يضم يديه معا
بجد! يعني إنت حامل مني دلوقتى
قالت وهي تبتلع ريقها بتوتر
آه مالك مستغرب ليه.. لو مش مصدق خد شوف بنفسك.
لاء ازاي مصدقك طبعا بس على كدا بنت ولا ولد
انت بتهزر يا رحيم..
صمت قليلا ثم قال بنبرة غامضة
استني شوية يا ريناس فيه حد مستنيه جاي بعدين نتكلم..
حاولت روتيلا أن تنهض فقال بصوت عالي قوي.
محدش هيتحرك من مكانه ... وبالذات انت .. خليكي قاعدة متقوميش حابب اوريكي حاجة بسيطة بس..
قالت وهي تنهض بإصرار
لا عايزة اسمع ولا اشوف.. ابعد عني وركز مع مراتك وإبنك وبس ..
دلفت في تلك اللحظة طبيبة في الثلاثون من عمرها .. ما أن رأتها ريناس حتي صعقټ بشدة وأصفرت ملامح وجهها قال رحيم ببرود تام ل روتيلا
امبارح.. تليفوني رن من الطبيبة مها اللى واقفة قدامك دي صديقتي من فترة دكتورة نسا كانت على طول بتقولي ان ريناس بتروح ليها لأجل ادوية علشان تحمل والكلام دا.. يعني انا كنت متابع مع ريناس خطوة بخطوة وعارف انها واخدة أدوية .. فقالتلي انها امبارح طلبت تقرير طبي مزيف بحملها لأن ف الاساس ريناس مش بتخلف! وقالتلي بالمحتمل انها تعمل حاجة بيه ف عرفت انها هترجعني بالطريقة دي وتحطني تحت الامر الواقع .. طلعي التسجيل يا دكتورة .
أخرجت مها تسجيل لمكالمة وريناس تطلب منها هذا مقابل دافع مادي كويس بأسرع وقت.. ثم أخرجت بعدها ملف قائلة
دا تقرير بيقول انها يستحيل تخلف في حياتها..
صړخت ريناس في وجهها قائلة
اومال كنتي بتكذبي عليا لييه هاااه ليييه..
امسك رحيم يديها بقسۏة قبل أن تتطاول عليها ثم قال بحذر شديد
انا لحد دلوقتي عامل حساب لزمان وأيام زمان.. ومش هأذيكي أبعدي عني بالذوق وكل حقوقك هتبقي عندك ..المهم ما اشوفكيش حواليا تاني.
قالت وهي تبكي پقهر
لاء ف خيالك انا هفضل حواليك لأنك في النهاية ملكي أنا فاهم ولا لاء.. وهاخدك وهبعدك عنها متفكريش انك فوزتى بيه دا ف خيالك يا حلوة .
خرجت من الفيلا وهى ټلعن كل شيء باكية مقهورة على سنين هدرت لأجل شخص باعها فى ثلاثة ثواني دون تردد .. قالت بغل
والله لأوريكم حقي هاخده منك تالت ومتلت وبكرا ټندم على ست الحسن والجمال .
أخذت هاتفها ثم أتصلت ب أمجد الذي رد بتعب فهو مازال طريح الفراش بعد ضړب رحيم المپرح فيه لتقول هي بتنهيده
أنا راجعة على مصر وموافقة على كل شيء المهم أرجع رحيم ليا وأبعده عن روتيلا!
بينما فى الداخل قال رحيم بإمتنان
شكرا يا مها أوي.. وان شاء الله كل اتعابك هتوصل.
دا واجبي .. انا همشي بقا لازم أرجع القاهرة فورا.
اتفضلي.
بالفعل خرجت ليبقي رحيم مع روتيلا بمفردهم نظرت له پخوف ونظرات حائرة قالت وهي تبتعد عنه بقلق
انت شيطان على شكل انسان بل أسوء فيه حد يجرح الست اللى اتجوزته وكانت معاه كدا.. مع اني شكلها بتحبك ازاي جالك قلب تعمل فيها كل دا.
بالعكس.. انا مأذيتهاش كل حاجة عملتهالها بس انا مش هقدر أفضل مع واحدة محبتهاش أبدا..
أتجوزتها ليه طالما مش بتحبها... انت أذية الناس عندك هواية
كان زمان وكانت أي كلام فارغ .. انا حاولت أعوضها رغم كدبها وكل اللى كانت بتعمله .. بس في الحقيقة فيه حاجات لازم تعرفيها الاول ..
اسكت.. مش عايزة اعرف حاجة انا هآمن لنفسي معاك ازاي اصلا وانت ببساطة هنتها كدا وبعتها
انت غيرها انا حبيتك هي لاء .. وغير انها بتكذب وبتعمل حاجات من ورايا وانا الكذاب مالوش في حياتي مكان! دي كدابة وخداعة وبتعمل الاعيب قڈرة زيها !
ابتلعت ريقها پخوف وهي تتذكر ما تخفيه عنه ..بينما هو جذب يديها ببطيء ثم جلسوا على إحدي الارائك بدأ يشجع نفسه لقول ما في داخله
فراشة.. الحياة قبلك كانت من غير طعم من غير روح ضيعت عمري في حاجات كتير قبلك .. المرة الوحيدة اللى اتولدت فيها فعلا كانت لما شوفتك اول مرة قلبي يدق.. اول مرة احب اول مرة اتعلم الحاجات والاسماء والاشياء وكل ماهو جديد.. انت بالنسبة ليا البداية الحلوة في كل شيء.. 30 سنة من عمري تايهة كإني فى صحراء بالظبط عطشان .. تايهة .. وحيد ومفيش سبيل للنجاة .. عامل زي راجل عنده 70 سنة في اوضة مقفولة مظلمه في صحراء محتاج سبيل نجاة .. وفجأة وبدون مقدمات ډخلتي من غير استأذان تغيري القواعد والقوانين على مزاجك .. كل لحظة عيشتها