رواية مكتملة بقلم لولو محمد

تضحك 
مروه انا لو شوفتى ميار و اللى عملته دى كانت هتقوم تجيبها من شعرها 
إيناس ميار دى مصېبه بس طيبه و ډمها خفيف 
مروه ربنا يرزقها بالزوج الصالح اللى يقعدها فى البيت عشان دى لو اتقبلت فى الوظيفه دى مش بعيد نجيبها من القسم بعد ما تفتح للبنت دى دماغها 
جرس الباب يضرب
مروه انا هقوم اشوف مين 
مروه تروح تبص من العين و الحزن يبان عليها و تداريه و تبتسم و تفتح الباب تلاقى منى
............................. 
مروه اهلا اهلا ايه المفاجاه الحلوه دى اتفضلى يا امى اتفضلى تعالى نورتي اهلا و سهلا اتفضلى 
منى ما فيش حاجه مجرئانى على المجى ليكي غير كلمه امى اللى لسه بتناديني بيها دى بعد كل اللى حصل 
مروه و ايه بس اللى حصل يا امى اتفضلى ... على فكره ماما عامله شويه مهلبيه يستاهلوا بقك ثوانى اجيبلك طبق و اعلق على الشاى على ما تسلمى على ماما 
منى تدخل إيناس تبص الناحيه التانيه 
مروه ماما منى يا ماما جايه تشرب مع حضرتك الشاى
ايناس اهلا و سهلا اتفضلى 
منى تدخل تقعد و هى محرجه مروه تروح المطبخ منى تطلع ظرف كبير فيه فلوس و تحطه على الترابيزه 
منى انا عارفه ان مروه ما كانش مكتوب ليها قايمه ... بس انا كنت كاتبه كل مليم اتصرف فى الجوازه و 
إيناس تبصلها منى تسكت و تبص فى الارض و بعدين تبص لايناس تانى 
منى انا عارفه ان كنوز الدنيا مش هتصلح اللى حصل ... بس دا جزء من حقها الجزء اللى انا اقدر ارده و الباقي ما تقلقش كدا كدا ربنا هيخلصهولها كله 
مروه تدخل شايله صينيه عليها تلات اطباق مهلبيه و معالق 
مروه ليه الكلام ده بس يا امى ربنا يباركله و يسعده اتفضلى 
منى سيبك انتى من شغل الحموات اللى كان بيحصل بينا طول الفتره اللى فاتت انا يعني كنت عوزاكوا كويسين و كل حاجه مظبوطه بس انا عمرى ما كنت اقبل انه يخونك و خصوصا مع دى انتى يا بنتى ما شوفتيش الناس دى كانت بتعاملنا ازاى و اوعى تفتكرى انهم اتغيروا بالعكس ابنى انا اللى اتكسر فى عين نفسه زمان و فاكر دلوقت انه هيصلح الشرخ ده ما يعرفش انه دمر نفسه بنفسه لا هى بتحبه و لا هو فارق معاها اصلا و القرشين اللى حيلته مش هيملوا عنيها دا كل يوم خروجات و فسح و مصاريف و اقوله يا ابنى بيتك اولى مفيش فايده انا حزينه اوى عليه ابنى بيروح منى 
إيناس انا و الله مش فاهمه نقدر نعملك ايه يا ست ام احمد لكل الندب ده كل شويه ايه بتحرقى دمنا على ابنك 
مروه ماما 
ايناس اسكتى انتى ... ايه كل شويه تفكرينا اننا اتهنا و اترمينا عشان ناس تانيه ما تسواش لا معلش بقي اعذريني عروسته الجديده دى صاروخ ما حصلتش بنت ناس ما حصلوش و بيحبوا بعض حب ما حصلش دا الكلام اللى انا عاوزه اسمعه عاوزه عزر يبرد نارى على كسره قلب و خاطر بنتى فلوسك دى ما تلزمناش احنا اديها لابنك يملا بيها عين ست الكل التانيه انما احنا لما امناكوا على بنتنا و سلمناهالكوا بأيدينا امانه لا فرق معانا فلوس و لا كنا مستنين منكوا جنيه 
مروه ماما لو سمحتى 
إيناس ان كانت هى سمحت انا مش مسامحه ان كانت هى قدرت انا مش قادره يا ست ام احمد مش قادره اشوف بنتى رجعالى قلبها موجوع انا يا ام احمد قلبي موجوع دا انا خدته فى حضنى و عاملته زى ابنى و أتسندت عليه يعمل فيا كدا بيقعد يضحك فى وشي من ورايا واجع قلب بنتى بالشكل ده ليه انا قصرت معاكوا فى ايه دا احنا شقيانين عليها 
منى ټعيط و تحاول تمسح دموعها و مروه فى النص حزينه و إيناس كمان بټعيط 
إيناس هات لها اغلى حاجه يا على و احلى حاجه ما تخليش بنتك ناقصها حاجه و على يشتغل و يداين و انا اعمل جمعيات و ازنق نفسي فاكره ده عشان الفلوس لا عشان بنتى تبقي مبسوطه مفيش اغلى من الضنا فلوسك ما تلزمنيش اعمل غيرها من بكره ادخل مېت جمعيه و اربط الحزام و احوش قدهم زى ما حوشتهم فلوسك دى تاخديها و انتى ماشيه مش عوزاها 
مروه ماما كفايا بقي ما يصحش كدا دى فى بيتنا 
إيناس و انتى اتوجعتى فين مش فى بيته ... فرحتك اتكسرت فين 
منى تقوم تروح ناحيه الباب مروه تجرى وراها
مروه استنى بس يا امى هى ما تقصدش 
إيناس خدى فلوسك معاكى 
مروه استنى بقي يا ماما عيب كدا
منى تفتح الباب تلاقي على طالع على السلم 
على الله اتارى الدنيا نورت اهلا وسهلا بالغاليه ست الغاليين ... الله مالك بس فى ايه 
مروه حقك عليا انا يا امى معلش سامحيني 
منى ازى حضرتك يا استاذ على ... عن اذنك 
منى تعدى على و تنزل على السلم 
على امك قامت بالواجب 
مروه الست ما لهاش ذنب 
على انا داخل أطيب خاطر امك بكلمتين عديني 
مروه و على يدخلوا و يقفلوا الباب 
.......................
فى الشركه 
أمير بيفرز الملفات يشوف صوره مروه على السي فى و يبص على السي فى تقريبا فاضي و يبص على التقرير العلامات كلها كويسه يستغرب مديره مكتبه ليلى تبص 
ليلى مفيش اى خبرات عمل نهائى من يوم ما اتخرجت 
أمير اللى هو من سنتين يعني عادى اشتغلت على نفسها انتى عارفه مش سهل ابدا تلاقى شغل 
ليلى ايوه بس هى حرفيا ما عملتش اى حاجه فى السنتين اللى فاتوا شهاداتها و كورساتها كلهم كانوا فى الكليه 
أمير انا شايف انها مناسبه كلميها 
ليلى بس حضرتك فى بنات كتير مقدمين السي فى بتاعتم 
أمير يبصلها و يبتسم 
ليلى تمام هكلمها .. طب و باقي السيفيهات حضرتك هتبص عليها و لا 
أمير احتفظى بيهم عندك مش هيخسروا 
ليلى تمام ... عن اذن حضرتك
........................
فى شقه منى
احمد يعني انا كمان المسؤل عن 
منى ايوه انت و للمره المليون انا مش عجبانى البنت دى
احمد الله احنا بنتكلم عن طنط إيناس و لا عن اميره دلوقت 
منى انا طهقت 
احمد طب ممكن حضرتك تهدى بس
منى اهدى ازاى و انا شيفاك بتضيع نفسك مع واحده ما بتحبكش 
احمد بتحبنى و انا بحبها و افكر حضرتك انك ايام مروه ما كانتش عجباكى اوى برده بس الفرق ان مروه كانت بتكبر دماغها عن كلام حضرتك و بتبتسم و تسكت بس بنات الناس مش كلهم مجبرين يتحملوا حرقه الډم و يسكتوا 
منى انت بتقارن مين بمين
احمد انا و مروه اطلقنا و القصه خلصت على كدا و هتجوز أميره و باذن الله هكون سعيد معاها ارجوكى دلوقت اقبلى الوضع ده و اقفى جنبى 
ليالى وشوشه للروايات 
منى مش هيحصل 
احمد عشان خاطرى دا انا ما ليش غيرك 
منى انا مش قادره استحمل الناس دول يا ابنى 
احمد تمام يا امى شكرا 
احمد يجي يروح اوضته 
منى احمد 
احمد يبص لها 
منى ماشي... حدد معاد معاهم خليني اشوف نسايب الهنا اللى اتكرموا اخيرا و قبلوا بالغلابه اللى زينا 
احمد يبص لامه بحزن منى تدخل اوضتها و ترزع الباب 
.........................
فى شقه مروه
ميار انا كنت عارفه ان شركه الهنا دى مش هيجي من وراها حاجه 
مروه قولتلك نمشي انتى اللى صممتى نكمل يعني وسط العدد دا كله ما كانش في كارتين واسطه ينهوا الموضوع فى النص 
ميار هم الخسرانين 
مروه تضحك 
ميار بس اوعى تفتكرى انى هياس او افقد الامل انا بفكر اخد كورسات و اطور فى نفسي لحد ما اموت 
مروه طب و ليه تموتى ما بناقص خالص 
ميار ما انا لو بطلت ادور و اخد كورسات هتحبس فى البيت و ساعتها ھموت برده 
مروه فاكره كورس التفصيل و التطريز اللى اخدناه فى ثانوى 
ميار ايوه 
مروه ايه رايك نجيب خامات و نشتغل و نعمل مشروعنا احنا و نجيب بنات و نعمل براند و نكسر الدنيا 
ميار انتى بتهزرى صح الموضوع ده هيحتاج فلوس كتير جدا و بعدين احنا برده مش محترفين اوى يعني دا يا دوب كام غرزه على كام قصه مش جامدين يعني عشان نبدأ البيزنيس بتاعنا 
مروه خلاص نقدم على كورس جديد ناخده و نبدا نطبق عملى و نشوف البنات الموهوبين معانا فى الكورس و نقنعهم و باذن الله نحقق حاجه 
ميار طب و بالنسبه لجزء الفلوس 
مروه تتنهد و تقوم تفتح درج و تطلع ظرف الفلوس و توريه لميار 
مروه ماما منى جابتلى ده من يومين و ماما كانت عاوزه ترجعه بس بابا ما رضيش و قالى حقك و خديه ابدئي بيه حياتك انتى عارفه انى طلعت من هناك بدهبى و شنطه هدومى بس 
ميار بس انتى كدا بتجازفى جامد احنا ممكن نخسر 
مروه ما حدش بيخسر احنا اكيد هنتعلم و ناخد خبره و بعدين ما يمكن ربنا يكرمنا و ننجح ايه المشكله 
ميار بس انا ما عييش فلوس اشاركك 
مروه و ايه يعني احنا برده مش هندخل بقلب جامد يعني هناخدها واحده واحده و بكره ربنا يكرمنا عادى المهم نبدا 
ميار تمام و انا عارفه هنبدأ منين 
.....................
فى شقه اميره 
منى دا كتير جدا ازاى يعني ليه 
عليا والده اميره لا مش كتير خالص بالعكس دا أقل من العادى كمان طب دا بنت عمتها 
منى انا ما ليش دعوه ببنت عمتها انا بتكلم عن إمكانياتنا
عليا و انا كنت طلبت ايه ازيك من امكانياتكوا معلش و بعدين ما اكيد حضرتك عارفه ان الجواز مكلف و مجرباه قبل كدا 
منى ما هو عشان مجربينه قبل كدا عارفين كويس انه عشان يتم لازم الطرفين يقدروا بعض و يساعدوا بعض 
عليا اللى بيجي بلاش بيروح بلاش لازم الواحد يتعب فى الحاجه عشان يعرف قيمتها 
منى و الله معاكى حق مش هقدر اتكلم خلاص يشيل شيلته اتفاقكوا معاه مش معايا 
عليا ازاى بس يا مدام حضرتك والدته 
منى اه بس انا وضعى معروف يا دوب معاشي على معاش ابوه و عايشه فى بيتي مستوره الحمد لله اكلى و دوايا يعنى كدا كدا اخرى ادعيلي انما بقي الماديات دى هو اللى يتفق عليها عشان هو اللى هيسد
عليا امال حضرتك بتتفقى معايا على ايه من الاول طول الوقت ده
منى لا يا ست الكل انا ما كنتش بتفق انا كنت بسمع طلباتكوا اللى ما شاء الله زادت عن آخر مره كنا فيها هنا و اترفضنا 
عليا الظروف اتغيرت 
منى ايوه ما انا واخده بالى ... هو حضرتك ممكن تستاذنيلى فى احمد يعني من الحج عشان تعبانه شويه و عاوزه امشي 
عليا ثوانى حاضر 
عليا تقوم تفتح البلكونه احمد واقف جنب أنور والد اميره 
أنور و يا سيدي