بقلم أمير اسامه
المحتويات
حتي هو هيعمل ايه من غير فلوس أو شغل هو اللي وصلنا لكده
كرم طيب اهدي عشان خاطري كل حاجه هترجع زي ما كانت واحسن وانتي يا دره بطلي عياط بقي كفايه بقي احنا اتفقنا علي ايه
بكر اهدي يا دره وصلي علي النبي وانتي يا دانه خلاص يا حبيبتي اللي حصل حصل ومحدش فينا يعرف الايام ممكن تخبي ايه كفياكم عياط وافرحوا شويه عارف انه ڠصب عنك يا دانه وطبيعي كل اللي انتي حاسه بيه ده بس لازم تهدي لو مش عشانك عشان دره وكمان متنسيش انكم داخلين علي امتحانات و كده هتأثري علي نفسك
مسحت دانه دموعها وابتسمت أبتسامه بسيطه
دانه لا خلاص انا سكت اهو متزعلش
ابتسم كرم بحب ولعب في شعرها
كرم انا مقدرش ازعل منك بس بهددكم عشان تبطلوا عياط يلا بقي عشان نمشي
بكر بنقولك ايه انا اه نمت شويه بس لسه فاصل ومش قادر
كرم انت حطيت راسك عالمخده سمعت شخيرك وقلقت نومي
بكر وحد قالك نام تحت كنت طلعت نمت في شقتك
كرم نعم يا اخويا ماهي مراتك اللي قالتلي خليك نام هنا كان يوم مهبب لما سمعت كلامها
دره بإبتسامه من وسط دموعها يلا اضربوا بعض كده مينفعش لازم تفرجوا علينا المطار
بكر بضحك هضربهولك انا عاملك حساب
دانه بضحك مامي تعالي نجري قبل ما نضرب في وسطهم انا مش هعرف احوشهم
دره بضحك مسكت ايد دانه يلا بينا
جريت دره ودانه وهما بيضحكوا
كرم الحق دول جريوا بجد استني يابت انتي وهي يا شبر ونننننص
بكر بضحك الله يخربيت جنانكم يا جدع استني جري هو كمان وراهم
مر اسبوع الوضع هدي خالص عند دره و بناتها الحياه أستقرت ورجعت احسن من الاول طول الوقت البنات كانوا بيذاكروا حتي حسن ومحمد واحمد الامتحان كان بيقرب اغلبهم حالتهم أتحسنت هيما بقي يدوس علي رجله احسن من الاول بكتير وبدأ ينزل الشغل دارين اتعافت بنسبه كبيره دانه وحسن
محمد فك الرباط من علي عينه وبقي تحسن كان في علامه بسيطه في عينه لكن للي يركز فيها غير كده العمليه نجحت وكان بيشوف عادي بس بسبب العمليه كان عنده لازمه جديده عليه وهو انه لما يبص علي حد من بعيد لازم يقفل عينه شويه عشان الرؤيه توضح لكن الدكتور اللي عمله العمليه طمن كرم انه مع الوقت هيرجع طبيعي اما تحمد فا رقبته فكت خالص وبقي احسن
اما كرم ودره كانوا مأجلين اي خطوه او اتفاق لحد ما البنات يخلصوا هما كنان امتحانتهم عشان محدش فيهم يتشغل ويتعطل وأجلوا أي كلام عن جوازهم وده كان قرار كرم بالاخص لانه كان عارف ان خطوه زي دي لازم تتعمل بكل هدوء صحيح هو مستنيها من سنين لكن مستحيل يستعجل فيها عشان يقدر يعمل كل حاجه لدره زي ما كان بيحلم بالظبط
الاسبوع اللي بعده كمان مر وكان فاضل علي الامتحانات اسبوع واحد
وفي يوم علي العصر سمعت سونه موبايلها بيرن لمحت أسم عمرو وكالعاده كانت عارفه انها مريم
سونه مريومه حبيبه قلبي اللي زعلانه منها عشان متصلتش بيا امبارح
عمرو احممم ازيك يا ست سونه
سونه بإحراج أهلا يا دكتور عمرو عاش من سمع صوتك معلش بقي فكرتك مريم متعوده ان هي اللي بتكلمني من موبايلك ولما بنتصل عليك هي اللي بترد
عمرو معلش يا ست سونه انا اسف والله عارف اني مقصر في السؤال عنكم بس ڠصب عني والله
سونه الله يكون في العون يا دكتور عارفه والله ربنا يقويك
وانا بطمن من مريم ان انتوا بخير هي امبارح مكلمتنيش وانا للأسف اتشغلت
عمرو ماهو انا بكلمك عشان كده وبجد كنت متردد اني اكلمك يعني بقالي فتره مش بسأل عليكم ولا بطمن علي سماح فا انا محرج والله ومش حابب اكون بدور علي مصلحتي بس والله انا مضطر
سونه ايه ده ايه ده كلام ايه اللي انت بتقوله ده بتاع مصلحتك ايه ومحرج ايه هو احنا مش قولنا بلاش الكلام ده ده احنا بقينا اهل ولادك دول زي سماح وانت عارف غلاوتهم عندي وانت ربنا يعلم يا دكتور اني بعتبرك اخويا واحد من اهلي
عمرو عارف والله يا ست سونه ومقصدش صدقيني بس
سونه بس
ايه قولي في ايه العيال كويسين
عمرو بصراحه مريم اللي مش كويسه
سونه بلهفه فيها ايه مريم مالها تعبانه
عمرو لا مش موضوع تعب بس بإختصار يعني هي طلبت تشوفك بصي انا عارف ان مريم اتعلقت بيكي اوي وبصراحه لما ياسين خرج وخدتها منك كنت حاسس انها هتبقي مضايقه وعيزاكي لان ده طبع مريم لما بتحب حد بتتعلق بيع بشكل مرضي بس اتفاجئت ان رغم انها اتعلقت بيكي لكن مريم رجعت حد مختلف من عندك اكبر من سنها متفهمه كل اللي حاصل وعارفه انها كانت اكيد هيجي عليها وقت وتسيبك وترجع بيتها لان ده طبيعي هي فاجئتني وعرفت منها ان انتي كنتي بتكلميها ومفهماها كل ده وهي خدت بكلامك وعملت كده بس من امبارح مريم مش بتبطل عياط سواء انا قاعد معاها او سايبها لوحدها لا عايزه تامل ولا تلعب ولا تتفرج علي اي حاجه كل اللي بتعمله انها بټعيط وبتقولي انها عيزاكي
سونه وانا موجوده طب ده انا هتجنن واشوفها بس انا مش فاهمه لما هي وصلت للحاله دي ليه مجبتهاش وايه اصلا اللي عمل فيها كده دي كانت مكلماني اول امبارح وكويسه حد ضايقها
عمرو للأسف اه يعني هي حاجه بسيطه هفهمالك لما أشوفك بس انا فكرت يعني اني بدل ما أجيبها واكيد مش هينفع تيجي انتي هنا فا كنت بفكر اخدها هي وياسين مكان بيحبوا يروحوا يقعدوا فيه علي البحر فا لو وقتك يسمح وينفع تجيلها يبقي ياريت
سونه انت بجد بتسأل يا دكتور ده انا اجيلها علي عيني قولي فين وامته وهكون عندك
عمرو بإبتسامه رضا كنت واثق انك مش هتخذليني في طلبي
سونه أخذلك انت مش عارف غلاوتها لسه عندي طبعا هاجي
عمرو طيب انا عموما هبعتلك العنوان عالموبايل وهو عموما مكان عام كافيه مفتوح علي البحر وفي كيدز إيريا للأطفال هنكون هناك علي الساعه سبعه هيناسبك
سونه اه يناسبني لسه الساعه اربعه معايا وقت إن شاء الله هكون في المعاد
عمرو إن شاء الله وانا في إنتظارك
سونه بإذن الله سلام يا دكتور
عمرو مع الف سلامه
قفلت سونه مع عمرو وعرفت منها سماح اللي حصل وبعد حوالي ساعه ونص قامت سونه وبدأت تجهز نفسها لبست بنطلون چينس وبدي بدرجات الازرق وعليهم كاريجان اسود مفتوح من قدام وطويل كان شكلها حلو بجد مع طولها وشكل جسمها كان مظهرها يخطف
وصل عمرو في المعاد هو والولاد مقالش لمريم انها جايه وقال انهم هيتمشوا ويقعدوا في مكان عادي عشان كان عايز يفاجئها ومريم كان باين عليها الزعل بجد
فضلت قاعده حاطه ايدها علي خدها وباصه علي الاطفال اللي بتلعب ومش راضيه تقوم من مكانها ياسين فضل يتحايل عليها تقوم تلعب معاه مكانتش راضيه فا قعد هو كمان ومسك الايباد بتاعه
الساعه سبعه وربع وصلت سونه واول ما وصلت كلمته عشان تعرف مكانهم لمحها عمرو وشاورلها
ابتسمت وراحت عليهم
واول ما قربت عمرو بص علي مريم
عمرو مريومه بصي كده مين جالك
رفعت مريم عينها وبسرعه ابتسمت وجريت عليها
مريم سونه
ضمتها سونه بحب وفضلت تبوس فيها
سونه قلب سونه من جوه وحشتيني اوي
مريم حضرتك كمان وحشتيني
سونه ياسو عامل ايه
ياسين بإبتسامه جميله الحمد لله حضرتك كنت عارف انها جايه يا بابا
عمرو اه يا سيدي قولت نعملهالكم مفجأه بس ايه رأيكم عجبتكم
مريم اوي
ياسين عجبتني بس هي فين سماح ليه مجاتش
سونه سماح في البيت بتذاكر عشان امتحانتها
ياسين انا كنان عندي امتحانات
سونه ربنا معاك يا حبيبي وتنجح وتجيب احلي مجموع في الدنيا ونفرح بيك وتبقي احلي كابتن
عمرو بإبتسامه مدلها ايده عامله ايه
سونه الحمد لله يا دكتور عمرو
عمرو بإبتسامه ما بلاش دكتور عمرو دي متفكرنيش بالشغل
سونه بضحك خلاص بلاش بلا شغل بلا ۏجع دماغ يا عمرو حلو كده
عمرو حلو كده تعالي اتفضلي
سونه راحت وراه وهي ماسكه مريم وحشتيني
مريم بأبتسامه مكسوره وحضرتك وحشتيني اوي انا قولت لبابا اني عيزاكي بس هو مقاليش انك هتيجي
سونه اكيد عشان يفاجئك هو اول ما قالي مريومه عيزاكي سيبت اللي في ايدي وجيت هوا
قعدوا كلهم وفضلت مريم ماسكه في ايدها
عمرو تشربي ايه
سونه ملوش لزوم والله انا جايه عشان اشوف مريم وياسين ونقعدوا مع بعض شويه
عمرو لا مش هينفع لازم تشربي واكيد هنقعد
سونه طيب اي حاجه هشرب علي ذوق مريم
عمرو بإبتسامه لمريم طبعا الوقت هترضي تشربي يا ست مريم ادام سونه جاتلك
مريم ايوه هشرب معاها
عمرو طيب هتطلبوا ايه
ياسين انا عايز ايس شوكليت بالاوريو
عمرو ماشي و انتي يا مريم
مريم انا وسونه كمان هنشرب زي ياسين
ابتسمت سونه ورفعت حاجبها لمريم
عمرو بإبتسامه لا سيبيلي انا سونه هطلبلها علي ذوقي وخليكي انتي وياسو في الشوكلت والاوريو بتاعكم
مريم ليه ده حلو
سونه بإبتسامه هو حلو بس بصراحه انا مليش في الشوكلت ده خالص عارفه لو سماح هي اللي هتطاوعك فا خليني اشرب زي بابا
عمرو طيب تحبي تشربي ايه
سونه لو هتطلب ليك قهوه هشرب زيك
عمرو بإبتسامه يبقي قهوه قهوتك ايه بقي
سونه بشربها ساده
عمرو وانا كمان يبقي اتنين قهوه ساده
نادي عمرو علي الويتر قاله الاوردر وفضلت سونه تهزر مع مريم وياسين شويه ورجع الويتر بالطلبات حطها وسابهم
هزار مريم وضحكها كان واضح اوي لسونه ان مش دي مريم اللي كانت قاعده معاها وكلها طاقه بصتلها بهدوء وابتسمت
سونه مبسوطه يا مريومه عشان جيت
مريم ايوه اوي انا اصلا كنت عايزه اشوفك
سونه اه ما هو بابا قالي وقالي كمان انك من امبارح زعلانه وبتعيطي ممكن اعرف بقي بټعيطي ليه ومين مزعل القمر
عمرو كان باصص علي مريم بتأثر اول ما شافها سابت كوبايتها من ايدها ولمح في عينها دموع بصت لسونه ودموعها نزلت وبسرعه خبت رمت نفسها بين ايديها وخبت وشها
سونه بقلق ايه ده في ايه يا مريم مالك يا قلبي ايه اللي حصلك
عمرو مريم مريم احنا مش اتفقنا نبطل عياط
سونه لحظه بس يا عمرو افهم بس مريم مالها وايه العياط ده كله
ياسين هي زعلانه يا سونه
سونه ومين فيكم بس زعلها بالشكل ده وكملت كلامها من غير
ما تحس باللي بتقوله وكأنها بتتكلم بلسان أم انا رجعتهالك يا عمرو عشان تزعلها بالشكل ده
عمرو انا والله ما زعلتها انا من امبارح بحاول
متابعة القراءة
