بقلم أمير اسامه

وقفته معايا فرقت كتير عشان كده الراجل ده انا كنت بحبه وبتحرمه جدا
دعاء طيب وازاي دينا دي عملت كده وازاي ابوها سمحلها تعمل كده لما هو محترم بالشكل ده
دره لا ماهو حصل حجات كتير كل اللي بحكيه ده كان في البدايه هما وقتهم كانوا في نفس الولايه معايا لحد ما ولدت دارين وديما ودانه كانوا لسه موجودين دينا مقدرش انكر انها كانت حد كويس جدا هي كمان ساعدتني مع يوسف في الوقت اللي مكانش بيبقي فيه موجود مكانتش بتسيبني في الامتحانات يوسف كان بيبقي في الشغل كانت هي بتيجي تقعد مع البنات والمساعده بتاعتهم او بوديهم عندها

كنت بحبها وكانت بتحبني عمري ما شوفت منها حاجه وحشه وفي اخر سنه ليا في الجامعه حصل النقل لوالدها فا اضطروا انهم يمشوا من الولايه مامتها كمان كانت ست جميله هي امريكيه بس كانت طيبه وبتحب الناس
اتأثرت شويه لما بعدوا عننا بس كنت دايما علي تواصل بيهم لحد ما في وقت دينا اختفت مش بترد خالص عليا ولا عارفه اوصلها بعد حوالي اسبوع قدرت اوصلها وعرفت ان بباها ومامتها عملوا حاډثه وماتوا سافرت انا ويوسف على طول وفضلت معاها يومين كانت حالتها صعبه وفضلت كده سنه بحالها مش بتخرج مش بتتكلم كتير كانت لسه تحت تأثير الصدمه بس على قد ما بقدر مكنتش بسيبها انا ويوسف لحد ما بدأت بالتدريج تخرج من حالتها دي وفضلنا صحاب هي تزورني وانا ازورها
حاولت كتير اقنعها ترجع تعيش في نفس الولايه بتاعتنا من تاني لحد ما اقتنعت وجات عاشت جنبنا وبدأت تشتغل في كذا حاجه طبعا هي ورثت كتير اوي من والدها بس كانت خاېفه تجازف بالفلوس فا قررت تشتغل في كذا حاجه كانت اتخطبت لدكتور كان زميلي وكان سوري فضلت معاه سنتين بس مقدرتش تكمل قالت انهم مش متوافقين في خلال الفتره دي كنت حاسه ان دينا غريبه مشكتش فيها عمري بس صډمتها في مۏت بباها ومامتها غيرتها كتير وكل ده كان عادي عمري ما حسيت بأي حاجه غريبه
بس اللي اكتشفته موخرا ان الشركه اللي فتحها يوسف من ثلاث سنين كان نفس توقيت جوازهم هي وقتها قالت هتسافر وترجع محطتش في بالي هي من بوم ما اهلها اتوفوا وهي كانت دايما تسافر يعني كا تضيع وقت تسليه سياحه سواء بره البلد او في ولايات امريكا ووقتها يوسف سافر عشان يبدأ شغل مكنتش اعرف اي حاجه محدش فيهم
ظهر عليه حاجه تخليني اشك
بالعكس دينا وقتها رجعت زي الاول واحسن وقدرت تتخطي كل الحزن اللي كانت فيه وقتها انا كنت مبسوطه جدا بالتغيير ده و معرفش ان هي وهو اتجوزوا ولحد انهارده يا دعاء مش قادره اعرف ازاي وليه وامته قدرت دينا تتغير معايا بالشكل ده ازاي قدرت تغير يوسف من ناحيتي انا والولاد ليه مكتفتش بيه زوجه تانيه من غير ما اعرف زي ما كانت ليه قررت تخرب بيتي ازاي قدرت تقسي قلب يوسف بالشكل ده وهي كمان ازاي اتحولت بالشكل ده دينا كانت بتحب البنات لدرجه متتخيليهاش هي تقريبا ربتهم معايا ازاي هانوا عليها وازاي قدرت ان شرط من شروطها البنات ميكملوش مع يوسف كل ما افكر في كل اللي حصل ده احس اني هتجنن مش قادره الاقي تفسير لكل ده حب يوسف ودعمه ووقوفه جنبي ازاي يتحول بالشكل ده دينا اللي مكنتش بحس بالامان انا وولادي غير معاها ازاي تقسي بالشكل ده كانت ممكن تكتفي بجوازها من يوسف بس ازاي تقرر انها تاخده وتاخد كل حاجه بملكها وازاي قدرت تبعده عن ولاده وهو راضي
دعاء مش يمكن هي كانت وحشه وانتي اللي مخدتيش بالك
دره مستحيل صدقيني يا دعاء من يوم اللي حصل وانا بحاول افتكر موقف او حاجه تخليني اشك انهم كانوا علي علاقه ببعض مفيش بحاول افتكر موقف خلاني اخاڤ من دينا او اشك فيها مفيش حتى التلات سنين اللي كانوا متجوزين فيها محدش فيهم غلط محدش فيهم عمل حاجه تلفت الانتباه عارفه يا دعاء انا كنت اتمني يغلطوا واتمني يحصل مواقف تخليني اشك عشان لما اكتشف متصدمش بالشكل ده
كان نفسي اقول زي اي ست بتتخان من جوزها وصاحبتها انها كانت حاسه بس حتى الاحساس ده مكانش موجود هما لعبوها صح يا دعاء ومش قادره اعرف لحد الوقت ليه عملوا كده ليييه هما هدفهم مكانش بس الجواز كان هدفهم كل حاجه بملكها انا وبناتي يا دعاء
دعاء بحزن بس انا نفسي اعرف ازاي سيبتي كل حاجه ونزلتي ازاي مرفعتيش عليهم قضيه يعني انا مفهمش اوي في القانون والحجات دي بس يعني هو عشان الحاجه اتاخدت بتوكيل يبقي ملكيش حق ترفعي عليها قضيه اقصد يعني زي هنا في مصر القانون لا يحمي المغفلين 
دره بالعكس القانون في امريكا غير اه كل حاجه خدها بورق سليم بس المفروض انهم بيبلغوني قبل ما يتصرفوا وبردوا دي كمان مش عارفه يوسف لعب فيها ازاي انا في رساله قدرت اجيبها بعد ما حذفها ودي كانت من البنك بس كمان هما بيبعتوا موظفين لحد البيت او في مقر عملك يسألوكي بس انا مشوفتش حد جالي يوسف كان واصل وليه معارف في كل مكان هناك ودينا كمان بسبب بباها ومامتها كان ليهم معارف كتير ويمكن في حد ساعدهم بس كل ده كان ممكن يتحل لو كنت رفعت قضيه وطعنت بالتزوير والسرقه وحجات كتير
دعاء وليه معملتيش كده هتقوليلي عشان هو ابو ولادي طيب ما انتي كمان كنتي ام ولاده وعشره عمره انتي وبناتك هونتوا عليه يا دره ومش بس كده انتي جايه من هناك وهو يا دوب حاجزلكم تذاكر الطياره وسايب في حسابك كام قرش وكأنه بيتصدق عليكي بيهم ونسي ان دي في الاساس فلوسك ليه يا دره سكتي ليه
دره بۏجع يمكن
عشان السبب اللي قولتيه يا دعاء اللي عشته مع يوسف مكانش وحش مفيش ذكريات وحشه تخليني اعمل فيه كده بالعكس هو في الغربه كان ليا زوج واب واخ و عيله ودينا كمان كان ليها افضال كتير عليا
مقدرتش اوجع بناتي يا دعاء لانهم كانوا متعلقين بيوسف جدا كان صاحبهم واخوهم كان بيدلعهم ومخليهم احسن حد في الدنيا قولت كفايه عليهم انهم يتصدموا في ابوهم ويعرفوا اللي عمله مش كمان هنقف قصاد بعض
بس السبب الاساسي اللي مخلانيش اقف قصاد يوسف ودينا والسبب اللي مخبياه جوايا حتي عن بناتي يا دعاء
هو اني خفت
دعاء خۏفتي من ايه يا دره ده انتي الحق كله كان معاكي اكيد كنتي هتاخدي حقك
دره انا مخوفتش اني مقدرش اخد حقي كملت باڼهيار انا خفت منهم هما يا دعاء خفت يعملوا فينا
حاجه قولت لنفسي اكيد مش للدرجادي مستحيل توصل معاهم للاذيه بس لما افتكرت كلامهم مكانش قدامي غير اني اخاڤ
لما جوزي اللي نمت في حضنه عشرين سنه حبيبي اللي عاديت الكل بسببه
ياخد مني كل حاجه بملكها ويخليني بهدومي لما يتجوز عليا صاحبتي لما اكتشف ان صاحبتي دي هي شريكته بدالي لما اسمع دينا بودني بتقوله ان البنات مش هيفضلوا وهو يوافق بعد ما كانوا حته من روحه حصل ايه عشان توافقها على كل حاجه بالشكل ده
ازاي قدرت تقسيك على ولادك بلاش انا 
يوسف عامل زي المغيب يا دعاء مش عارفه الفلوس والمكانه اللي بقي فيها والطموح ضيعوا عقله ولا دينا ماسكه عليه حاجه مخلياه يقول حاضر وطيب ونعم صدقيني خۏفت اعمل حاجه اندم عليها بعد كده خۏفت دينا ټأذي البنات ويتأذيني قررت اني اسيب كل حاجه
في ستين داهيه الفلوس وكل حاجه في مقابل اني اخد بناتي في حضڼي وارجع بيهم علي بلدي
دعاء فهماكي بس كمان يا دره بما انك جيتي لو ينفع تعملي كل ده وانتي بعيد عنهم اوعي تترددي تسييي حقك ابدا لو ينفع ترفعي عليهم قضيه متسكتيش
دره ينفع چاك المستشار القانوني بتاعي وكان ماسك كل شغلي هناك كان عايز يرفع قضيه بس انا اللي منعته واكيد لو طلبت منه يكمل بتوكيل مني هينفع
دعاء يبقي تعملي كده يا دره
دره خاېفه البنات يزعلوا خصوصا اني واثقه حتى بعد ما عرفوا اللي يوسف عمله هما لسه زعلانين ومتأثرين وبيحبوا
دعاء بيحبوا عشان ابوهم بس ده حقك يا دره واكيد هما مش هيرضيهم تسيبي حقك وتقبلي كل اللي حصل فيكي ده بناتك مبقوش صغيرين واكيد فاهمين كل حاجه ولو فرضنا انهم هيزعلوا منك يزعلوا لو هونتي على بناتك يبقي ميستاهلوكيش يا دره وانا بيتهيألي ان مهما كان حبهم لأبوهم عمرك ما هتهوني عليهم
دره هشوف يا دعاء انا بس مستنيه نستقر اكتر واشوف دراستهم هيحصل فيها ايه وبعد كده هشوف هتصرف ازاي 
دعاء خير يا حبيبتي اهم حاجه أنك رجعتي وسطنا وسواء حقك رجع او مرجعش كفايه ان انتي والبنات بخير كل حاجه بعد كده تهون و تتصلح واوعي تزعلي او تبكي عليهم انتي تستاهلي احسن حاجه في الدنيا وخساره فيهم صدقيني قولي الحمد لله
دره الحمد لله مسحت دره دموعها وبصتلها سيبك مني انا بقي واحكيلي انتي ايه اللي حصل في كرم وايه اللي غيره بالشكل ده انا لحد الوقت مصدومه ومش مصدقه ان ده كرم اللي كنت اعرفه
دعاء اللي شوفتيه ده جزء بسيط من كرم الجديد يمكن يا دره من يوم ما سافرتي وانا مجبتش سيره كرم كان كل كلامنا عن امك وابوكي واخوكي بس لما قررتي تنزلي بعد طلاقك قررت انا كمان نقولولك ان كرم لسه مستحلفلك يومها انتي استغربتي ازاي بعد كل السنين دي لسه فاكر بس كرم عمره ما نسي يا دره انا اللي كنت بنخبي عليكي مكنتش عايزه نشغلك بحجات مش هتغير حاجه انتي حبييتي واتجوزتي وسافرتي اه عرفتي ان كرم في الاول بهدل الدنيا بس حبيت اني نقفل على الموضوع عشان منشغلكيش خصوصا لما عرفت انك مبسوطه بحياتك الجديده ولما عرفت انك حامل وبقي معاكي عيال الكلام وقتها مكانش هيبقي ليه داعي انك تعرفيه
دره انا بردوا مش فاهمه ايه هو اللي مكانش لازم اعرفه و خبتيه عليا غير ان كرم في البدايه ڠضب وزعل ازاي طول السنين دي وهو لسه فاكر اللي حصل مكانش في حاجه تشغله طول السنين دي غير اللي انا عملته
دعاء لا يا دره مكانش فيه
دره يعني ايه مش فاهمه دي السنه بتعدي على اي حد فينا بتبقي مليانه احداث نتشغل ونتسحل فيها ايه كرم مكانش عنده طول العشرين سنه دول حاجه يتشغل فيها غير اللي انا عملته
دعاء بحزن لا يا دره مكانش عنده
دره ازاي وشغله وعيلته