رواية مكتملة بقلم لولو محمد

انا هتكفل بحجز شهر العسل بس اكيد المصاريف عليك يعني ايه ان كان حبيبك عسل و لا ايه 
أنور يضحك و احمد ما بيضحكش
احمد و ان كنت مش عاوز اسافر بالى اعمل ايه 
أنور ما تضيقش مخك بقي يا احمد دى رحله فى العمر و اميره طول عمرها بتحلم بيها و بعدين يا راجل اساعدك ازاى اكتر من كدا انت اصلا عارف حجز الفنادق هناك بكام 
احمد انا مقدر و الله بس حضرتك ممكن تساعد معايا فى حاجات تانيه اهم 
أنور انا سعاده بنتى و تحقيق أحلامها هى اهم حاجه عندى و بنتى نفسها تقضي شهر العسل فى بالى و بعدين يا حبيبي انا ابوها هى يعني اساعدها هى و اجهزها هى مش دورى اشيل معاك فى جهازك و فرش شقتك هى فى الاول و الاخر شقتك و اديك شوفت انت نفسك لما طلقت مراتك الولانيه ما خدتش الشقه فى جيبها يعني و هى ماشيه فارش شقتك فى حدود امكانياتك و انا ما طلبتش منك اكتر من كدا 
احمد دا كلام جميل من حضرتك بيقابله كلام تانى خالص من اميره و طنط 
عليا عروستك و بتدلع عليك فيها ايه يا حبيبي ربنا يخليكوا لبعض بكره تفتكروا الايام دى و تضحكوا عليها... مامتك عوزاك بره 
احمد تمام ... عن اذنكوا
أنور هبقي ابعتلك باقي تفاصيل الرحله عشان ترتب امورك و تبلغنى بالتاريخ المناسب ليك عشان الحجز 
احمد لسه بدرى يا عمى فى حاجات كتير واضح انها هتاخد وقت قدامنا لسه 
أنور ربنا يعينك يا حبيبي 
احمد عن اذن حضرتك 
احمد يطلع بره يبص على امه واقفه و الاتنين الحزن مالى ملامحهم منى تروح ناحيه الباب اميره تبسبس لأحمد يبصلها تشاورله هكلمك فون يهز راسه و يمشي اميره تطلع من ورا الستاره تلاقى عليا و أنور خارجين من البلكونه 
عليا احسن حاجه عملتها ايوه كدا حط النقط على الحروف و عرفه مكانه فين دا اللى ناقص كمان ما نديله مصروف ايده كمان دا فاكر انه بيجبى علينا انه هيتجوز بنتنا و لا ايه مش كفايا رضينا ناخد واحد مطلق 
اميره هو فى ايه يا ماما 
عليا البيه مش عاوز يسفرك بالى و بيقول نحط الفلوس دى معاه فى الشقه شايفه مجايبك شايفه بجاحته عارفه ليه يا هانم عشان ضامنك جاى و مالى ايده انك بتحبيه و عوزاه عمال يتفرد و يتنى على ابوكى 
اميره بس حوار بالى ده 
عليا اسمعى منى انا امك انا مش فارق معايا كل ده بس لازم اعززك قدامه و يطلع عينه عشان يوصلك عشان يعرف قيمتك كويس و الا هتصحى الصبح تلاقيه راميكي و جايب غيرك ما كل حاجه بتجيله ببلاش هيحافظ و يقدر النعمه ليه 
أميره بس هو ساب مروه عشان بيحبنى 
عليا و بكره زميله ليه فى الشغل تلوف عليه و يحبها و لا يمكن مروه دى تحلى فى عينه تانى زمان قالوها حكمه قصقصي ريشه الراجل لما الفلوس بتكتر فى ايديه اول حاجه بيعملها بيطلق مراته و يتجوز واحده تانيه 
أنور ما انا ما عملتش كدا يا عليا 
عليا يا حبيبي هو انت فى زيك انا بتكلم عن الرجاله الوحشين قلالاه الاصل انما انت بيه أبن بيه 
أنور يبتسم و اميره بتفكر فى الكلام 
....................
فى شقه مروه 
ميار كدا كل الخامات اللى ممكن نحتاجها و بكميات تكفينا شهر قدام كمان بس يا رب نظبط الشغل و ما يروحش كل ده فى الهالك 
إيناس تدخل شايله صينيه عليها شاى و ساندوتشات 
إيناس ايه الاخبار يا بنات مش هتفرجونى على الحاجه اللى جبتوها 
مروه و الله يا ماما جيتي فى وقتك انا كنت ھموت من الجوع 
إيناس جبتيلى شلل الخيط اللى قولتلك عليها يا ميار 
ميار جبنا كل حاجه يا طنط 
إيناس انا بقي هقعد اعلمكوا كل الغرز و الرسومات اللى اعرفها اسالى مروه انا التريكو ده هوايتى 
ميار و انا جاهزه و جيت شنطه ابر من كل الاحجام و خيوط من كل الالوان و الأنواع كلو فى الكيس الكبير ده 
إيناس على بركه الله يلا كل واحده تجيب بكره و ابره و تعالوا اعلمكوا 
مروه طب مش ناكل الاول 
إيناس اااه دا انتوا يومكوا طويل بقي اما اروح بقي اعمل شاى لابوكى و اشوفه لو ناقصه حاجه 
ميار تسلم ايدك يا ست الكل ... بقولك ايه عاوزين ننجز مش هينفع اتأخر النهرده امى جايبه جاز منى 
مروه كدا كدا هتاخدى شغل معاكى البيت تعمليه 
ميار لا يا ست الكل انا هروح اعمل سيرش عن البانرونات و الموديلات اللى هنبدأ نشتغل عليها و انتى عليكي السوشيال ميديا عاوزين نبدا بدايه تهز الكون 
مروه احلى حاجه فيكي انك تعملى اعلان عن المنتج و انتى لسه ما نفذتيهوش اساسا بجد ما فيش بعد كدا 
ميار يا بنتى الصفحه و الجروب هياخدوا وقت طويل على ما يتعرفوا ابدئي انتى بس و ربنا هيرزق 
مروه آمين كلو على الله 
ليالى وشوشه للروايات 
................
فى شقه منى 
احمد يدخل يقعد جنبها 
احمد عامله ايه 
منى الحمد لله انت عامل ايه طمنى عليك مبسوط 
احمد حمايا قالى انه هيحجز لينا الهانيمون فى بالى ... دى فى إندونيسيا 
منى ربنا يهنيك 
احمد كنت بفكر اخد قرض زواج ما اعرفش فى حاله انى مطلق هينفع و لا لا 
منى تبتسم بسخريه 
احمد انا عارف انى مش عاجبك بس دا حقها ... من حقها تفرح زى كل البنات هى مش هتتجوز كل يوم 
منى تهز راسها 
احمد على فكره اميره طيبه اوى حضرتك بس اللى متحفزالها 
منى انا 
احمد الابتسامه تروح من وشه 
منى انا جوزتك مره التانيه دى بقي دى مشكلتك انت خصوصا ان طلبات الجماعه بتوعك اوفر و ما حدش بيستوعبها و السبب مستفز بنت خالتها ابن عمتها اخو بدعتها احنا مالنا بالناس 
احمد ما هى 
منى هى مش طيبه و شرياك و كل الكلام الحلو بتاعكوا ده خليها تضمنك 
احمد ازاى يعني 
منى احمد .. بالله عليك ما توجع قلبي انت عاوز تدين نفسك روح اوحل نفسك بعيد عنى انا المفروض أديت رسالتى معاك انا و ابوك الله يرحمه و جوزناك و عملنالك بيت كويس مع بنت ناس محترمين صانتك و صانت بيتك و شرفك و قدرت ظروفك و انت ضيعت كل ده انا مش هقدر اعيده من الاول يا ابنى انا بطولى دلوقت و ما حلتيش غير فلوس المعاش بجيب بيها اكل و شرب و علاج ... بص انا مش هضغط عليك فى جوه حتتين دهب كنت بتعايق بيهم قدام الناس خدهم يا حبيبي و بيعهم و استر نفسك قدام نسايبك الجداد و ابقي كدا حرفيا ما حلتيش حاجه غير معاش ابوك و الاربع حيطان اللى حواليا تحب ابيعهملك و اخد شقه إيجار... ما دا اللى ناقص يا قلب امك 
احمد قاعد ساكت و باصص فى الارض 
منى يا ابنى الناس دى مش شارينك عمرهم ما اشتروك و عمرهم ما هيبقوا عليك 
احمد هى 
منى هى بنتهم ربايتهم 
احمد لانها فى بيتهم يا امى ما ينفعش تكسر كلامهم و لا تصغرهم دى حاجه ما تعيبهاش بالعكس 
منى هقوم اجيب لك الدهب على الله يقدر يسد ماسوره المصاريف اللى وراك 
منى تقوم و احمد متابعها 
......................
فى الشركه 
ليلى طب اعمل ايه انا اتصلت بيها مليون مره مقفول دا انا وصلت بيا انى بعتلها على العنوان اللى فى البطاقه مندوب من الشركه و ما حدش فتحله ... انا بعد اذنك مش فاهمه سر اصرار حضرتك على دى بالذات مع انى شايفه ان كان فى ناس كتير احسن منها
امير انتى لسه محتفظه بالسيفيهات زى ما طلبت 
ليلى اكيد حضرتك 
امير بعد اذنك هاتيها 
ليلى ثانيه واحده 
ليلى تروح تجيب الملفات تحطها قدام أمير يقلب فيهم و يطلع سي فى ميار و يديه لليلى 
ليلى مش للدرجادى ... دا بجد 
امير يبتسم 
ليلى البنت مش راكزه خالص و صوتها عالى و بترد و بجد اسلوبها غريب جدا حضرتك 
امير كلميها 
ليلى ماشي حضرتك صاحب الشركه و دى فلوسك بس بعد اذنك من باب الفضول ريحني قولى ليه 
امير عشان انك تعين الأمين ابن الاصول اللى هيبقي قلبه على الشغل و يتقى ربنا فيه حتى لو من غير خبره احسن مليون مره من انك تعين معاك اللى عنده خبره بس مش فارق معاه الشغل و قلبه مش عليه 
ليلى و الاستاذه ميار دى هى اللى قلبها هيبقي على الشغل 
امير مروه ... مدام مروه هى اللى تستحقها ... الانسه ميار صاحبتها كانوا جايين سوا
ليلى واو ... للدرجادى... لا ان كان كدا بقى اتصل بالانسه ميار ... عن اذن حضرتك 
ليلى تمشي و هى بتمصمص شفايفها و امير بيضحك 
......................
فى شقه مروه 
مروه بتهزرى 
ميار انا اول ما قالتلى هى مين انا قلبي فط من مكانه و بعدين هبدتنى بالحقيقه اختاروكى انت و مش عارفين يتواصلوا معاكى عشان سعادتك لسه ما غيرتيش عنوانك فى البطاقه و بذكائك الخارق كتبتى رقم موبايلك القديم 
مروه صح ... طب هنعمل ايه 
ميار هتروحى تشتغلي طبعا 
مروه لا خلاص بقي جت متأخر انا ممكن اتصل بيهم اعتزر احنا بدانا مشروعنا خلاص 
ميار بس انا شايفه انك تروحى 
مروه لا مش مستاهله 
ميار يا حبيبتى الناس اتشقلبوا عشان يوصلولك على الاقل قدريهم و روحى شوفى الدنيا و قوليلهم سبب الاعتزار بأسلوب لطيف ما فيهاش حاجه 
مروه انتى شايفه كده 
ميار انتى شايفه غير كدا  
مروه تفكر 
.....................
فى الشركه 
ليلى مدام مروه بره عاوزه تقابل حضرتك 
اميره دخليها 
ليلى انا اديتها العقد ما قرتوش على فكره 
امير دخليها لو سمحتى 
ليلى تمام 
ليلى تطلع و مروه تدخل امير يقوم يقف 
مروه السلام عليكم 
امير اتفضلى تعالى 
مروه تروح تقعد امير يقعد 
امير انا الحقيقه مش مصدق انها بلغتك .. الانسه ميار اقصد شكلكوا صحاب من زمان 
مروه اه ... ميار انسانه جميله و ذكيه جدا و صدقنى حماره شغل هى بس محتاجه فرصه 
امير بخصوص الشغل
مروه انا اسفه بس انا جايه اعتزر 
امير يستغرب 
مروه انا لما ما حدش كلمنى افتكرت ان ما ليش نصيب و بدات مشروعى الخاص كان بلان بى بالنسبالى و انا جايه اقدم اصلا 
امير ممتاز و ايه نوع المشروع ده لو سمحتيلى الطفل
مروه ملابس تفصيل و تطريز و تريكو حاجات من دى 
امير ممتاز ربنا يوفقك 
مروه آمين ميرسي جدا لزوقك حضرتك ... هستاذن 
امير انا ليا طلب بعد اذنك 
مروه لو اقدر اكيد ليه لا خير 
امير بلغى انسه ميار انها اتقبلت 
مروه بجد !! دى هتفرح اوى بجد ميرسي جدا صدقنى حضرتك مش هتندم ابدا بأذن الله 
امير فرصه سعيده انى اتعرفت على ناس زيكوا 
مروه تبتسم بخجل و تحيه براسها و تقوم 
مروه عن اذن حضرتك 
امير يبتسم و يحيها و يشاور لها