رواية مكتملة بقلم آيه السيد -١
المحتويات
المحادثه إلي بينك وبين أي بنت خلي مامتك تقرأها أو أي حد من أسرتك لو قدرت تعمل كده يبقا كمل..
محدش رد فكمل يزن
ربنا سبحانه وتعالي هو إللي خلقنا وهو العالم بقلوبنا وقال ولا متخذات أخدان يعني مينفعش تتخذ الفتاه من الشاب صديق أو العكس
محمد بسخرية
إيه يابني التشدد ده!!
يزن
أنا نصحتكم وهخرج من الشات إلي حابب يكمل هو حر والسلام عليكم
سيبكم منه يا جماعه إحنا مكملين
فخرجت سحر بعد يزن لأن كلامه كان مقنع جدا وكبر في نظري...
كنت لسه هخرج لقيت محمد أرسل
دي اسكرين للأستاذ وهو بيحب في سحر على الخاص بس هو من أول يوم عايز يفركش الجروب!
لما افتكرت كلام منه عنه احترت ورجعت تاني للصراع إلي جويا بين مين فيهم صح!!!
فعلا مرام كان معاها حق حوراتهم كتير وتعبوني نفسيا..
تسائلت يا ترى منه هي كمان خرجت عشان عرفت إن كده حرام!! ويا ترى خصامنا ده أخره إيه لأنها وحشتني قوي!! ولسه جوايا جانب بيحبها وبيلتمس لها العذر حتى لو هي غلطانه!
كان باقي يوم واحد على خطوبة عصام بس لسه معرفتش مين العروسه!!
روعه وحنين قرروا يزوروا شهد لما غابت عن الكليه أسبوع كامل ...
سألو على البيت لحد ما وصلوا الشارع دخلوا يسألوا في صيدلية عصام وكانت منه واقفه فيها...
حنين
ازيك يا منه إيه يا بنتي مش بتيجوا الكليه ليه
منه بسخافه وصدمة
إيه إللي جابكوا هنا!
روعه بغيظ
إي... إيه.. هي دي طريقه إستقبال!!
أا.. أصل شهد لا بتيجي الكليه ولا بترد على موبايلها فاحنا قلقنا عليها
منه بخبث
وأنا إلي افتكرتكوا جاين تباركولي!!
نظروا لها بتسائل فاكملت باستفزاز
أصل أنا هتخطب للدكتور عصام بكره
روعه بابتسامة جليديه
فعلا! ألف مبروك يا حبيبتي
منه بسخافه
اسمها مبارك ولا إنت بقا قاصداها!!
بصت لها روعه من فوق لتحت وخرجت من الصيدليه وهي بتنفخ بغيظ وتغمغم
بدلت حنين نظرها بين الاتنين وبعدين بصت ل منه وقالت بتلعثم
مبارك يا منه... أأ.. هو فين بيت شهد!
الله يبارك فيك والعقبه لك... وبيت شهد إلي هناك ده
قالت اخر جمله وهي بتشاور على بيت شهد وبعد ما مشيوا وقفت تبص عليهم بضيق وض ربت إيديها في الجدار بعصبيه...
لاحول ولاقوة إلا بالله العلي العظيم
أنا كويسه بس كنت تعبانه شويه
قالتها شهد لما سألوها روعه وحنين مبتحيش الكليه ليه!
مدت روعه إيديها بأجندة صغيره وقالت
طيب خدي أنا كتبتلك ملخص الحاجات إلي فاتتك في النوته دي
قلبت شهد في النوته وقالت بامتنان
شكرا يا روعه
روعه بابتسامة
عيب يا بت إحنا اخوات
حنين بابتسامة
وأنا بقا مسجله المحاضرات هبعتهالك كلها على التليجرام
تسلمي يا حنين بجد مش عارفه أقولكم إيه
روعه
متقوليش حاجه أهم حاجه اجمدي كده عشان الامتحانات باقيلها أقل من شهر
قلت بوداعه
إن شاء الله
قاطعنا صوت دوشه بره أوضتي فخرجنا بسرعه..
وقفت مكاني مصدومه لما شوفت حالة عبيده اللي قاعد على الكرسي في الصالة وجنبه شادي وحوليه ناس من الشارع كان مجبس ذراعه ورابط رأسه وشكله متد مر زي ما يكون عامل حاډثه....
شادي كان بيحاول يطمن أمي إلي پتبكي..
والله يا طنط الدكتور طمنا
قال عبيده بنبرة خافته وبتعب
متقلقيش يا ماما دي حا دثه بسيطه
مقلقش إزاي يا قلب أمك! دا إنت متبهدل أخر بهدله!
أنا كويس والله بس عايز أنام دخلوني على السرير
سنده شادي وهو بيقول لأمي
اعمليله أكله حلوه من إيدك بس يا طنط وهو هيقوم زي القرد
كل ده كنت متبعاه پصدمه وروعه وحنين واقفين جنبي بصمت..
كل زعلي من عبيده اختفي وسيطر عليا رغبة
متابعة القراءة
