رواية مكتملة بقلم لولو محمد

اجيبهولك انا !! 
احمد لسه قاعد تليفونه توصله رساله مروه تبتسم 
مروه ما تجيش تقولى اخرتك و نكدت عليك بقي ... انا بتحايل عليك تروح لها من الصبح 
احمد انا ما كنتش ناوى اطلقك ... كنا بنتكلم ان ... نحاول يعني نقنع اهلها 
مروه و ليه !! عشانى !! يا راجل كبر مخك ... طب بص اقعد لو مش عاوز تخرج اقعد بس انا الحلقه دى مستنياها بقالى اسبوع هتفرج عليها و انت قاعد جنبى كدا ماشي  
مروه تشغل التليفزيون و تاخد وضعيه قعاد مريحه و تكمل فرجه و احمد متابعها فى صمت توصله رساله تانيه يفتحها يبص فيها و يبص لمروه مركزه مع التليفزيون مسلسل رومانسي يقوم و يمشي مروه ټنهار من العياط تيجي تقوم تجرى على جوه رجليها تتعور فى الازاز المكسور فى الارض تقعد جنبه ټعيط 
فى مطعم فخم جدا 
احمد و اميره بنت فى أواخر العشرينات فائقه الجمال قاعدين بيتكلموا و قدامهم اكل
اميره لا طبعا مقدره جدا احساسك بس انت مهما كنت هتحاول سنين دة كانت النهايه المنطقيه الوحيده للغلطه اللى انت بداتها من الاول 
احمد انا !!
اميره مش معنى أن اهلى رفضوك انك تجرى على واحده من مستوى اقل و تتجوز ... كان اولى انك تصبر و تحاول مره و اتنين و تلاته 
احمد دا على اساس انك ما كنتيش اتخطبتى وقتها يعني 
اميره قولتلك كان ڠصب عنى انت فاكر ان اهلى ما ضغطوش عليا انت عارف انا رفضت كام عريس عشانك لحد دلوقت عارف انا سمعت كلام عامل ازاى و لسه بسمع عشانك 
احمد و انتى فاكره ان اهلى كمان كانوا ساكتين و عارفه انى جيتلك اكتر من مره و برده كنت بترفض 
اميره مش هنفتح السيره دى تانى خلاص فات معادها اللى حصل حصل و دلوقت قدامنا فرصه تانيه نبدا كان ما فيش حاجه حصلت 
احمد بس فى حاجه حصلت يا اميره فى حاجه حصلت 
اميره يعني ناوى تعمل ايه دلوقت ... يا ريت تفهمنى عشان اعرف موقفى بس 
احمد ما اعرفش 
اميره لا ما انت لازم تعرف احنا مش هنقعد هنا العمر كله هتقعد قد ايه يعني ساعه اتنين و اكيد هترجع ليها تانى البيت و هتتكلموا لازم تبقي مرتب الكلام ... احمد انت حبيتها 
احمد لا و انتى عارفه ده كويس ... بس هى عايشه معايا بقالها سنه ... سنه 
اميره افكرك بكلامك ليا عن قد كانت اسوء و اصعب سنه فى عمرك و قد ايه كنت بتضغط على نفسك كل يوم عشان تقدر تكمل و قد ايه مرواحك البيت تقيل على قلبك و بتعد الساعات عشان تصحى تنزل الشغل افكرك بكلامك انك مش قادر تنفرد بيها و بتخلق اعزار و زيارات لاهلك و اهلها عشان مش قادر ټلمسها و لما بتعمل كدا پتكره نفسك ... مش ده كلامك و لا كلام كنت بتضحك بيه عليا عشان تربطنى جنبك 
احمد كلامى و حقيقي ... بس احساسي انى ظلمتها قاتلنى
اميره دا بس عشان الكلام اللى هى قالتهولك و انت نازل 
احمد ممكن 
اميره تمام نرجع لموضوعنا هتعمل ايه معاها ... و معايا... عشان انت عزرك الوحيد عندى خلاص الحمد لله اتحل ... فلازم انت بقي تتحرك ... بمعنى تانى تختار 
احمد يتعدل على كرسيه و يلف بعينه على الناس و يرجع يبص لاميره متابعه بدون ابتسامه يتنهد و يهز راسه موافق 
فى شقه احمد 
احمد يدخل الشقه النور مطفى يشغله يلاقيها نضيفه فله يدخل و يقفل الباب و يطفى النور و يروح ناحيه الاوضه يفتح الباب بالراحه يلاقي مروه نايمه على جنبها و مدياله ضهرها يتنهد و يروح يقعد فى اوضه تانيه يفكر ثوانى و بعدين يروح الاوضه عند مروه و يفتح النور و يطلع بجامه و يغير هدومه و كل شويه يبص على مروه يروح يقعد جنبها و يصحيها بالراحه تقوم تقعد و تبصله 
مروه احنا امتى فى ايه خير 
احمد عاوز اتكلم معاكى 
مروه اتكلمنا يا احمد و الموضوع انتهى بيتهيالى اى كلام تانى يلقي مع بابا بقي ... تشوفوا هتنهوها ازاى 
احمد و ما دام دا رايك انتى لسه هنا ليه 
مروه حاضر النهار يطلع و امشي ... ممكن انام بقي 
احمد انا ما بقولكيش كدا عشان كدا 
مروه امال عاوز ايه 
احمد عاوز اتكلم معاكى 
مروه ماشي ... اقوم اعمل فنجان قهوه عشان افوق و نقعد نتكلم 
مروه تشيل الغطا من عليها رابطه رجلها احمد يشوفها تقوم تزك و هى ماشيه احمد يمنعها و يقعدها 
احمد مالها رجلك 
مروه ما تشغلش بالك بسيطه 
احمد الازاز اللى انا كسرته صح 
مروه احمد ... خلينا نخلص بقي ... ما تعملش انك مهتم 
احمد انا مهتم 
مروه بجد !! من امتى ما احنا بقالنا سنه مع بعض عمرك صحيتنى ... بالعكس كنت بتقول الحمد لله فى كل مره تدخل و تلاقيني نايمه .. لانى ما كنتش نايمه و دلوقت ما كنتش نايمه 
احمد يستغرب 
مروه بعمل نفسي نايمه عشان اشيل من عليك الحرج عشان اعدى الليله قبل ما تتلكك لى على اى ذره تراب فى اى حته او تخترعلى حد من صحابك علق على قميصك اللى مش مكوى كويس و بوظلك مودك و اخرجك قدام الناس بسببي و تقعد تزعق و تكسر و تدخل الاوضه التانيه و ترزع الباب و انت بټلعن اليوم اللى اتجوزتنى فيه ... امتى اهتميت بحالتى وقتها امتى فرق معاك كل چرح فى ايدي او رجلى و انا بلم و انضف مطرح ما كسرت ... دا انت كسرتني يوم صبحيتي و ما بصيتش وراك اشمعن دلوقت بعد ما نهيناها بتهتم 
احمد انا مش وحش اوى كدا 
مروه انت ما فيش منك اتنين... بس مش بتاعى ... خلاص يا احمد بقي ... انت معاك حق انا المفروض كنت مشيت قعادى هنا كان غلطه ... هستاذنك تصبر عليا للصبح و انا همشي ... او قوم وصلنى دلوقت مفيش مشكله اجى عليهم مره و اخضهم مش مشكله ننجز ... هقوم البس 
مروه تيجي تقوم احمد يمنعها 
احمد خليكي 
مروه شكرا ... هستاذنك بقي انام 
احمد يهز راسه مروه تلف و تروح مكانها فى السرير و تشد عليها الغطا و ټعيط فى صمت و تقعد تمسح دموعها و تشد المخده تغطى بيها راسها و تتكلم بصوت محشرج مبحوح من كتمانها العياط 
مروه من فضلك اطفى النور 
احمد يقوم يطفى النور و يروح الاوضه التانيه و هو مخڼوق 
.......................
فى شقه اهل مروه تانى يوم 
إيناس والده مروه يا بنتى ما اكيد للطلاق سبب دا انتوا عمركوا ما اټخانقتوا عمره ما قصر معاكى فى حاجه دا الكل كان بيحسدكوا ... ايوه صح هو ده اتحسدتوا و الشيطان دخل بينكوا ... استهدى بالله يا حبيبتي و اهدى و بصي ... اقعدى هنا زى ما انتى عاوزه و اهدى خالص و انا هكلمه
مروه خلاص يا ماما ايدك 
على والد مروه طب ماشي ماشي مش هنكلمه هو اصلا حسابه معايا بعدين انه ينزلك على باب الشقه كدا و يمشي من غير ما يدخل و لا يتكلم معايا ايه الأسلوب ده اصلا ما لو فى اى مشكله يقعد معايا و نتكلم و نحلها زى الناس الكبار 
مروه مش هينفع يقعد ... و مش هينفع نتكلم فى الموضوع و مش هينفع يتحل الموضوع خلص و انا و هو اتفقنا على كل حاجه انا هطلق 
على ماشي بس على نفهم ليه ... على الاقل لو حد سالنى فى يوم من الايام بنتك أطلقت ليه اعرف ارد ... اصل معلش يعني لو كان وحش كنت فهمت انما انا ... احنا ما بنشوفش منه غير كل خير ... هو كان بيعمل معاكى حاجه انتى ما بتقوليهالناش 
مروه تتنهد 
مروه فى واحده تانيه فى حياتى 
إيناس و انتى بقي زى الهبله هتسيبيلها الجمل بما حمل كدا يعني ... يا بنتى نزوه و الرجاله ياما بتعمل ... يا قلبي جوزك شاب و صغير و وسيم و مطمع و الف من تلوف عليه بس الست العاقله تحاجى على بيتها و تهتم بنفسها و تدلع جوزها و هو فى الاول و الاخر بيرجع 
على استنى انتى يا إيناس ... مروه ... احنا مش هنرجعك ڠصب عنك و ان ما شالتكيش الارض اشيلك فى عنيا لاخر يوم فى عمرى بس يا بنتى خړاب البيوت مش بالساهل اتكلمى معاه تانى و خلينا احنا نتكلم و نجيب اهله و نقعد و نشوف الدنيا دى هتخلص على ايه 
مروه ټعيط فى صمت 
على طب خلاص ماشي ادخلى ارتاحى و ... ربنا يفرجها من عنده نتكلم بعدين 
مروه انا مش عاوزه اتكلم تانى ... من فضلك يا بابا ... لو ليا ذره غلاوه واحده عندك انهى الموضوع و انا مش عاوزه منه حاجه بس ارجوك انهيه 
إيناس يا بنتى الدنيا ما بتتاخدش كدا ما تخليش الشيطان يركبك و يخليكي تعملى حاجات فى لحظه ڠضب تندمى عليها العمر كله 
على خلاص خلاص مش عاوز كلام تانى فى الموضوع ده ... سامعه يا إيناس... خلصنا... انا هقعد معاه و ننهيها 
مروه شكرا يا بابا بجد ... و اسفه اوى على اللى حصل انا عارفه انى داينتكوا فى جهازى جامد و انكوا يا دوب لسه فايقين من ديونه و هتبداوا تاخدوا نفسكوا
مروه ټعيط على ياخدها فى حضنه 
على بطلى هبل احنا ما عندناش اهم منك ... خشى ارتاحى لحد ما ارجع ... مفيش كلام معاها خالص يا إيناس لحد ما ارجع 
إيناس تحط ايدها على بقها على يقوم و يروح ناحيه الباب إيناس تقوم تجرى وراه 
ايناس على على ... بالراحه ... حلها بالراحه 
على يتنهد بحزن و يمشي إيناس تقفل باب الشقه و تبص على مروه
ليالى وشوشه للروايات 
إيناس هروح اعمل الاكل ... خشي اوضتك ارتاحى 
إيناس تروح المطبخ 
......................
فى شقه احمد 
منى والده احمد على جثتى شوف على جثتى انت ايه يا ابنى ما عندكش ډم يعني ترمى بنت الأصول اللى قبلت بيك و انت ما حلتكش و تروح تانى للناس اللى رفضوك ... يا ابنى ايه اللى جرالك دا انت ابن أصول ... ايه نسيت قاعدتك مع الراجل و هو بيقولك يا ابنى انا مش عاوز منك غير انك تتقى ربنا فى بنتى و اللى ما تقدرش عليه انا هجيبه و اهو كلو فى بيت بنتى و لبنتى فى الاخر ... ليه كدا يا ضنايا دا انت راجل حتى 
احمد قاعد باصص فى الارض 
منى حتى لو طلقت مروه يا احمد ...