خديجة -1

يلااا
اممم
يلااا
غمض عيونه اوي وغنا باحساس اوي خارج من قلبه _ 
سنين شايفك في احلامي بنادي عليكي ضميني ليالي كنت مش عايش ومستنيكي تحييني وحشتيني وحشتيني سنتين بعدك على عيني ليالي كنت مش عايش ومستنيكي تحييني
صفرلته الله عليك يا عظمه مع انك كروت وغنيت جزء صغير بس عظمه ايه الصوت ده يابني بجد 
ابتسم ها يا ماما حكمك 
ضحكت وقالت لا حاجه بسيطه خالص قول سر عمر ماحد عرفه عنك 
يالهوي ايه الاحكام دي 
ضحكت وشجعت طنط الله علي احكامك يا كرميلا يا عسل انتي
غمض عيونه وقال حبيت مره واحده ولغايه انهارده مطلعتش من قلبي ولا هتطلع وهتفضل اول واخر والطف حد مر علي قلبي .
ساعتها اتوجعت اوي وابتسمت كده بكسره هقوم اعمل حاجه نشربها 
قومت بسرعه وسبتهم عشان معيطش قدامهم وطلعت علي البلكونه ودموعي نزلت .
شويه ولقيت اللي حط ايده علي كتفي اټخضيت واتنفضت جامد 
اهدي اهدي ده انا ...ايه ده انت بټعيط با لمبي 
ضحكت وانا بمسح دموعي لا ابدا 
يا شيخه امال ده ايه مطر مثلا 
ابتسمت يمكن 
انا اسف لو ضايقتك
لالا ابدا افتكرت بس حاجه ضايقتني مش اكتر
بجد
بجد 
مسك ايدي طب يلا ندخل الجو برد اوي هنا 
مسكته لايدي خلت جسمي يترعش 
طبطب علي ايدي اما حس بالرعشه دي وقالي اطمني .
ابتسمت بهدوء ودخلت معاه عملنا سحلب وجبنا بطانيه وقعدنا كلنا نتفرج علي فيلم وكانت حقيقي ليله من الطف الليالي اللي في عمري ياااه علي طعم الامان اللي دوقته في بيته عمري ما حسيته في اللي كان مفروض بيتي وسط اهلي. 
يلا ادخلو اوضتكم نامو وانا هدخل الاوضه دي 
ردينا في صوت واحد ايه اوضتنا 
اه اوضتكم مالكم 
رد عليها ا ا اه اه هندخل يلا قدامي يا خديجه 
برقتله شاورلي اني ادخل واسمع الكلام ودخلنا الاوضه 
ايه البلوه السودا اللي انت حطتنا فيها دي 
مش انتي اللي أصريتي انها تبات اشربي بقي 
طب طب هنعمل ايه 
عادي هنبات هنا واحد علي الكنبه وواحد علي السرير 
بس بس انا بخاف 
من ايه 
من ان حد ينام معايا في الاوضه 
الناس الطبيعيه پتخاف من العكس انها تنام لوحدها مثلا جديده دي انك تخافي حد يبقي معاكي 
دموعي نزلت قدرك بقي انك تقع في واحده معقده 
هو السبب بردو 
طول ما الباب مش مقفول عليا بالمفتاح وانا نايمه مبطمنش ولا انام بخاف يدخل يضربني وبخاف كمان من اي صوت حواليا وبصحي من اقل حاجه
طب وهتخافي مني صدقيني عمري ما هأذيكي انا عمري ما هبقي زي الحيوان ده 
عارفه 
يبقي متقلقيش يا ستي وعدي الليله دي بس . 
هزيت راسي بحاضر وسكت قعدت علي الكنبه وهو اخد السرير فضلت قاعده علي الكنبه وحاضنه نفسي پخوف لغايه اما روحت في النوم وللاسف حلمت بكابوس حلمت با ابراهيم بيدبحني وامي واقفه تتفرج من غير ما تعمل حاجه وكنت پصرخ لكن مش طالعلي صوت لغايه اماصحيت من النوم وانا پصرخ فعلا
لقيته قام بسرعه مخضوض وجابلي مايه اشربها وانا بشهق وروحي مسحوبه وبنهج بطريقه بشعه 
ومسكت في ايده جامد وانا بتهته مت مت متسبنيش هيقتلني هيقت لني 
كانت حالتي صعبه لدرجه انه معرفش يعملي ايه غير انه حضني عشان اهدي كنت في حاله هستيريه من الخۏف وحضنه طمن قلبي وسكنت جواه فضلنا علي الوضع ده كتير لغايه اما نمنا زي ماحنا 
الصبح صحينا بصنا لبعض وصرخنا احنا الاتنين وبعدين ضحكنا اوي
انت ايه اللي جابك هنا
ما سيادتك طول الليل ټصرخي وكنتي تقريبا روحك بتطلع 
مش عايزه افتكر مش عايزه افتكر 
خلاص خلاص اهدي كل حاجه تمام مټخافيش 
خرجنا نفطر مع مامته لقيتها بتقول _ واد يا مروان عمامك في الصعيد عرفوا انك اتجوزت وعايزينك تروح بعروستك عشان يشوفوها 
يشوفوا ايه هي عروسه المولد
يابني معلش عمامك بردو وفرحانين بيك 
بصلي وقالي وانتي ايه رائيك 
اللي تشوفه 
ردت مامته يبقي خلاص تتوكلو علي الله انهارده وبلاش عربيتك عشان المسافه طويله وهتتعب من السواقه كل ده 
طيب قومي يا خديجه جهزي الشنط 
قومت حضرت شنطنا كنت خاېفه انا حقيقي بقيت خاېفه من الناس لدرجه اني مبقتش انزل الكليه اقوم اسافر