رواية مكتملة بقلم لولو محمد

بيها سنين 
مروه تهز راسها 
امير شيفانى بغل صح 
مروه المهم تكون مرتاح و ما دام انت ما اذيتوش و لا ظلمته خلاص ايه المشكله دى تجاره 
امير بجد !!
مروه ما دام لا بتاذى و لا بتظلم اعمل اللى يريحك حتى لو هتشترى شركات الدنيا كلها 
امير يضحك بسخريه 
امير انتى وراكى شغل كتير هنا 
مروه اه و انت بصراحه معطلنى بس ... اعتقد ان مش مشكله من تأجيل عمل اليوم إلى الغد بما انه يوم مهم اوى بالنسبالك
امير يبتسم 
مروه ماما بتعمل احلى كيكه فى العالم مع شويه صوص شيكولاته ايه بقي حكايه 
امير طب و الواحد عشان يجرب الحكايه دى يكلم الاستاذ على و لا تكلميه انتى
مروه هكلمه انا .. عن اذنك ثوانى 
مروه تروح ناحيه البانك و تجيب شنطتها من تحت ميار قاعده بتدخل داتا على الجهاز توشوشها 
ميار مامتك بتقولك الكيكه فى الفرن
مروه تبص لها باستغراب 
ميار الراجل اتصل بيا و كان ھيموت و يعرف انتى فين ضرورى و بعدين انا شايفه انكوا طولتوا اوى فى الحكايه دى ما تلمى الواد بقي و تخلى عندك ډم دا غيرك مش لاقيين دكر بط حتى 
مروه ما هو نبرك ده اللى جايب الواحد الارض 
ميار تخطيطي انا اللى وصلك لهنا لكنكم لا تعلمون يلا يلا اتحركى و انا هكمل الشغل هنا فى ضهرك ميوره الأموره طيرى انتى 
مروه تضحك و تاخد شنطتها و تروح لأمير بيقلب فى الفساتين 
مروه تمام ماما مستنيانا 
امير يبتسم و يشاور لها تتفضل تمشي و هو وراها 
.........................
فى شقه منى 
منى و انت هتفضل كدا لحد امتى 
احمد يا ماما ما هى حامل و انتى عارفه بقي الحمل الاول بيبقي متعب قد ايه 
منى و الله يا ابنى انا الوحيد اللى شيفاه تعبان طول الفتره اللى فاتت هو انت بس اقول ايه على قلبك زى العسل يلا ربنا يهدى سركوا 
احمد بكره لما ربنا يكرمها و تقوم بالسلامه 
منى بكره بكره بكره من يوم ما خطبتها و انت بتقولى بكره و من يوم من دخلت حياتك و انت شغال زى الطور فى ساقيه هتفرق لنفسك امتى 
احمد يا امى ما انا 
منى بص مش عاوزه اسمع حاجه هى كدا كدا ما عادتش تفرق ... عرفت ان مروه اتخطبت 
احمد ربنا يسعدها طيبه و بنت حلال و تستاهل كل خير 
منى يعني اخدت بالك انك مش الخير ده يا ابنى اصل لما هى طيبه و تستاهل كل خير انت بقي ايه عشان تستاهل اللى انت فيه ده 
احمد و انا مالى بس يا ماما ما انا زى الفل اهو
منى معاك حق انت فعلا ما كانش ينفع معاك غير اللى انت فيه و انا ما ينفعش معايا غير اللى انا فيه ده عارف ليه عشان انا اللى ربيتك على كدا ابنى الوحدانى المدلع اللى بياخد كل اللى هو عاوزه يلا خليك تتربى 
احمد و بترجعي تزعلى ان اميره مش بتقدر تجيلك ما هو مش طبيعي كل ما نقعد سوا خمس دقايق تتكلمى عن قد ايه مروه كانت ملاك و انا و اميره شياطين ما كانتش مروه عجباكى اوى لما كانت مراتى 
منى تقوم تقف و وتعصب 
منى و اديني بتربى انا كمان معاك على البتر اللى كنت فيه انا داخله انام ابقي طفى الانوار قبل ما تنام فاتوره الكهرباء بتقطم ضهرى و المعاش ما عادش بيكفي بعد قسط الجمعيه اللى بعملهالك عشان مصاريف المستشفي اللى ما لهاش زى اللى الهانم نفسها تولد فيها 
احمد يتنهد منى تدخل اوضتها و ترزع الباب
احمد انا اعمل ايه بس فى كل ده بس يا ربى 
........................
فى قاعه فخمه 
فرح امير و مروه 
نهى لابسه فستان حلو جدا على الكرسي و حواليها بنات كتير جدا
بنت ١ لا يا شيخه طب ما تسالي عمتوا كدا جيتلك كام مره و ما كنتيش بترضي تقابلى حد 
بنت ٢ سيبك من اللى فات الدريس بتاعك خرافه دا انتى مغطيه على العروسه يا بنتى 
نهى اغطى على مين يا بنتى ما ده شغلها 
بنت ٣ واو بجد انا روحت الاتيليه كذا مره شغله حلو اوى فعلا بس عمرى ما شوفت دريس بالجمال ده 
بنت١ اخت العريس بقي لازم تبقي حاجه تانيه خالص 
البنات يضحكوا ميار تدخل 
ميار انتى هنا و انا قالبه الدنيا عليكي يلا عاوزين نتصور 
نهى يلا يلا ... يلا يا بنات يلا 
ميار تزق كرسي نهى ناحيه الكوشه امير و مروه يقوموا و يروحوا يتصوروا معاها و البنات يتجمعوا حواليهم ثوانى و شباب يدخلوا يتصوروا حوالين امير واحد منهم يسلم عليه 
كريم اوعى العريس الجامد 
امير اقسم بالله لو ما كنت جيت كنت نفختك 
كريم انا اقدر ... بقولك ايه يا معلم هى مين اللى واقفه مع المدام دى 
امير اوعى 
كريم ايه مرتبطه و لا ايه 
امير لا سنجل بس جد جدا و سكتها الوحيده عند الحج السمح ابو دقن بيضه اللى قاعد جنب الست اللى واقفه جنب مامتى ده 
كريم طب مش نتعرف الاول و نشوف الكيميا هتمشي و لا لا 
امير يا عم البنات الحلوه ما بتقعدش اللحق نفسك البت دى زى اختى بالظبط اضمنهالك برقبتى 
كريم للدرجادى 
امير انا عمرى لبستك قبل كدا
كريم طول عمرك 
امير امال اشمعن المرادى بتراجع ورايا
الاتنين يضحكوا 
و يدخل ناس تانين يسلموا و يحضنوا و يتصوروا امير يوطى على مروه يتوشوشوا 
امير مش كفايا بقي و لا ايه 
مروه ليه بس الفرح حلو و الناس مبسوطه 
امير بتنا احلى 
مروه طب عشر دقايق كمان الناس بتتصور معانا 
امير ماشي اخر عشر دقايق عشان خاطر عيونك الحلوه دى
مروه تبتسم بخجل ميار تشدها 
ميار كان بيقولك ايه 
مروه عشر دقايق و نشطب الفرح اللحقي خديلك كام صوره 
ميار الله مستعجل مش قادر يصبر عقبالى بقي عقبالى 
مروه تضحك و تتصور مع الناس 
..................... ليالى وشوشه للروايات 
فى شقه مروه تانى يوم الصبح 
مروه تفتح عينها بالعافيه تحط ايدها جنبها مفيش حد تقوم تبص يمين و شمال مفيش حد تطلع بره تروح المطبخ تسمع امير بيتكلم فى التليفون 
امير لا طبعا ما عجبتنيش دا شغل شقلب و اقلب مش عدله اوى يعني زى ما كنت فاكر ... بلا صباحيه بلا زفت بقي يا راجل هو فى الكلام ده دا تهريج و الله ... لا مش ده اللى كنت مستنيه بصراحه
مروه تحط ايدها على قلبها و ټعيط و تجرى على اوضتها 
امير خلاص اتصرف انا هسافر بكره الصبح يعني الحاجه تكون عندى النهرده كفايا اوى انى قبلت كل اعزارك انك ما تسلمهانيش قبل الفرح ايه هديها هديه الجواز بعد شهر العسل دا أنت غريب جدا تظبطها زى ما طلبتها و تبعتهالى النهرده و الا اقسم بالله ما هتعامل معاك فى شغل تانى ... سلام 
امير يقفل الخط و يرمى الموبايل على الرخامه و ياخد صينيه الفطار و يرجع الاوضه يلاقي مروه بټعيط و مدياله ضهرها 
امير الله انتى صحيتي امتى 
مروه تمسح وشها امير يحط الصينيه على الترابيزه 
امير مش هتصدقى اللى حصل ... فاكره كريم اللى مسكته مجموعه اللورد اللى اشتريتها امبارح كلمنى على مين ... ميار قولتله منك على ابوها عدل ... على الله بقي عقدتها تتفك و تتجوز و تتهد عننا لحسن انا بدات اتعقد 
امير يروح يحضن مروه من ضهرها 
امير لا و النكته بقي مش هتصدقي مين كلمت ماما امبارح فى الفرح ... ست زفته هانم اللى كانت هتبقي حماه اختى قال ايه نصالح الولاد على بعض 
مروه ټنهار من العياط 
مروه طب انا قصرت فى ايه طيب ... ناقصني ايه 
امير ينهار ابيض ايه العياط ده كله كل ده ليه انا بس كنت عاوز السلسله زى الديزاين بالظبط و الراجل وعدنى انه هيسلمهالى قبل ما نسافر بكره بس لو هتضايقي اوى كدا اخليه يبعتها كدا و خلاص و بعدين نبقي نعمل واحده تانيه بعدين بس ما تعيطيش بالشكل ده 
مروه سلسله ايه و تصميم ايه 
امير هديه جوازنا يا قلبي امال انتى زعلانه و بتعيطى اوى كدا ليه 
مروه انت كنت بتتكلم عن سلسله 
امير ايوه الراجل بعتلى الصوره مركب سلسله عاديه جدا و فى التصميم اللى طلبته كانت مشغوله قولتله يخلصها ما يكروتنيش 
مروه تتحرج 
امير طب خلاص خلاص انسي بقي انسى و قومى افطرى عشان تلحقي تلبسي و تجهزي قبل ما الجماعه يطبوا علينا 
مروه امير انا اسفه اوى 
امير على ايه يا قلبي بس 
مروه عشان ظلمتك لما سمعتك بتتكلم فى التليفون افتكرتك بتتكلم عليا انا افتكرت انى هعيده تانى 
مروه ټعيط امير ياخدها فى حضنه 
امير حقك عليا انا حقك عليا انا يا ست الكل انسي و ما تفكريش فيها تانى خلاص فتره و عدت و مش هيتكرر منها اى حاجه تانى ان شاء الله حقك عليا انا يا قلبي ما فيش حاجه تستاهل دموعك الغاليه دى 
امير يمسح دموعها 
امير انتى بقي هتقضي صباحيتي عياط و نكد دا بدل ما تعوضيني و تصالحيني ... انا اسف اوى يا ست مروه انا اتظلمت و لازم اخد تعويض مناسب على الظلم ده 
مروه تبتسم بخجل 
مروه و يا ترى بقي التعويض 
امير حقك الحمام حق دستورى لكل مواطن بس تعملى حسابك ان فى ضريبه قيمتها عشره فى الميه زياده على دقيقه تأخير بتعرفى تحسبي و لا احسبهملك انا 
مروه لا احسب انت براحتك و هو حد هيراجع وراك
مروه تمشي و هى بتضحك و امير متابعها و بيتكلم بصوت عالى و هو بيضحك 
امير على رايك الحسبه حسبتنا و الدفاتر بتاعتنا 
..................
فى شقه احمد 
اميره مجازفه مجازفه بس اكيد تستاهل يعني و لا ايه 
احمد ما انا لو ما اتقبلتش فى المصنع و حمدى بيه صاحب الشركه عرف ممكن اخسر شغلى و ابقي لا طولت ده و لا طولت ده 
اميره يا حبيبي هتتقبل باذن الله هم هيلاقوا زى خبرتك و شطارتك فين و بعدين هو هيعرف منين يعني دلوقت 
احمد انا بصراحه مش متحمس انا مرتاح فى الشركه دى 
اميره يا حبيبي التانين لو هيدوك جنيه زياده انت أولى بيه و بعدين حبيبي انت شايف العيشه كل يوم بتغلا ازاى و الراجل ده مش راضي يزود مرتباتكوا و هاتك يا مص فى تعبكوا بالساعات فى الشغل 
احمد طب سبيها لله افكر 
اميره ما تضيعش الفرصه بقي دا صحبتى ماكدالى على رنج المرتبات فى الانترفيو 
احمد خلاص يا اميره بطلى زن مصدع و عاوز انام 
اميره بطلت انا اصلا كنت مستنياك تروح عشان ادخل اخد حمام خد بالك بقي من زيزو لحد ما اطلع 
احمد حاضر يا ستي اتفضلى ... نعيما مقدما 
اميره قلب ميرو انت 
اميره تاخد البرنص و تروح الحمام تقفل على