بقلم أمير اسامه

وهيما حط ايده علي وشه 
كرم ااااااه قولوا كده بقي انا اصلا كنت شاكك فيكم والله
هيما بضحك لا والله مش زي ما انت فاكر انا اصلا مليش دعوه بالحوار ده 
كرم يلا افضحوا بعض 
احمد بص انت عارف اننا بنحفظ السر وعمرنا ما بنقوله
كرم وحصل ايه يا ولا السر سرب لوحده
حسن بضحك بما انه قفش الحوار خليني انا نفهمه

كرم اه يلا يا حيلتها فهمني 
حسن طبعا انا عارف الحوار ده من سنين مش من قريب
كرم كماااان ده انتوا ليلتكم سوده 
محمد بضحك يا جدع ما تتكلم علي طول هو ناقص تسخين 
بص كرم لمها 
مها ودين محمد ما ليا دعوه انا اصلا اول مره نعرف الوقت حالا ان حسن كان عارف
كرم ماهي ربايتك 
مها متتكلمش عالربايه يا خويا دول تربايتك انت وابوهم
كرم انا ربايتي متعملش كده يبقي ربايه جوزك 
بكر بضحك وجوزها ماله انتوا مش لاقينله مصېبه تحطوه فيها
كرم ماشي يا اخويا احكي يا سي زفت عرفت ازاي
نبيله استني بس يا كرم انت يا ولا عارف بقالك سنين ومقولتش
كرم متسكتيلوش
حسن بضحك هو ايه اللي متسكتيلوش كنت عايزني نفض سرك 
كرم ماهو اتفضح يا اخويا انت مش عرفته بس العيب عاللي عرفك
هيما يا ابني ما تنطق بدل ما يفجرنا
حسن طب ما تسكتواااااا اسمع يا عم
كرم عم ده انت ليلة اهلك سوده ربايتك يا عبدالله هاااا
عبدالله وانا مااااالي 
كرم انا بنعرفك بس هو جيل كله عايز ربايه
حسن طب خليني نقول الكلمتين
كرم هو حد حايشك
دره بضحك ما انت قاعد تتكلم صحيح
ضحكوا كلهم وبصلها كرم وهو بيضحك ورافع حاجبه انتي بتقويهم عليا
دره بضحك لا بس انت مش مدي لحد فرصه يتكلم 
كرم ماااااشي الصبر حلو
حسن اسمع في مره كنت انا وهما خارجين فا نزلت تحت عشان اروح اقابلهم في اخر الشارع قبل ما تشوفونا فا مها كلمت محمد قالتله اطلعلي انت في اليوم ده كنت ناسي في البيت ورق مهم واتصلت عليها عشان تبعتهولك مع حد فا طلع محمد خد منها الورق ونزل و جالنا علي اخر الشارع 
فا قالنا قبل ما نخرج لازم اروح بسرعه اعدي الورق ده علي كرم في المستشفي 
حك محمد ايده علي وشه وكرم بصله وهو رافع حاجبه ومبتسم 
محمد احيه
حسن بضحك انا وقتها اټخضيت فا سألته كرم ماله هو كويس فضل ا يبصوا لبعض وواحد يغمزله والتاني يضربه في كتفه
فا حلفت ما هنمشي غير لما نقعد عالخبر وعرفت كل حاجه بس حلفوني منجيبش سيره عشان متعلقهمش
دانه بضحك يعني مطلعتش انا بس اللي لساني فالت
محمد بضحك اسكتي انتي الوقت مش وقتك 
كرم ما صحيح انا مستأمن شويه عيال 
حسن لا بس انا صونت السر ووالله ما نطقت 
كرم جدع يا ولا مش زي ناس 
محمد ما خلاص بقي يا كيرو كانت ذله لسان وبعدين قالك من كذا سنه يعني مش من قريب
كرم ماشي يا اخويا هعلقك بعدين 
محمد ده انا حبيبك
كرم ولا اعرفك يا واطي 
كملوا قعدتهم و ضحكهم و هزارهم وانتهي اليوم نهايه سعيده علي الجميع
طلع حسن ودخل علي اوضته بعد ما دره قالتله كلم يوسف قوله انك لسه ملاقتش المكان بس انت مش بتدور 
دخل وقفل علي نفسه واتصل عليه 
يوسف الووووو
حسن باااااشا اسف يعني لو بنتصل في وقت متأخر يارب مكونش ازعجتك ولا صحيتك
يوسف لا يا ابو علي انا صاحب ايه شكلك جايب اخبار حلوه ولقيت المكان 
حسن متقلقش يا باشا الاخبار الحلوه جايه
جايه بس انا شوفت انهارده مكان بس حسيت انه مش مناسب هو مش بعيد وحواليه دوشه يعني اي حد ممكن يلاحظ دخولنا 
يوسف لا يا حسن انت عارف انا عايز المكان مواصفاته ايه وزي ما قولتلك اهم حاجه يكون المكان هادي 
حسن ما عشان كده انا قولت لا وان شاء الله بكره هنشوف مكان غيره انا بس قولت نكلموك عشان متفكرش اني ناسيك او خلعت بالفلوس
يوسف بضحك وانا قولتلك اني واثق فيك يا ابو علي
حسن تسلم يا باشا دي شهاده كبيره والله عموما انا قولت نطمنك وان شاء الله بكره نجيبولك اخبار حلوه الولا اللي قصدته في المكان قالي ان اكيد طلبي في مكان بكره اللي هيفرجني عليه 
يوسف إن شاء الله المهم اول ما تلاقي طلبي أجر علي طول متستناش و بلغني بسرعه
حسن اطمن يا باشا بكره انا معاك عالخط
يوسف تمام يا ابوعلي
حسن تؤمرني بحاجه يا باشا
يوسف شكرا يا حسن 
حسن تصبح علي خير
يوسف وانت من اهله 
بص حسن للموبايل بقرف وشتم يوسف في سره وبعدين أتصل علي سماح 
غيرت دره هدومها وقعدت علي السرير وهي حاسه انها طايره من كتر السعاده جانب من عقلها كان شغال في خطتها وعارفه كويس هي داخله عليه ايه الايام الجايه
لكن مكانتش حابه تفكر و تدي الموضوع أهتمام كبير وتفسد علي نفسها سعادة اليوم اللي بدأ من اوله بدايه جميله خروج البنات والشباب و رجوعهم بألف خير 
الحب و الدفئ و الفرحه اللي بجد وسط اهل منطقتها اللي أستقبلوهم أستقبال جميل يليق بالعشره الطيبه اللي بينهم 
اللحظه اللي كانت أشبه للحلم اللي عيشها فيها كرم في مكانه السري و حكايته عن حياته الخياليه معاها لحظه عمرها ما هتتنسي لأنها أتختمت في قلبها وعقلها 
وأخيرا وليس أخرا المفجأه الغير المتوقعه اللي فجأها كرم بيها وهي طلبه لايدها من زكريا قدام الكل 
وفي وسط ما هي سرحانه والابتسامه مس مفارقه وشها رن موبايلها ولمحت اسمه تلقائي ابتسمت وفتحت علي طول
كرم بحب وبعدين يعني هنفضل مستني كتير عشان تحني عليا وتنيميني جنبك حرام عليكي ده انا ھنموت من التعب وكلك علي بعضك وحشتيني
دره بحب وصوت واطي هو انا مش قولتلك متتصلش وانا هنكلمك لما البنات تنام
كرم لا بنقولك ايه انا طلبتك من ابوكي عشان ميبقاش ليكي حجه واعرف اكلمك اي وقت
دره قصدك خدتني علي خوانه ده انت فكرتني وليلتك مش فايته علي اللي عملته فيا يا ابن الرفاعي
كرم بضحكه جميله طيب بزمتك مش مفجأه حلوه
دره اكيد بس خلتني مش عارفه ننطق ولا حتي نبص لاي حد
كرم جيبت أخري يا دره ومبقتش قادر علي بعدك صحيح كان في بينا اتفاق بس الاتفاق ده عشان انتي كنتي طالبه اننا ندي فرصه للكل يحسوا بمشاعرنا وده كان حاصل يا دره بس مكانش عندي استعداد نستني لحد ما يجي حد فيهم ويسأل وقولت لازم نتكلم انا والاهم من كل ده اللي انتي كنتي عيزاه حصل
الكل طاير من الفرحه والبنات مبسوطين وموافقين فاضل ايه تاني بقي 
دره فاضل اكون معاك في نفس المكان يا كرم
كرم بحب قريب يا قلب كرم قريب اوي 
دره عارف يا كرم انا بحب الكلام معاك اوي
كرم بإبتسامه شقيه بتحبي الكلام معايا بس
دره انا بتكلم جد علي فكره 
كرم طيب قوليلي بتحبي تتكلمي في ايه
دره منقصدش كلام في موضوع معين انا نقصد الشعور نفسه 
كرم يعني ايه الشعور نفسه
دره ديما الناس اللي مبنحسش معاهم براحه بنهرب من الكلام معاهم وبنختصر في ردودنا علي قد ما نقدر أما الناس اللي بنحبهم بجد طبيعي يا كرم اننا نحب الكلام معاهم ومش بس كده ده احنا كمان بنستغل اي فرصه عشان نفتح معاهم اي كلام ولو مفيش موضوع مهم نتكلم فيه
بنلاقي روحنا بنفتكر ذكريات الماضي عشان بس نفتح اي موضوع وقعدتنا معاهم وكلامنا ميخلصش 
كرم وانا بقي من الناس اللي بتحبي تفتحي معاها اي كلام
دره اكيد بس اللي كنت نقصده من كلامي ان شعوري من ناحيتك مش محصور بس في اني نلاقي
اي حاجه نتكلم فيها معاك و خلاص 
كرم امال ايه اهم حاجه في الكلام معايا يا دره
دره الامان يا كرم كلامي معاك هدفه الامان لما بسمع صوتك لما بتكلمني اي حاجه بتقولها بجد بتطمني بتخليني نحس اني مش لوحدي يمكن بنسي انك حبيبي وبدور فيك علي الصاحب اللي بنتعري قصاده من كل اللي جوايا من غير ما نتكسف منه الاب اللي انا واثقه لما هتكلم معاه في اي حاجه هينصحني بكل حب هيطمني لو قلقانه هيقولي اهم كلمه بحب اسمعها منك 
أنا جبنك ويمكن الكلمه دي بتفرق معايا كتير
كرم وانا اكيد جنبك يا دره دي مش مجرد كلمه بنقولها وخلاص
دره عارفه يا كرم انها مش مجرد كلمه لانها لو كانت مجرد كلمه حلوه بتتقال وسط ابي كلام مكانتش هتفرق معايا اوي كده وبمجرد ما اسمعها اطمن
كرم طيب وحبيبي الجميل ايه بقي اللي مخليه قلقان ومش مطمن 
دره صدقني مفيش حاجه بس يمكن هو مجرد شعور بحس بيه وانا مبسوطه و ببقي قلقانه ان لحظات السعاده دي
يحصل فيها اي حاجه تخليني قلقانه 
كرم قلقانه وانا جنبك يا دره طب ازاي
دره انا عمري ما قلقت وانت جنبي يا كرم وده من زمان مش الوقت وانت عارف كده كويس كنت بعمل كل مصېبه ومصېبه واجري عليك عشان عارفه انك هتطمني بس انا مش حابه اقلقك والله بس الفتره دي يمكن انا بمر بشعورين عكس بعض تماما
كرم وايه هما الشعورين دول
دره أحساسي بين اني مالكه قوة العالم كله بين ايديه ومش خاېفه من اي حاجه ولا من اي حد وفي نفس الوقت جوايا حاجه موتراني ومخلياني قلقانه 
قولي يا كرم ازاي اقدر أتخطي شعور التوتر والقلق واخلي شعور احساسي بالقوه هو اللي يبقي اقوي 
كرم هاتي الحاجه اللي بتفكري فيها و وصلتك للتشتت ده وحطيها بين ايدك وبصيلها كويس وبصيلها هنا المقصود بيها لا تبصي بعينك ولا بقلبك هتبصيلها بعقلك وتسألي نفسك 
الحاجه دي تستاهل انها تشتتك وتخليكي قلقانه وخاېفه ولا تستاهل مجازفه تثبتي فيها قوتك
اسألي نفسك انتي عايزه ايه عايزه تنصري علي خۏفك ولا عايزاه يتملك منك
دره بس لو انت واخد قرار ان مفيش حاجه في الدنيا تاني ممكن تخليك خاېف او قلقان مفيش حاجه هتيجي عليك من بعد انهارده وهدفك هو انك تمحي الخۏف وتثبت نفسك وتظهر قوتك وانت عارف انك هتقدر تعمل كده
بس بردوا احساس الخۏف لسه مسيطر عليك تعمل ايه
كرم اهم خطوه من خطوات النجاح وإثبات الذات وإن محدش يجي عليكي تاني يا دره
هي انك تقرري من جواكي ان مهما يحصل انك مش هتفشلي وهتوصلي
الدنيا عايزه القوي وعشان تتغلبي علي كل ده لازم تكوني مقاتله و محاربه حاربي الفشل حاربي الۏجع حاربي اي حد جه عليكي في يوم حاربي ضعفك وخۏفك
قاټلي بكل قوتك عشان توصلي للي انتي عيزاه النجاح مش سهل وعشان تحسي بلذة الانتصار لازم تقاتلي يا دره 
أحساسك بالفشل ممكن يرعبك من جواكي ويحسسك انك متستاهليش حياه ناجحه ولو فضلتي مركزه في خۏفك اللي جواكي من الفشل هتتشتي ومش هتعرفي تخرجي من الانتي فيه 
في اوقات بيحصل اختبارات لروح الانسان بتبقي قاسيه وصعبه 
كلنا مرينا بأختبارات زي دي لدرجه اننا بنسيب اي حاجه في ايدنا وبنبعد مبنبقاش عايزين اي حاجه خوفنا وفشلنا هو اللي بيطلب مننا البعد والتخلي و احساس الضعف بيسيطر علينا عشان احنا من جوانا بنقول اننا هنفشل 
بس زي ما قولتلك لو عايزه تنجحي وتتخطي اي حاجه سلبيه مريتي بيها في حياتك 
يبقي لازم تعملي شويه خطوات
اول خطوه تكرهي الحاله اللي انتي عليها الوقت وتختاري القوه
تاني خطوه لو انتي رافضه