رواية بقلم هاجر عمر -1

 Part 1
يعنى ايه ! عايز تجوزنى ڠصب يا جدى هو انا بنت هتغصبها ! 
وقف بعصبية عيونه حمرا و بيواجه جده اللى قاعد بهدوء ساند على عكازه بوقار 
جده بقوة و حزم والله عال يا سي مروان كبرت و صوتك اخشن و بقى يعلى على جدك
كتم غضبه و اتكلم بحرج انا اسف يا جدى مش قصدى بس اللى انت بتقوله دا يستحيل يا جدى ف زماننا دا مفيش بنت بيجبروها ع الجواز مش راجل
وقف بصرامه و اداله ضهره و لما يبقى الراجل دا مش عارف مصلحته يبقى لازمله حد يعرفه
رفع حاجبه بزهول تقوم تجوزنى لا و مش اى حد دى فلاحة بقى انا اللى الف بنت تتمنانى و بيجروا ورايا اتجوز على اخر الزمن فلاحة !! لا كمان خرسة ! و جيلان حب حياتى انا كنت خلاص بخطط اتقدملها و كنت جاى اقولك على قرارى

بسخرية جلات ايه ديه !! دا حتى اسمها ماسخ شبه خلقتها بنت مايعة زى الاكلة اللى ناقصة ملح ما لهاش طعم
بضيق يا جدى اسمها جيلان جيلان مش جلات و بعدين يا جدى عجبانى و بحبها
بصرامه حبك برص .. اللى انا قولته هو اللى هيتنفذ هتتجوز العروسة اللى اختارتها و مش عايز دلع ماسخ
باحترام لا يا جدى اسف انت عارف انا قد ايه بحبك و بحترمك و انفذلك اى طلب بس دا بالذات مش هقدر انفذ رغبتك
رفع عكازه ف وشه بټهديد ما هو اسمع بقى يا تتجوزها يا انت لا حفيدى و لا اعرفك و اعتبر ان جدك ماټ
قرب منه يقنعه بس يا جدى
اداله ضهره و قاطعه بحزم مبسش انا قولت اللى عندى يا تتجوزها و تبقى حفيدى اللى بفتخر بيه يا تعتبرنى مت
اتراجع بضيق و خرج من الثرايا بسرعة ركب عربيته و خرج يلف بيها ف البلد بضيق يفكر ف كلام جده و سرحان فجأة لقى بنت بتجرى قدامه حاول يوقف العربية بس ما لحقش و خپطها 
نزل بسرعة بضيق يشوفها لقاها قاعدة ع الارض ماسكة رجلها و پتتوجع و مغطية راسها و وشها بشال و مش باين غير عيونها قرب منها بعصبية و زعق 
انتى ما بتشوفيش عامية
بصتله پخوف و توتر .. اتعلق بعيونها لونها غريب مش عارف يحدد لونها و خصلات من شعرها البندقى بتداعب رموشها .. وقف مكانه مش عارف ينطق عيونها اجمل من اى بنت شافها ف اوروبا و يكاد يجزم انها اجمل من عيون جيلان .. جيلان !! جيلان اجمل بنت و اللى الرجالة كلها ټموت بس عشان نظرة منها بل ما فيش اوجه مقارنة بينهم اتمنى يزيح الشال عن وشها يشوفها .. لحد هنا و فاق من تفكيره 
لقاها لمت الفاكهة اللى وقعت منها بسرعة و هى بتتلفت وراها خدت الفاكهة و سابته و جريت 
ابتسم ابتسامه لعوب شكلنا هنتسلى كتير هنا
ركب عربيته و رجع ع الثرايا بعد ما قرر يوافق على العروسة ارضاءا لجده و مفيش مانع يتسلى شوية معاها تحت نطاق شرعى 
ضحك على تفكيره الخبيث و دخل الثرايا يصفر و راح لجده اوضته 
جدى
بثبات اتمنى تكون جايب رد يسعدنى
قرب منه و على وشه ابتسامة انا موافق يا جدى كله الا زعلك 
مسك ايده و طبع عليها قبله احترام و حب 
جده بابتسامه رضا طبطب على كتفه كنت متأكد انك هتوافق و صدقنى مش هتندم ابدا .. انهاردة باذن الله هنروح نشوف البنت و نقرأ الفاتحة و الفرح بعد اسبوع
بابتسامه غامضة اللى تشوفه يا جدى اما حاحة رضاك
سابه و مشي و هو بيخطط للى جاى و على وشه ابتسامه خبيثة و جده بيتمتم بالادعية و فرحان انه وافق 
جه الليل و راحوا للعروسة و قاعد بلا مبالاه و فجأة سمع صوت زغاريط .
دخلت و ف ايدها صنية شربات و لابسة فستان بسيط يشبه الفساتين المنتشرة ف الارياف و على راسها شال شفاف و باين خصل من شعرها 
قربت منهم تقدم الشربات و عيونه متابعها بتسليه و مركز مع تفاصيل جسمها من اول ما عينه وقعت عليها لحد ما قربت منه تقدمله كوبايته و اتلاقت عيونهم اټصدمت و فضلت متوترة لا يعرفها بس فات الاوان عرفها من عيونها زى البصمة مالهاش مثيل اتبدلت ملامح الصدمة على وشه بابتسامه خبيثة
قطع نظراتهم صوت جدتها و هى بتزغرط 
قعدت ف وسطهم بتوتر خاېفة لا يتكلم او يكون عرفها
جده سليمان طب نسيب العرسان شوية
جدتها بلهفة اه طبعا امال اتفضل يا حاج من هنا
خرجوا و سابوهم و هو بيراقبها بتسلية و اتكلم انتى بقى الفلاحة الخرسا 

يتبع...
أحببت_بكماء
البارت_الاول
هاجر_عمر
حط