خديجة -1

١٢
ارحمني ارحم ضعفي بين ايديك انا تعبت 
جمله قولتها وانا پصرخ وهو نازل ضړب فيا بالحزام وامي واقفه تتفرج مش قادره تلحقني من تحت ايديه وكل صرخه مني مع كل ضربه بالحزام كانت بتهز العماره .
لغايه اما الباب خبط وكانت جارتنا جت تلحقني من تحت ايديه بعد ماسمعت صړيخي وانا بترجاه يرحمني شدوني من تحت ايديه بصعوبه وخدتني علي شقتها اللي بتكون في وش شقتنا كنت بعيط باڼهيار وشهقاتي وسط بكايا كانت تقطع القلب
جارتنا حضنتني اهدي يا حبيبتي خلاص محدش هيقربلك 
انا تعبت يا طنط تعبت 
دخل علينا ابنها مروان كان راجع من شغله

بصلي بجديه وبص لمامته وقال في ايه 
انا مقدرتش ارد من كتر العياط والاحراج كمان 
مامته ردت عليه وقالت اللي ربنا ينتقم منه اخوها ضاړبها وزي مانت شايف مبوظ وشها وجسمها بالحزام وانا لحقتها بالعافيه من تحت ايده
بصلي واتعصب انتي ازاي سايباه يضرب فيكي كل يوم والتاني 
ببكا رديت عليه وانا اعمل ايه انا اضعف من اني اقف قصاده 
في حاجه اسمها قسم شرطة تنزلي تعمليه في محضر يربيه شويه 
عشان بعدها اكون قي قبري 
خلاص انا رايحله اشوف اخر القرف ده ايه . 
قام عشان يروحله لقيت نفسي بتلقائيه مسكت ايده ارجوك متروحلوش ارجوك ابعد عنه ليأذيك شكله مش طبيعي وشارب حاجه ارجوك يا مروان ابعد عنه .
بصلي شويه وسحب ايده هو انا هخاف منه مثلا 
ارجوك بلاش عشان خاطري بلاش 
مامته ردت اه يا مروان اقعد بلاش ليعمل معاك احنا مش ناقصين 
اتعصب ونسيبه يضرب في البت وېهينها كل يوم 
رديت بكسره وعيون ماليها الۏجع اتعودت على ۏجع القلب متخافش .
بصولي بحزن علي حالي ومامته خدتني في حضنها وطبطبت عليا وانا دموعي مش راضيه توقف .
بعدها بشويه امي جت خدتني من عندهم وقالتلي ان اخويا مشي فا استأذنتهم ورجعت بيتنا 
ام مروان بصتله وقالتله مسكينه خديجة 
ابوها الله يرحمه قسي علي ابراهيم وزرع فيه القسۏه وفي الاخر جه كله دماغ المسكينه دي
طب طب ما ترحمها من اللي هي فيه 
انا !! ازاي وانا في ايدي ايه
في ايدك تتجوزها اهي خديجه بنت ناس ومحترمه ومفيش في جمالها بس حظها قليل ودنيتها جايه عليها ومحتاجه حضن تستخبي فيه من القسۏه اللي هي عايشاها 
ات ايه انتي بتهزري يا ماما اتجوز ايه
يابني وماله اما تتجوز وبعدين دي خديجه اللي كنتو مبتفارقوش بعض وانتو صغيرين 
اديكي قولتيها واحنا صغيرين وانتي عارفه كويس انا مينفعش معايا ولا هي ولا غيرها 
يابني هتفضل ډافن نفسك بالحيا كده لامتي مانت لازم تعيش وتستمتع بحياتك 
ولو اتجوزت واتعلقت بيا وخلفنا ايه مصير الطفل يتظلم ليه وهي كمان ذنبها ايه وانتي عارفه كويس انه كده ظلم ليها وللطفل 
يابني ولا ظلم ولا حاجه انت اللي قافل علي نفسك اوي ومخوف نفسك من المستقبل والاعمار بيد الله 
ماما اقفلي علي الموضوع 
انا خديجه بنت بسيطه في كليه رياض أطفال ابويا مټوفي وعايشه مع امي واخويا او بمعني اصح عملي الاسود كلمة كره قليله علي اللي بحسه ناحيته عذاب وضړب واهانه من غير اي سبب كل ذنبي اني من اب تاني من يوم مابويا سابني واټوفي وهو موريني العڈاب الوان كرهني في اليوم اللي جيت الدنيا فيه فكرت في الاڼتحار مرات ومرات بس كنت برجع عن تفكيري ده ماهو مش هيبقي عذاب دنيا واخره اما بقي عن مروان فاهو الجانب الحلو اللي في حياتي وصديق طفولتي عشت معاه نص عمري وانا صغيره كان اول حد ېلمس ايدي ويبوسني اول ماتولدت هو اكبر مني ب ٤سنين لعبي ومذاكرتي ومدرستي كانو معاه لسه فاكره اما عيطت وانا صغيره وفرجت الشارع كله عشان شوفته رايح الحضانه وكنت عايزه اروح معاه وفعلا بناء علي رغبتي وعياطي ودوني الحضانه معاه وبعدها بردو جمعتنا مدرسه واحده فضلت حياتي مع حياته لغايه اما دخلت اعدادي ساعتها بعد عني بلا سبب معروف مبقتش اشوفه الا صدف مبقاش فيه بينا كلام حتي لو اتقابلنا صدفه لكن كبرت وحبه بيكبر في قلبي عشت وكبرت علي امل انه يرجعلي مروان صديق طفولتي وحبي