بقلم أمير اسامه

فيه غير لما نخرج من هنا ونطمن علي الكل
دره طيب عايزني في ايه
كرم انتي عارفه انا بحبك قد ايه صح
مسكت دره راسها وحست انها شايفه كرم اتنين وعينها فيها تشويش هزت راسها بضعف
كرم مش عايزك تزعلي مني يادره لما تصحي بس مش هقدر أشوفك في الحاله دي و أسيبك تكملي شغل
دره بصتله بضعف انت أدتني ايه يا كرم
كرم لازم تنامي يابنت قلبي

دره ليه ياكرم البنات محتجاني والناس كمان
كرم بحزن وانا محتاجلك اكتر منهم ومش هسمح لأي حد يتعبك انا هاخد بالي منهم ومش هسيب حد محتاج مساعده واتخلي عنه هعمل شغلي وشغلك بس ارتاحي انتي 
ابتسمت دره بضعف وغمضت عينها بهدوء وجسمها ساب
كان كلهم واقفين بره لمحوا خرج لوحده وهي مش معاه 
مها فين دره يا كرم
زكريا هي تعبت تاني ولا ايه يا كرم
كرم بهدوء وإرهاق واضح سامحني يابا بس بنتك راسها ناشفه كان لازم ترتاح انا كدبت عليها ودي مكانتش حقنه للضغط دي كانت مهدئ عشان تنام شويه وتفصل دره تعبت انهارده اوي بسبب اللي حصل و إنهارت كتير فجأه لقت دارين داخله عليها اوضه العمليات و مره تانيه لما شافت ديما ومن قبلها كانت هتتجنن وهي مش عارفه توصلهم كان لازم تهدا وترتاح شويه
زكريا بابتسامه بسيطه خير ما
عملت يا ابني
بصتله نبيله بحب وابتسمت 
كرم بتنهيده دانه خليكي انتي جوه معاها بس متصحيهاش وانا هروح اطمن علي باقي الشباب واعرفهم الاوض بتاعتهم 
دانه بس انا عايزه اطمن علي اخواتي
كرم بتنهيده راح علي مكتبه قفله بالمفتاح عشان محدش يجي ويفتح عليها وراح عليهم تاني
تمام تعالوا يلا نروح نطمن عليهم ولما تطمنوا حد فيكم ياخد المفتاح و يرجعلها
مشي كرم وراحوا كلهم وراه راح الاول يطمن علي احمد وحسن
احمد بحزن كرم
كرم طمني عليك انت كويس
احمد الحمد لله كويس يا كرم
اجمد كان حاطتت رقبه ومش عارف يحرك رقبته كويس بسبب الكدمه
قرب كرم منه فضل يمسك في ايده الاتنين ويفرد رجله ويرجع يتنيها فضل يدوس بايده علي جنبه الشمال واليمين ويدوس علي عضم القفص الصدري ويرجع يقومه بهدوء ويدوس علي فقرات ضهره
وراح عمل نفس الكلام مع حسن
حسن بضعف صدقني يا كرم انا كويس
كرم عارف بس اطمن بنفسي ان مفيش اي كسر 
بص عبدالله لحسن كان مستغرب انه مش مندهش ولا مصډوم ان كرم دكتور وحس انه كان عارف بس سكت ومتكلمش 
كرم في اي اشعه اتعملت لهم
نجوي اه امسك يا كرم اهم دي الاشعات بتاعتهم وبتاعت دانه كمان 
مسك كرم دانه من ايدها قعدها جنب حسن علي السرير وبعدين خد الاشعه بص فيها بهدوء واطمن ان مفيش لا ارتجاج ولا اي حاجه وحشه
هز راسه بهدوء ومد ايده لنجوي بالاشعه وبص لدانه وقرب منها وفضل بعمل معاها نفس اللي عمله معاهم 
كرم حركي ايدك الشمال 
حركت دانه وبصتله
كرم اليمين 
حركتها دانه وبصتله تاني
كرم لفها وفضل يدوس بايده علي فقرات ضهرها وبعدين لفها تاني وخلاها فردت ايدها الاتنين بخط مستقيم وقرب ايده من جنبها وبعدين القفص الصدري
كانت حاسه انها محرجه بس مكانتش عارفه تعترض هي اصلا بتحس برهبه من ناحيته 
بكر ايه كويسين يا كرم
كرم هز راسه الحمد لله بخير الكدمه بس اللي في رقبه احمد هي اللي هتاخد وقت لازم يرتاح وميعملش اي مجهود بص لحسن وسأله انت نفسك اتظبط
حسن اه كتير عن الاول مكنتش قادر اخد نفسي بس خلاص بقيت احسن 
كرم تمام بردوا هتفضل تحت عيني بس لواحد من الممرضين الشباب شعيب
الممرض ايوه يا دكتور كرم
كرم هتتقل حسن واحمد فوق في الدور الرابع مع الحالتين اللي خرجوا من الرعايه 
الممرض ايوه بس اللي خرج الشاب بس البنت لأ
بصله كرم بلهفه وقلق
كرم ليه مخرجتش ليه
الممرض مش عارف والله يا دكتور كرم الشاب بس هو اللي خرج ونقلته علي الاوضه اللي حضرتك قولت عليها 
كرم تمام خدهم انت علي فوق وانا هروح اطمن بنفسي وهرجعلهم يلا يا امي يلا يا جماعه اطلعوا معاهم هيما خرج انا هروح اطمن علي دارين واعرف ليه مخرجتش وبعدين هروح اشوف محمد خلص ولا لسه وهشوف سماح هي كانت مع دكتور عمرو 
دانه انا هاجي معاك اشوف دارين
كرم خليك معاهم مش هينفع تدخلي الرعايه هطمنك
دانه هفضل بره بس خليني اجي معاك من فضلك وعايزه اطمن علي ديما هي فين 
كرم ديما فوق طلعت في الاوضه التانيه قبل ما دره تتعب بس انا نسيت اقول اللي حصل خلاني اتلهيت بس معاها ممرضه عموما تعالي معايا 
نبيله وانا كمان هاجي
كرم بلبله بالله عليكي انا ما ناقص مناهده اطلعي انتي معاهم وخلوا بالكم من ديما دقايق وهكون عندكم
سونه بإرتباك طيب ااااا
كرم ايه يا سونه عايزه تطمني علي سماح انتي كمان حقك يا ستي وعارف بس لو مطلعتش لسه هشوف دكتور عمرو خرجها علي فين وهطمنك عليها ولو مش محتاجه رعايه هطلعهالك لحد فوق عشان متفضلوش طالعين نازلين
سونه تمام بس انا كنت عايزه اشوف الدكتور عمرو بنفسي
كرم قولتلك هعرف حالتها واطمنك ابه مش واثقه فيا ولا ايه يا سونه
سونه لا لا متقولش كده كل الحكايه انه ليه امانه معايا وعايزه اديهاله
كرم بإستغراب أمانه ايه
قربت سونه مريم و وقفتها قدامها وبصت لكرم 
سونه بنته 
كرم دي بنت دكتور عمرو طيب وانتي تعرفيها منين اصلا
سونه معرفهاش يا كرم كل الحكايه دخل حالتين واحنا واقفين ست كبيره وولد صغير الممرضه أتعرفت علي الولد حتي دره هي اللي خدته وجريت بيه اسمه ياسين وكمان جدته أتوفت ملحقوهاش دخلوا بياسين بس وبعدها لقيت مريم داخله ټعيط وتنادي علي ستها من كلامي معاها عرفت اساميهم وعرفت ان هي تبقي اخته واللي اټوفت جدتها وقالتلي ان اسم بباها عمرو وهو دكتور فا مقدرتش اسيبها وسط الزحمه وهي مفحومه من العياط وكمان انا مش عارفه دكتور عمرو اللي خد مني سماح وجري بيها هو ابوها ولا في دكتور عمرو تاني خالص فا عايزه اشوفه وانا معايا البنت
كرم لا حول ولا قوه إلا بالله اللي بيعمل عمليه سماح اسمه عمرو التهامي وعارف ان ابنه اسمه ياسين فا احتمال يكون هو وفعلا اللي اعرفه ان ولاده عايشين مع والدته لان مراته متوفيه من اربع شهور تقريبا
سونه بحزن يبقي هو مريم قالتلي ان مامتها ماټت ربنا يكون في عونه ويقويه علي صډمته في امه وابنه
كرم بقلق هو ابنه كمان اټوفي
سونه معرفش انا بقولك دره جريت بيه حتي هما قالو ان فصيله دمه O وانا اللي اتبرعتله عشان يعيش و يلحقوا ويرجع لاخته وابوه اللي حصل خلاني نسيت نسأل دره
كرم بابتسامه بسيطه وارتياح الحمد لله متقلقيش عايش هو اللي انا دخلت ولاقيته مع دره بس مكنتش اعرف انه ابن دكتور عمرو لاني عمري ما شوفت ولاده ولولا الډم اللي اتبرعتي بيه يا سونه في الوقت المناسب كان ممكن نفقد الولد
سونه انا معملتش حاجه انا بس حاولت اساعد البنت وموجعش قلبها هي وابوها كفايه ستها وامها مش هيبقي اخوها كمان ولو اي حد غيره بردوا كنت هعمل كده
كرم طول عمرك جدعه يا سونه وبميت راجل 
سونه تسلم يا كرم مع اني
يعني لسه مش قادره استوعب وقفتك قدامي بلبس الدكتور بس عارفه انه مش وقته المهم الوقت تيجي معايا للدكتور ده وياريت تعملها بجميله فيا وتبلغه انت بوفاه امه وتعب ابنه هو اكيد ميعرفش وانا صراحه اخاڤ اقوله
كرم متقلقيش تعالي معايا وانا هبلغه 
قرب كرم من دانه كانت واقفه بعيد عنهم خطوتين لكن كانت سمعاهم 
كرم يلا يا دانه 
دانه حاضر 
طلع كرم علي الرعايه يطمن علي دارين وقفت دانه قدام الازاز هي وسونه ودخل كرم يطمن عليها 
وقفت دانه ټعيط وهي حاطه ايدها علي الازاز و سانده راسها 
سونه بصت علي دارين بحزن ونزلت دموعها تجري ليه حق كرم يخلي دره تنام وترتاح انا لو مكانها كان زماني وقعت من طولي ماهو بردوا صعب تكون واقفه بتنقذ ناس بين الحياه والمۏت في اوضه العمليات وفجأه تدخل عليها بنتها بالشكل ده ده وقوفها قدامها بس يثبت قد ايه هي دكتوره شاطره
دانه بدموع من غير ما تبص لسونه انتي عارفه انا فاكره زمان واحنا صغيرين لما كان في واحده فينا تتعب مامي كانت تتصل ببابي بسرعه وهي بټعيط وتقولوا الحقني كنت بقولها ليه لما بنتعب بتودينا المستشفي ليه بتكشفي علينا هو مش حضرتك دكتوره 
تقولي مقدرش لما بشوفكم قدامي تعبانين عقلي بيقف وبحس اني للحظه نسيت الطب لدرجه اني بخاف اشخص حالاتكم غلط واديكم علاج يتعبكم اكتر دارين كانت ديما تقولها نفسي اتعب يا مامي وتكشفي عليا تقولها متقوليش كده بعد الشړ عليكي وكأن ربنا حقق امنيتها
بصتلها
دانه وهي دموعها نازله بغزاره وابتسمت طب انتي عارفه ان مامي علمت بابي يدي حقن مخصوص عشان لو حد فينا تعب هي متدهلناش بأيدها
كنت بقولها هو انتي يا مامي بتحبينا وپتخافي علينا اكتر من الناس اللي بتعالجيها مانت تقولي لو علي الحب اكيد بحبكم اكتر من اي حد في الدنيا لكن خۏفي عليكم مش عدم ثقه في مهنتي لكن قلبي ميتحملش اوجعكم حتي لو بشكه ابره لكن اي مريض بيبقي تحت ايدي قلبي بيجمد مبيبقاش مسيطر علي عقلي غير انه نايم ومسلملي حياته بين ايدي بعد ربنا وثقته فيا بتخليني اعمل كل حاجه عشان اقدر انقذ حياته لكن انتوا قلبي عمره ما هيجمد بالعكس هتضعفوني وهنسي كل حاجه ومش هقدر انقذكم انا عارفه ان مامي انهارده عاشت اسوا يوم في حياتها مامي تعبت اوي يا سونه
نزلت دموع سونه بۏجع و قربت من دانه ضمتها بحب وحنان وفضلت تطبطب عليها
سونه هتبقي كويسه واخواتك هيبقوا كويسين وهنخرج كلنا من هنا بخير ومهما كان تعب دره والموقف اللي عدت بيه اكيد لما تشوفكم واقفين علي رجليكم هتنسي عشان كده لازم انتي كمان تكوني قويه الحمد لله اصابتك كانت بسيطه طبطبي عليها وقويها يا بنتي ده الواحده مننا لما ضناها بيتشك بالدبوس قلبها بيتخلع مبالك باللي هي شافته دره محتجالك خليكي جنبها وامسكي روحك كده ان شاء الله علي ما تصحي تكون ديما بقت كويسه ودارين تخرج من هنا وكرم يطمنا عليها صدقيني وقتها دره هتنسي كل حاجه وترجع احسن من الاول
دانه يارب يارب 
خرج كرم وشافهم في حالتهم دي جريت عليه دانه 
دانه طمني ومن فضلك اوعي تكدب عليا دارين كويسه ولا فيها حاجه
كرم دارين احسن مني ومنك وبعدين انا اللي عاملها العمليه بنفسي اكيد كويسه كل الحكايه ان انا كنت موصي عليها وكان لازم تفضل في الرعايه شويه والدكتور المسؤول مرضيش يخرجها غير لما اشوف حالتها واقوله تمام
دانه يعني ايه يعني هتخرج طيب وليه هي لسه هنا وهيما خرج
كرم هيما خرج لان إصابته كانت في رجله ومكانتش خطيره هو اه ڼزف كتير بس حالته مستقره لكن دارين عمليتها مكانتش سهله ده الازاز اللي دخل في جنبها كان بينه وبين الكلي سم واحد بس وربنا ستر فا