رواية مكتملة بقلم آيه السيد -١
المحتويات
عمله بس هو كان فاكر إن ده واحد صاحبه....
أخد اسكرين للأكونت بسرعه وبعته في شات مشترك بينه وبين أصحابه وكتب
ده مقلب من حد منكم يا شباب
كانت خطوة متأخره منه وكلهم أكدوله إن محدش فيهم عمل كده هز رأسه باستنكار وفتح الشات لقاها بعتاله صور تانيه ليها وهي بتزاكر وصوره وهي بتضحك وصور تانيه..
ولما لقى نفسه منجذب ليها وبيبص لصورها وملامحها الجميلة تخيل أخته مكانها وإلي ميرضهوش على أخته مش هيرضاه على بنات الناس.
بصي يا روعه أنا آسف لأني كنت فاكر إن ده مقلب من أصحابي وكنت بجاري إلي بيكلمني ونصيحه من أخ لأخته عيب تقولي كده وعيب تبعتي صورتك لأي شخص حتى لو بنت وأخر مره تكلميني وأنا إلي هبدأ بالبلوك
أرسلت له
أنا بحبك يا عبيده متسيبنيش وإلا هم وت نفسي
عملها بلوك بسرعه وهو ندمان وبيلوم نفسه كان لازم يتأكد قبل ما يتمادى معاها في الكلام!
بس بقا معايا أدله ومستندات تقول إن الشيخ عبيده طلع شمال!
مرت الأيام وبعدت عن السوشيال ميديا فترة الإمتحانات..
لما خلصت بدأت أتفرغ للجروب إلي كبر إلي حد كبير خلال السنه دي وعملنا بيدج كمان عشان نوثق نجاح الجروب الدعوي الهايل ده...
وجه يوم النتيجة والشارع كله كان فخور بينا
وكمان روعه وحنين مجموعهم يدخلهم صيدله فدخلنا مع بعض كليه واحده وتوطدت علاقتنا أكتر...
منه بدأت تشتغل في صيدلية عصام بس نصحتني مشتغلش معاه ولو عايزه أشتغل أشوف صيدليه تانيه عشان متعلقش بيه
وكانت دائما تنصحني أدعي ربنا يرزقني بيه في الحلال في كل سجده.
يا شهد سيبي موبايلك وركزي معايا شويه
نعم يا ماما اتفضلي كلي آذان صاغية
مسكت الموبايل تاني وقالت أمي
انزلي السوبر ماركت هاتيلي عدس بجبه ولو ملقتيش في السوبر ماركت الي تحت روحي هاتي من الشارع إلي ورانا ومتجيش من غير العدس يا شهد
وقفت وأنا بلعب في موبايلي وقلت
لبست الإسدال ونزلت وأنا بردد عدس بجبنه
دخلت السوبر ماركت وسألت صاحبه
لو سمحت عاوزه عدس بالجبنه
ضيق جفونه وقال بتعجب
عدس بالجبنه!!! لا معندناش والله
خرجت من السوبرماركت ودخلت واحد تاني سألت صاحب البقاله
عندك عدس بالجبنه يا عمو!
أنا أول مره أسمع عنه ده! هو فيه عدس بالجبنه!! العدس إلي عندي أصفر وبجبه
لا أنا عايزه بالجبنه..
خرجت من البقاله وبدأت أتنقل من محل لمحل عشان أجيب لماما طلبها لحد ما قابلت عبيده الي شاورلي ولما روحتله سألني
بتلفي على إيه!
قلت بنفاذ صبر
أمك عايزه عدس بالجبنه.. بقالي ساعه بلف عليه ورجلي وجعتني!!
ضحك عبيدة وقال
مفيش حاجه اسمها عدس بالجبنه... قصدها عدس بجبه يا جاهله..
متأكد!
ضحك جامد وهو بيقول
متأكد يا فراشه
كمل بجدية
طيب متصلتيش عليا ليه أجيب وأنا جاي!!
ماما طلبت مني يا عبيده وإنت عارف ماما لو رجعت البيت من غير العدس هتشلوحني
ضحك وقال
طيب استني هنا يا فراشه هجيبلك عدس بالجبنه وأجي
دخل عبيده وهو بيضحك إشترالي العدس ورجع معاه واحد صاحبه شاب نفس طوله ونفس عمره حتى نفس ذقنه وبيضحكوا مع بعض قعدت أتأمله وأنا بقول لنفسي دا لو منه شافتني هتقيم عليا الحد...
واتمنيت إنه يكون عريس وأنا أشيل عصام من دماغي وأوافق بيه اه والله!!!
شادي استنى عبيده بعيد شويه وقرب عبيده مني قال
خدي يا فراشه العدس والشيكولاه دي ليك... بس ايه طيران على البيت عشان معايا ضيوف
سألته ببلاهه
يعني
متابعة القراءة
