خديجة -1

الاول والاخير ولغايه يومنا ده قلبي مبيدقش غير لي وبراقبه دايما من بعيد بستني المح طلته كل يوم الصبح وهو نازل الشغل او مقابله صدفه علي السلم يمكن بهرب من ۏجع وقسوه حياتي في حبه اللي ملي قلبي وبيطبطب عليه رغم انه مش حاسس بوجودي وهيفضل الدعوه اللي مبتفارقنيش اما بقي عن طنط كاريمان مامته او كرميلا زي ما بقولها دي امي التانيه واللي جابتني للدنيا دي اصلها هي اللي ولدت ماما لانه كان يوم صعب وشتا وبابا مش موجود مش بقولكم مروان اول واحد لمسني حقيقي احن انسانه عليا يمكن اكتر من امي كمان ده كفايه عليا انه خلفتلي مروان 
تاني يوم الصبح صحبتي رنت عليا عشان عندنا محاضره وللاسف كنت مخنوقه اني هنزل قبل ماشوفه 
اوووف ايه يا هاجر كل ده رن ايييه المحاضره هتطير 
اه هتطير حبيب القلب هو اللي مش هيطير 
لمحته خارج من باب العماره شدتها ورا شجره عشان اشوفه من غير ما يشوفني 
يا محڼي 
هاجر 
خلاص سكت وبعدين انتي لابسه نضاره شمس ليه واحنا الدنيا شتا اصلا ومفيش شمس اقلعيها واكله نص وشك
قلعت النضاره وبصيتلها بۏجع وبصيت في الارض 
يالهوي يا خديجه هو اللي عامل في وشك كده
اتنهدت تنهيدة ۏجع ادعيلي يا هاجر ادعيلي عشان انا تعبت 
بس بس اهدي تولع المحاضره تعالي نروح اي مكان نقعد فيه .
روحنا كافيه قعدنا فيه وقعدت اعيطلها تعبت يا هاجر تعبت بجد 
هانت وكلها شويه ويجيلك ابن الحلال اللي يريح قلبك ويخلصك من العڈاب ده
تفتكري هيحس
هو مين
مروان 
يخربيت مروان علي سنين مروان يا ستي واجعه قلبك ليه بواحد مش شايفك 
بحبه طول عمره واحنا صغيرين كان حنين عليا يا بنتي دانا كنت من اول مافتح عيني اجري علي شقتهم والعب معاه طول اليوم دانا كنت بفطر واتغدا واتعشا عندهم وكنت بذاكر معاه ويشرحلي اللي مبفهموش ولا اما حد يضايقني في المدرسه وكان يضربهولي جه اما دخل تقريبا تانيه ثانوي فاجأه كده اختفي من حياتي وسافر كام شهر هو واهله ورجعو تاني بس رجعو معاهم شخص تاني كأنه ولا كان يعرفني اللي هو لدرجادي كام شهر سافرهم نسوه خديجه طفلته يمكن سنين عدت واحنا زي الاغراب بس هيفضل هو مالك قلبي 
ربنا يريح قلبك ويرزقك اللي يستاهلك يا ديجا 
قلب ديجا انتي حقيقي انتي مهونه عليا كتير يا هاجر
طبطبت علي ايدي يا روحي انا دايما جمبك 
جه صوت من ورانا هاجر ازيك 
ردت هاجر عليه احمد ازيك اخبارك 
تمام ايه مش تعرفينا 
ابتسمت خديجه صحبتي وده احمد ابن عمي يا ديجا احم احم ومتقدملي 
شهقت پصدمه وفرحه بتهزري
والله مابهزر انا لسه كنت هفاجئك وافتح معاكي الموضوع لقيته
ضحك وقالي عقبالك 
ضحكت طالما هاجر اتخطبت يبقي النحس اتفك وهتفرج قريب 
ضحكو وانا ضحكت جامد من قلبي بفرحه لهاجر لكن لحظات الفرحه مبتكملش ابراهيم اخويا كان داخل الكافيه ومعاه واحده ولمحڼي وانا واقفه بضحك مع هاجر واحمد جه بسرعه عليا ومسكني من دراعي جامد هو ده الكليه يا روح امك
اااه ااه ابراهيم سيب ايدي هفهمك
شخط فيا اسيبك دانتي يوم اهلك اسود 
جرجرني قدام الناس و هو بيشتم فيا وماسكني جامد وانا اكتفيت بالسكوت ودموعي اللي نزلت
وصلنا البيت رماني ونزل بالقلام عليا 
امي قالتله حرام عليك يا ابراهيم كل يوم ضړب وتلطيش فيها حرام عليك هي عملت ايه لكل ده
بتستغفلنا بنت ال .. دي بتقول نازله الكليه وهي رايحه هي وصحبتها تقابل واحد في كافيه 
صړخت بعياط والله العظيم ابدا انا تعبت شويه فا هاجر خدتني علي كافيه اهدا انهارده وقابلنا احمد ابن عمها وخطيبها بالصدفه والله 
صدفه بردو دانا هربيكي من اول وجديد يا رخيصه 
فضل يلطش فيا وانا بعيط وبكتم صرخاتي .
جرجرني من شعري ورماني على السلم _ خلي السلم يلمك بقي وحياه امك لابيتك عليه 
حرام عليك انت ايه يأخي انت ايه شيطان 
جه بكل قسوه وعڼف لطشني قلم من قوته دماغي